”Ebenezer” продакшны хамт олон маргааш залууст зориулсан хайр сэтгэл, инээдмийн “Амжих уу хайраа” дэлгэцийн шинэ уран бүтээлээ үзэгч түмэндээ хүргэхээр болжээ.

МЗХ-ны Урлагийн болон Спортын хороод хамтран нийслэлийн Ерөнхий боловсролын 35-р дунд сургуулийн сурагчидтай нөхөрсөг уулзалтыг маргааш 15.00 цагаас хийхээр болжээ.

МАХН-ын дэргэдэх Ардчилал, шударга ёс, монголын залуучуудын холбооны Удирдах Зөвлөл өчигдөр хуралдаж, холбооныхоо тэргүүнээр О.Буяннэмэхийг сонгосон байна.

Монголын ширээний теннисний холбооноос зохион байгуулдаг улсын аварга шалгаруулах тэмцээн маргааш “Оч” клубт эхэлнэ.

Баасан гарагт Агнуурын тэнгисийн баруун эргээр асар хүчтэй шуурах тухай цаг уурчид анхааруулга өгсөн талаар “BBC” мэдээлжээ.

Мал сүүний урамшууллын журмыг ирэх бямба гарагийн Засгийн газрын хуралдаанд оруулж, хэлэлцэх тухай Үйлдвэр, хөдөө аж ахуйн яамнаас мэдээлжээ.

Катар улсын иргэн Фатима аль-Ансари таван хиймэл эрхтэн суулгуулах хагалгаа хийлгэж байжээ. Энэ эмэгтэй АНУ-ын Майами хотын эмнэлэгт эрүүл охин төрүүллээ.

Өнгөрсөн хоногт цагдаагийн байгууллагад дээрмийн гурван хэрэг бүртгэгджээ. Тухайлбал, Баянгол дүүргийн 17 дугаар хороонд 15.00 цагийн үед 13 настай эрэгтэй И-г үл таних хоёр хүүхэд дээрэмдэж эд зүйлсийг нь булаажээ.

Маргааш 16.00 цагаас зураач Ц.Бямбажавын “Дэлгэртүгэй” уран бүтээлийн үзэсгэлэнгийн нээлт Монголын Урчуудын эвлэлийн танхимд болно.

Дуучин жүжигчин одууд гоо сайхны мэс заслын эмнэлэг дээр очин хууль бусаар мансууруулах бодис бүхий тариаг судсаараа тариулсан хэрэг өнгөрсөн оны арванхоёрдугаар сард гарсан билээ. Нэрийг нь нууцалж байсан эдгээр бүсгүйчүүдийн нэр тодорч тэд цагдаагийн байгууллагад шалгагдаж эхэллээ.

Засгийн газрын тэргүүн Н.Алтанхуяг “Өглөөний шинэ санаа” уулзалт зохион байгуулж, баасан гариг бүрийн өглөө 08.00 цагт иргэдтэй цахим хэлбэрээр шууд холбогддог. Энэ удаагийн уулзалтад Эрчим хүчний сайд М.Сономпил оролцож, иргэдийн сонирхсон асуултад хариулт өгөх юм байна.

БНХАУ-ын улс төрийн төлөөлөгчид Ши Жинпиныг ирэх 10 жилд улсаа удирдах Ерөнхийлөгчөөр буюу Коммунист намын даргаар баталсан талаар “BBC” мэдээлжээ.

Харилцаа холбооны зохицуулах хорооноос радио давтамж ашиглах эрхийн бичиг эзэмшиж байсан нэр бүхий аж ахуйн нэгж, байгууллага болон иргэдэд тухайн эрхийн бичгийн хугацаагаа сунгуулах талаар мэдэгдэл хүргүүлсэн байна.