Монголчуудын хоног тоолон хүлээж байсан гурван сая дахь иргэн мэндэлснийг өнөөдөр олон нийтэд мэдээллээ. Гурван сая дахь иргэн охин хүүхэд бөгөөд энэ сарын 24-ны өглөө Өмнөговь аймгийн Даланзадгад сумын Нэгдсэн эмнэлэгт эцэг Энхтүвшингийн Хатанболд, эх Ганбатын Аззаяа нарын гэр бүлд мэндэлсэн юм.

Өнөөдөр Засгийн газрын ээлжит бус хуралдаан болно. Хуралдаанаар гурван сая дахь иргэнийг алдаршуулах болон урамшуулах ажлын зохион байгуулалтын талаар ярилцаж шийдвэр гаргах аж.