МУИС-ын зарим багш нар бүтцийн өөрчлөлт хийх гэж байгааг эсэргүүцэн дөнгөж сая хэвлэлийн бага хурал хийлээ. Тэд бүтцийн өөрчлөлтийг эсэргүүцэгч багш оюутны түр хороог энэ сарын 7-ний өдрөөс байгуулж байгаа бөгөөд өнөөдөр тэд МУИС-ын удирдлага, БШУЯ, Ерөнхийлөгч Ц.Элбэгдорж нарт өргөх бичиг хүргүүлэхээр болсон юм.

Хадгаламж зээлийн хоршооны хохирогчид Хууль зүйн яамны гадаа суулт зарлаж байна. Тэдний хохирлын 50 хувийг одоо хүртэл барагдуулаагүй байгаа бөгөөд хуулийн төсөл санаачилсан ч хэлэлцээгүй өнөөдрийг хүрсэн. Тиймээс 30 гаруй иргэн энэ асуудлыг яаралтай шийдэж өгөхийг хүсч Хууль зүйн сайд Х.Тэмүүжинд хандан ийнхүү суулт зарлаж байна.