Энтертайнмент

Сэтгэлдээ оч асуусан бяцхан жүжигчидтэй энэ өвлийн анхны киноны нээлт 18 цагаас болно

2017 оны 11 сарын 15

Сэтгэлдээ оч асуусан бяцхан жүжигчидтэй энэ өвлийн анхны киноны нээлт 18 цагаас болно
Харүмафүжид шийтгэл ногдуулна

2017 оны 11 сарын 15

Японы сүмогийн холбооноос ёкозүна Харүмафүжид доод зиндааны бөхдөө гэмтэл учруулсан хэргээр шийтгэл оноохоор
Дэлхийн шилдэг киноны хөгжмийг Симфони найрал хөгжим, Морин хуурын чуулга нэгэн тайзнаа

2017 оны 11 сарын 15

Дэлхийн шилдэг киноны хөгжмийг
Симфони найрал хөгжим, Морин хуурын чуулга нэгэн тайзнаа.
Киног амьдруулдаг хамгийн чухал зүйлсийн нэг бол хөгжим юм. Тэгвэл кино сонирхогч та бидний сэтгэл зүрхэнд хоногшсон дэлхийн болон Монголын олон сайхан киноны хөгжмүүд улсын Филармонийн тайзнаа энэ сарын 17, 18-нд тоглогдох гэж байна. Тус тоглолтонд Оскарт Монголоос нэр дэвшиж буй “Чингисийн Хүүхдүүд” киноны хөгжим бүрэн эхээрээ тоглогдож, тэнд ирсэн үзэгчид тус хөгжмийн анхны сонсогч болох юм.
Дэлгэрэнгүй мэдээллийг:www.mglphilharmonic.mn сайтаас болон 7011-8012, 8800-4849, 9919-6623 дугаараас тодруулна уу?
Чингисийн Хүүхдүүд
”Залуу мөрдөгчид” МУСК өнөөдөр нээлтээ хийнэ

2017 оны 11 сарын 15

”Залуу мөрдөгчид” МУСК энэ сарын 15-нд нээлтээ хийнэ
”Их дуулга”-д 16 жүдоч зодоглохоор мэдүүлгээ илгээжээ

2017 оны 11 сарын 14

Япон Улсын Токио хотноо ирэх сарын 2-3-ны өдрүүдэд зохион байгуулагдах ”Их дуулга” тэмцээнд Монгол Улсаас 16 жүдоч зодоглохоор мэдүүлгээ илгээжээ.
Олимпийн аварга Н.Түвшинбаяр “Чингис хаан” одон хүртэх үү

2017 оны 11 сарын 14

Их эзэн Чингис хааны мэндэлсэн өдөр, Монгол бахархлын өдөр энэ жил ирэх ням гарагт буюу 19-нд тохионо.
Дэлхийн мисст оролцож буй Ц.Энхжинд саналаа өгцгөөе!

2017 оны 11 сарын 14

Монгол Улсын гавьяат тамирчин Шүүхийн шийдвэр гүйцэтгэх ерөнхий газрын харьяа ”Сүлд” биеийн тамир спортын хорооны соёл, биеийн тамирын асуудал хариуцсан мэргэжилтэн, дэд хурандаа Б.Цэвээндашийн Ц.Энхжин Miss World 2017 тэмцээнд Монгол Улсаа төлөөлөн амжилттай оролцож байна.

Мөн тэмцээний ”Зорилго бүхий гоо бүсгүй” төрөлд тэрээр хөрсний бохирдол, тэр дундаа гэр хороолол, сумдын сургууль цэцэрлэгийн модон жорлонг боловсон ариун цэврийн өрөөгөөр солих төслийг хэрэгжүүлэн ажиллаж байгаагаараа онцлог юм.

Дэлхийн мисс тэмцээнд амжилттай оролцоход тухайн орны мисс олон нийтийн сүлжээ, гар утасны аппликейшн болон вэб сайтаар хамгийн олон санал авсан байх ёстой.

Гар утас Mobstar аппликейшны санал асуулгад Ц.Энхжин нэгдүгээр байрт орсон байгаа бөгөөд цаашид энэхүү байр сууриа хадгалах шаардлагатай байгаа тул эх орныхоо нэрийг өндөрт өргөн тэмцээнд ажилттай оролцож байгаа Ц.Энхжинг дэмжин дараах зааврын дагуу орж саналаа өгөхийг уриалж байна.

1. Та PlayStore эсвэл AppStore луугаа орж Mobstar application-ийг хайн олж утсандаа татаж суулгана.

2. Application суулгасны дараа өөрийн Facebook эсвэл Google хаягаар нэвтэрнэ.

3. Нэвтэрсний дараа баруун дээд буланд байрлах “Хайлтын хэсэг”-т Enkhjin Tseveendash гэж латин үсгээр бүтэн бичээд ардаа цэнхэр зөв тэмдэгтэй албан ёсны хаяг руу нэвтэрнэ.

4. Хаяг руу нэвтрэн ороод баруун дээд буланд байрлах follow товчийг дарж дагана.

5. Та бүх зурган дээр дарж баруунаас зүүн тал руу чирнэ.

6. Мөн та зургууд доор миссээ дэмжсэн сэтгэгдэл бичиж үлдээхээ мартуузай.

Санал өгөх бол ЭНД дарна уу.
Дуурийн дуучин Э.Анхбаяр дэд байр эзэлжээ

2017 оны 11 сарын 14

Сонгодог хөгжмийн өлгий нутаг Австри Улсын нийслэл Вена хотод зохиогдсон олон улсын дуурийн дуулаачдын уралдаанд 39 орны 140 дуучдаас дуурийн дуучин Э.Анхбаяр дэд байр эзэлжээ. Тэрбээр өнгөрсөн онд Унгарын нэрт дуучин дэлхийн номер нэг Турандот Metropolitan дууийн театрын гоцлол дуучин Ева Мартоны нэрэмжит олон улсын дуурийн дуучдын хоёрдугаар уралдаанд тэргүүн байр эзэлсэн билээ.

Э.Анхбаяр нь:

2007 онд оюутан байхдаа ОХУ-ын Владивосток хотноо болсон дуурийн залуу дуучдын V уралдаанд II байр,
2011 онд ОХУ-ын Улаан-Үд хотноо болсон ”Байкал” олон улсын уралдаанд тусгай байр,
Улан-Үд хотноо болсон СССР-ийн ардын жүжигчин Л.Линховойн нэрэмжит X уралдаанд ”Лучший голос” шагнал болон Гран-при шагнал,
2011 онд ОХУ-ын Москвад болсон М.Глинкийн нэрэмжит олон улсын дуурийн дуулаачдын XXIV уралдаанд хоёрдугаар байр,
2014 онд ОХУ-ын Курск хотноо болсон Г.Свиридовын нэрэмжит ОУ-ын дуурийн дуучдын уралдаанд II байр эзэлсэн.
Мөн УДБЭТ-д ажиллаж байхдаа П.И.Чайковскийн ”Евгений Онегин”, А.Моцартын ”Дон Жуан”, Ж.Бизегийн ”Кармен”, Ж.Вердийн ”Травиата”, Ж.Пуччинийн ”Богема”, Б.Дамдинсүрэнгийн ”Учиртай гурван толгой”, Б.Шаравын ”Чингис хаан” зэрэг томоохон дуурьд дүр бүтээж байсан билээ.
Өнөөдөр монголчууд анх медаль хүртэж байсан түүхэн өдөр

2017 оны 11 сарын 14

Одоогоос 50 жилийн өмнө буюу 1967 оны 11-р сарын 14-ний өдөр Энэтхэг улсын нийслэл Шинэ Дели хотод зохион байгуулагдсан чөлөөт бөхийн ДАШТ-ээс хөдөлмөрийн Баатар, гавьяат тамирчин Жигжидийн Мөнхбат -87kг-д хүрэл медаль хүртэж, Монгол хүн олимпийн спортын төрлөөр түүхэндээ анх удаа дэлхийн медальтан болсон юм. Тус тэмцээнд Ж.Мөнхбат эхний тойрогтоо АНУ-ын бөх Б.Баухманд оноогоор ялагдаж, II тойрогт Шведийн бөх А.Антонсоныг 3.30 минутанд цэвэр дарж, III тойрогт ХБНГУ-ын бөх Ю.Иоллыг 8.30 минутанд цэвэр ялаад, IV тойрогт Ираны бөх Мажид Аkkилитай тэнцсэнээр хүрэл медаль хүртжээ. Улмаар нэг жилийн дараа Мехиkо-1968 олимпийн наадмаас анхны мөнгөн медаль хүртсэн билээ.
Токиогийн олимпийн наадмын тэтгэлэгт хамрагдсан тамирчид тэтгэлэгээ гардан авлаа

2017 оны 11 сарын 14

”Тоkио-2020” олимпийн наадмын тэтгэлэгт хөтөлбөрт хамрагдсан тамирчдад тэтгэлэг олгох ёслолын ажиллагаа МҮОХ-ны хурлын танхимд зохион байгуулагдлаа. Уг тэтгэлэгт хамрагдсан
1. Г.Одбаяр - Жүдо
2. Д.Сумьяа - Жүдо
3. Л.Отгонбаатар - Жүдо
4. Г.Ган-Эрдэнэ - Бокс
5. М.Намуун - Бокс
6. Б.Чинзориг- Бокс
7. А.Батцэцэг- Чөлөөт бөх
8. Т.Тулга - Чөлөөт бөх
9. П.Орхон - Чөлөөт бөх
10. Э.Бэхбаяр - Чөлөөт бөх
11. О.Гүндэгмаа - Буудлага
12. Ц. Мөнхзул- Буудлага
13. Г.Нандинзаяа - Буудлага
14. Д.Мирослава - Байт харваа
15. Д.Гантулга – Хөнгөн атлетиk
16. М. Анхцэцэг- Хүндийг өргөлт
17. П.Тэмүүжин – Тэkвондо
нарт МҮОХ-ны ерөнхийлөгч Д.Загдсүрэн, МҮОХ-ны дэд Ц.Дамдин, МҮОХ-ны ерөнхий нарийн бичгийн дарга Э.Бадар-Ууган нар тэтгэлгийг нь олголоо.
“Чингисийн хүүхдүүд” УСК Оскарын шагналд өрсөлдөх эрхтэй боллоо

2017 оны 11 сарын 13

“Чингисийн хүүхдүүд” уран сайхны кино 90 дэх удаагийн Оскарын шагналд өрсөлдөх эрхтэй боллоо. Тодруулбал, “Гадаад хэл дээрх кино”-ны төрөлд Монгол Улсыг төлөөлөн анх удаа албан ёсоор өрсөлдөх эрх авлаа. Энэ талаар өчигдөр тус киноны уран бүтээлчид мэдээлэл хийв. Д.Золбаярын найруулсан “Чингисийн хүүхдүүд” киног нүүдэлчин монголчуудын ёс заншлыг дэлхий дахинд сурталчлах зорилгоор бүтээсэн хэмээн уран бүтээлчид хэлж байсан юм. Тус кино одоогийн байдлаар 10 гаруй олон улсын кино наадамд оролцох урилга аваад байгаа аж. Энэ үеэр тус киноны зөвлөх продюссер Д.Цэнгэл “90 дэх удаагийн Оскарын кино наадамд нийт 92 улсаас нэр дэвшүүлснээс Оскарын хороо Монгол Улсыг бүртгэж авсан. Оскарын шагнал гардуулах ёслол ирэх оны гуравдугаар сарын 4-нд болно. Мөн оны нэгдүгээр сар хүртэл 92 улсын уран бүтээлчид кампанит ажил явуулж таван улсын кино Оскарын “Гадаад хэл дээрх шилдэг кино” номинацид тунаж үлдэнэ. Дэлхий дахиныг хамарсан кампанит ажил явуулж байж олон улсын шүүгчид, кино сонирхогчдын анхаарлыг татаж чадна. Манай кино оскарт албан ёсоор оролцох эрхтэй болсноо баталгаажуулж байгаа болохоос өрсөлдөх эрхтэй болсон гэсэн үг биш. Өрсөлдөх эрхтэй болохын тулд хамгийн сүүлийн таван кинонд тунаж үлдэх хүртэлх үйл ажиллагааг бид зохион байгуулах шаардлагатай” гэлээ. Мөн тус кинонд тоглосон жүжигчин Р.Анхням “Хотод амьдарч буй хүүхдүүд хөдөөний амьдралаас хөндийрсөн байдаг. Бид нүүдэлчин соёлтой учраас хөдөөний хүүхдүүд яаж амьдарч, байгаль орчинтойгоо хэрхэн зохицож чадаж байгааг энэхүү киноноос үзээсэй. Уран бүтээлчийн хувьд манай кино Монгол ахуй, ёс заншил, соёлыг дэлхийд сурталчилж чадах бүтээл болсон” хэмээв. “Чингисийн хүүхдүүд” хэмээх эрэмгий хурдан морь унах туршлагыг бага наснаасаа хуримтлуулж ирсэн Монгол хүүхдийн ур чадварыг харуулсан бүрэн хэмжээний уран сайхны киноны зураг авалтыг өнгөрсөн оны дөрөвдүгээр сард Архангай аймгийн Цэнхэр суманд эхлүүлж жил гаруйн хугацаанд нийт нэг тэрбум 200 сая төгрөгийн төсөв зарцуулан бүтээжээ.Уг киноны зураглаачаар Д.Ангараг, продюссерын багт гавьяат жүжигчин, дуучин Ж.Алтанцэцэг, зохиолчоор Ч.Ганзориг, Г.Буянцогт нар ажилласан бол гол дүрийг Д.Доржсамбуу, Д.Дорж, Д.Шаравдорж, Б.Батмэнд, Р.Анхням, Britanny Belt нар бүтээсэн байна.

Ингээд “Чингисийн хүүхдүүд” уран сайхны киноны хөгжмийг бичсэн,Улсын филармонийн хөгжмийн зохиолч, Монгол Улсын соёлын тэргүүний ажилтан Шатарын Өлзийбаяртай ярилцлаа.

-“Чингисийн хүүхдүүд” хэмээх уран сайхны кино өчигдөр нээлтээ хийлээ. Таны хувьд энэхүү киноны хөгжмийг нь бичсэн. Хэдий хэр хугацаанд энэхүү уран бүтээл дээр ажилласан бэ?

-Юуны өмнө энэхүү кино Америкийн кино академийн дээд шагнал болох Оскарт өрсөлдөх эрхтэй болсонд баяртай байна. Оскар бол нэг ёсондоо “Киноны олимп” гэж хэлж болох юм. Монголчууд бид нэгэн сэтгэлээр түүхэн амжилт гаргахын төлөө нэгдэн, кино урлагийг дэмжих шаардлагатай. Миний хувьд энэхүү киноны хөгжмийг нэг сар гаруй хугацаанд маш их зүйлийг бодож, бичсэн. Симфони найрал хөгжим биш, Морин хуурын чуулгаар киноны хөгжмийг тоглуулснаараа онцлогтой болсон л доо. Хөгжмийн дуугаралтыг нь хүчтэй болгохын тулд өргөлттэй хэсгүүдэд нь компьютер ашигласан байгаа.

-“Чингисийн хүүхдүүд” кино “Оскар”-т өрсөлдөхөөр болвол таны хөгжим гадаадын нэртэй уран бүтээлчдийн чихэнд хүрэх болно. Монгол ахуйг харуулсан, монгол аялгуу содон, сонин санагдах байх шүү.

-Тийм л дээ. Манай улсын кино уран бүтээлчид сүүлийн жилүүдэд их чадварлаг, мэргэжлийн түвшинд уран сайхны болоод баримтат кино хийдэг болсон. Найруулагч Д.Золбаярын энэхүү бүтээл дэлхийн нэр хүндтэй кино наадамд оролцоно гэдэг их бахархмаар амжилт. Аливаа зүйлд ая, дуу чимээ хамгийн чухал байдаг. Тэр утгаараа уран сайхны киног илүү хүнд хүргэхийн тулд хөгжим их чухал. Энэхүү кино маань хурдан морь унаач хүүхдийн тухай өгүүлэх учир хурдан морины хэмнэлд тохирсон хөнгөхөн, ая эгшиг сонсогдохоор хөгжмөө бичсэн. Тус киноны уран бүтээлчийн багт ажиллаж, уран сайхны киноны нэгээхэн хэсэг болох хөгжмийг нь бичсэндээ баяртай байна. Тэр ч утгаараа миний бичсэн “Чингисийн хүүхдүүд” киноны хөгжим оскарт эгшиглэвэл бахархалтай санагдаж байна.

-Өмнө та ямар киноны хөгжим бичиж байв. Ер нь киноны хөгжим бичих хэцүү юу?

-Халхын голын дайны ялалтын түүхт 75 жилийн ойд зориулан бүтээсэн “Эх орон дуудаж байна” уран сайхны кино болоод залуучуудын хайр дурлалыг харуулсан “Цэн тогоруу” хэмээх киноны хөгжим бичсэн. Киноны хөгжим бичих, бусад төрлийн хөгжим зохиохоос их ялгаатай л даа. Киноны хөгжим өөрийн таашаал онгодоор биш, найруулагчийн тавьсан дүрсийг үзэж, түүнд тааруулан туурвидгаараа ялгаатай. Ер нь нэлээд түвэгтэй л дээ. Гэхдээ киноны хөгжмөөр гаршсан хөгжмийн зохиолчид амархан гэж ярих нь бий.

-Хэдий хэр хугацаа шаардагдах бол?

-Киноны хөгжим, бүжгийн жүжиг, концертийн хөгжмийг бичихэд хамгийн багадаа сарын хугацаа шаардагдана. Хөгжим бичихээс илүү хөгжмийн найралжуулах, зэмсэгжүүлэлт дээр их уддаг л даа. Ерөнхий төлөвлөгөө хурдан гарч болох ч механик ажиллагаа нь маш их. Найралжуулахын тулд симфони оркестрын хөгжим болгонд тохируулна. Гаргахыг хүсэж байгаа аялгуу маань бусад хөгжимд дарагдах вий гэж санаа зовж, тооцоо хийнэ. Энэ ажиллагаанд олон цагийг зарцуулдаг. Нэг сар, түүнээс илүү хугацаа зориулах нь ч бий. Том хэлбэрийн хөгжмийн бүтээлийг дуу шиг сэтгэлийн хөдөлгөөнөөр бичдэггүй. Няхуур ажиллаж, бүтээлийнхээ гүнд орж, “шатаж” байж хийдэг учраас энэ хөдөлмөрийг хэмжихэд хэцүү л дээ. Том хэлбэрийн хөгжмийн бүтээлийг олон удаа сонсож хянадаг учраас “хий нь багасдаг” юм. Тийм учраас том бүтээлд, нөр их хөдөлмөр, зүрх сэтгэл шингэсэн байдаг учраас сонсогчдод хөгжмийн урлагаар дамжуулан бүхий л зүйлийг ойлгуулах боломжтой болдог. Сонгодог бүтээл, том хөгжмийн бүтээлүүдийг сонссон хүн сэтгэлийн асар их таашаал, энерги авдаг. Энэ бол нотлогдсон зүйл.

-Та гадаад, дотоодын мэргэжлийн хөгжмийн их сургуулиудад суралцаж, хөгжмийн урлагийн өндөр боловсрол эзэмшсэн манай улсын нэртэй хөгжмийн зохиолчдын нэг. Эзэмшсэн боловсролынхоо тухайд ярьвал?

-Монголдоо Соёлын коллежийг 1997 онд дүүргэж байлаа. Улмаар Оросод суралцах ганцхан хуваарийг нь би авч, их л баярлаж байв. Ингээд ОХУ-д зургаан жил сурч, Москва хотын Соёл, урлагийн их сургууль, М.И.Гнесиний нэрэмжит хөгжмийн академийг дүүргэсэн. Хүн эзэмшсэн мэргэжлээрээ илүү сайн, чадварлаг ажиллахын тулд сурч боловсрох, сурсан эрдмээ амьдрал дээр боловсруулж бүтээл, бүтээгдэхүүн болгож байх нь хамгийн чухал юм.

-Та Монголын хөгжмийн зохиолчдыг төлөөлөн олон улсын хэмжээний уралдаанд тогтмол “шандас” сорьж алдраа дуурсгаж байдаг хөгжмийн зохиолч. Өөрийн гаргасан амжилтаасаа дурдахгүй юу?

-2010 онд Москвад суралцаж байхдаа Италид болсон олон улсын хөгжмийн зохиолчдын их наадамд төгөлдөр хуур, найрал хөгжимд зориулсан бүтээлээрээ оролцож, гуравдугаар байрыг эзэлж байлаа. Их урам, зориг өгсөн уралдаан болсон л доо. Учир нь дэлхийн олон орны шилдэг хөгжмийн зохиолчид оролцож, тэргүүн байрыг нь Словани, хоёрт Япон, гуравт Монгол орсон гэж бодохоор бахархмаар санагддаг юм билээ. Тэр үед гадаадын том хөгжмийн уралдаан, наадамд монгол хөгжмийн зохиолчид оролцож байгаагүй юм. Харин надаас хойш хэд хэдэн хөгжмийн зохиолчид уран бүтээлээ дэлхийд таниулах болсон. ОХУ-ын Калуга хотод болсон “XXI зууны хөгжмийн зохиолч” олон улсын уралдаанд оролцож тусгай байр эзэлж байв. Миний морин хуур, симфони найрал хөгжимд зориулсан нэгдүгээр концертыг морин хуурч Д.Шинэцог тоглосон бол хоёрдугаар концертыг нь Д.Жигжиддорж амилуулан олны хүртээл болгож байлаа. Д.Шинэцог Австрийн Вена хотноо болсон Ф.Шубертын нэрэмжит олон улсын уралдааны тэргүүн шагналыг хүртэхдээ ч энэ зохиолыг тоглосон байдаг.

-Таны хувьд киноны болоод томоохон хөгжмийн бүтээл туурвихаас гадна олон сайхан нийтийн дууны аяыг зохиосон шүү дээ. Ер нь хичнээн дуутай вэ?

-200 орчим дуутай. Энэ жил “Морин хуур” уралдаанд “Тэнэгэр их тал” дуугаараа тэргүүн байр эзэлсэн. Өмнө нь хоёр, гуравдугаар байр эзэлж байлаа.“Дорнын говиос Монгол эхэлдэг”, “Би Монгол”, “Хулдын цэнхэр уулс” зэрэг олон сайхан дуу байна даа. Нийтэд хүрсэн “Чамайгаа санахаар” гэж дуу бий.
Криштиано Роналдо аав болсоноо зарлав

2017 оны 11 сарын 13

Алдарт хөлбөмбөгчин Криштиано Роналдо дахин аав боллоо. Энэ удаад тэрбээр охинтой болжээ.
Ц.Энхжин: Мультмедиа дээр шилдэгт багтахыг хичээж байна

2017 оны 11 сарын 12

Дэлхийн гоо бүсгүй шалгаруулах анхны тэмцээн Англи улсад 1951 онд зохион байгуулагдаж байжээ. 2003 онд анх Саняа хотод болж байсан бөгөөд энэ удаагийн 67 дахь удаагийн тэмцээн ч БНХАУ-ын Саняа
Дэлхийн шилдэг бүтээлүүд болон “Чингисийн хүүхдүүд” киноны хөгжим эгшиглэнэ

2017 оны 11 сарын 10

Улсын Филармони 45 жилийн ойн хүрээнд Дэлхийн болон “Чингисийн хүүхдүүд” киноны хөгжмийн концертыг 11 дугаар сарын 17,18-нд Улсын Филармонийн тоглолтын танхимд тоглох гэж байна. Тоглолт хоёр хэсэгтэй бөгөөд эний хэсэгт үзэгчдийн сэтгэлд хоногшсон шилдэг кинонууд болох “The good the bad and the ugly”, “Pearl Harbor”, “Terminal”, “Malena”, “Playing love”, “Алтан өргөө”, “Pirates of the Caribbean”, “Аравт”зэрэг киноны хөгжмөөс толилуулах бол түүний дараагаар нийт 10 зохиолоос бүтсэн тус киноны хөгжмийг сонсох боломжтой. Тоглолтод Улсын Филармонийн симфони найрал хөгжим, Морин хуурын чуулга Удирдаач Д.Нямдаш, Д.Түвшинсайхан Б.Батбаатар нар удирдах болно.
“Чингисийн хүүхдүүд” киноны хөгжмийг Улсын Филармонийн хөгжмийн зохиолч Ш.Өлзийбаяр бичсэн бөгөөд зөвхөн тус кинонд зориулан өөр өөрийн онцлог бүхий 10 өөр хөгжмийн бүтээл бичжээ.
Тоглолтын тасалбарыг Филармонийн билетийн касаар болон https://www.ticket.mn/event/337/ сайтаар худалдан авах ба Unitel-ын хэрэглэгчид 100GG оноогоор 5000₮ хөнгөлүүлэн авах боломжтой.

Дэлгэрэнгүй мэдээллийг: 70118012,70148012, 88004849, 99196623-с лавлана уу.
Бөмбөгтэй хоккейн ахмад тамирчдын Дэлхийн цомын тэмцээн болно

2017 оны 11 сарын 10

2017 оны 11-сарын 16-19-ний өдрүүдэд бөмбөгтэй хоккейн ахмад тамирчдын Дэлхийн цомын тэмцээн /Bandy Old Boys World Cup/ Финлянд улсын Лаппинранта /Lappeenranta/ хотод зохион байгуулагдах гэж байгаа бөгөөд энэхүү тэмцээнд манай улсын ахмадын шигшээ баг анх удаа оролцох гэж байна. Энэхүү тэмцээнд ОХУ, Швед, Финлянд болон Эстони улсын нийт 10 баг оролцох юм.
Монголын бөмбөгтэй хоккейн холбоо нь 2002 онд байгуулагдаж, 2003 онд Олон улсын бөмбөгтэй хоккейн холбооны гишүүнээр элссэн. 2006 оноос хойш манай улсын бөмбөгтэй хоккейн шигшээ баг ДАШТ-ний Б хэсэгт тоглож байгаа бөгөөд энэ оны 1-сард Швед улсад зохион байгуулагдсан ДАШТ-нд манай баг амжилттай оролцож хүрэл медаль авсан байна.
Бөмбөгтэй хоккейн спорт нь эрчимтэй хөгжиж байгаа өвлийн багийн спортын төрөл бөгөөд олимпийн төрөлд орох боломжтой юм. Олон улсын бөмбөгтэй хоккейн холбоо (FIB) нь 2022 өвлийн олимпийн үеэр бөмбөгтэй хоккейн танилцуулах тоглолт хийх талаар БНХАУ-ын олимпын хороотой ярилцаж байгаа.
Мисс А.Бөртэ-Үжин “Дэлхийн авьяаслаг миссийн тэмцээн”-д тэргүүн байр эзэлжээ

2017 оны 11 сарын 10

Дэлхийн сая сая гоо үзэсгэлэнт авьяаслаг миссүүд эх орноо төлөөлөн өрсөлддөг ”Miss Supertalent of the world” буюу “Дэлхийн Авьяаслаг миссийн тэмцээн” өнгөрсөн 10-р сард БНСУ-ын Сөүл хотноо амжилттай зохион байгуулагдаж, манай улсаас эх орноо төлөөлөн оролцсон мисс А.Бөртэ-Үжин нь нэгдүгээр байр эзэлжээ.

Мисс А.Бөртэ-Үжин нь уран нугаралтаараа зохион байгуулагчдын төдийгүй шүүгчдийг бишрүүлсэн бөгөөд тус тэмцээний нэгдүгээр байр эзлэсэний зэрэгцээ “K-pop Bornstar Hall”-д урилгаар суралцах эрх, “Daegu Haany” их сургуулийн хүндэт төлөөлөгч, “K-Beauty Cluwenco”-ын хүндэт төлөөлөгч, “Supertalent Duty free shop”-ын зар сурталчилгааны нүүр царай, “Supertalent World record”-ын хүндэт төлөөлөгч, “CNK internet news”-ын хүндэт төлөөлөгч, “Red Angel World Pr”-ын зар сурталчилгааны төлөөлөгчөөр тус тус шалгарсаны зэрэгцээ 2018 оны Пёонгчанг ”Өвлийн Олимпын” нээлтэнд оролцох эрхтэй болсон байна.

Дашрамд дуулгахад дээрхи тэмцээнд манай улсаас 2014 онд мисс Э.Азбилэг, 2016 онд А.Сайхантамир нар эх орноо төлөөлөн оролцож Дэд байрын эзэд болцгоож байсан билээ.
”City Swing” классик жазз тоглолт өнөөдөр болно

2017 оны 11 сарын 09

Улсын Филармонийн Баянмонгол биг бэндийн CITY SWING классик жазз тоглолт энэ долоо хоногт буюу 2017 оны 11 сарын 09-нд 19:00 цагаас улсын Филармонийн концертын танхимд ганцхан удаа тоглогдох гэж байна. Sammy Nestico, Glenn Miller, Billy Strayhorn, Luiz Bonfa, Gordon Goodwin, Cole Porter, Duke Ellington нарын хөгжмийн зохиолчдийн бүтээлээс толилуулна.

Тоглолтын хөтөлбөрт:

· Black Orpheus

· A Few Good men

· Samba del Gringo

· Raphsody in blue

· Brazil

· Night and day

· String of Pearls

· Take the Train

· Moonlight Serenade

· Warm breeze

· Tuxedo Junction

· Samantha

· Harlem Nocturne

· Sting of Pearls зэрэг олон алдарт жазз бүтээлүүд багтсан байна.

Тоглолтонд удирдаач С.Саруул-Од /МУСТА/, дуучин Н.Наранбаатар /МУСТА/, Ц.Хулан /МУСТА/, П.Өнөржаргал /МУСТА/, Б.Номин-Эрдэнэ /Шуранхай хамтлаг/, Б.Солонго нарын уран бүтээлчид оролцох ба тоглолтын хөтөлбөрт дэлхийн жазз хөгжмийн төмөөхөн төлөөлөгчдийн бүтээлүүдээс гадна монгол уран бүтээлийг жазз хөгжимд хөрвүүлэн бичсэн бүтээлүүд тоглогдоно.

Тоглолтын тасалбарыг 1800-1900 үнэгүй хүргэх ба Филармонийн касс, www.ticket.mn болон Shangri La Mall, Emart, Hi Fi Records-д байрлах TicketBox-уудаар худалдаалагдаж байна. Юнителийн хэрэглэгч тоглолтын тасалбарыг 100 GG оноогоор 5000 төгрөг хямдруулан авах боломжтой.
Үстэй мэт шивээс хийлгэхийн өмнө юуг анхаарах вэ

2017 оны 11 сарын 09

Хөмсөгөө шивүүлснээр гоё сайхан, цэвэрхэн цэгцтэй харагдахаас илүү цаг хэмнэх сайн талтай. Тиймдээ ч сүүлийн үед бүсгүйчүүд хөмсөгөө өөрийн мэт харагдуулах шивээсийг сонирхох болсон.
“Guys” хамтлагийн А.Төгсбаярын шинэ уран бүтээл гарчээ

2017 оны 11 сарын 08

Монголын рок попын ертөнцөд 20 жилийн турш хит дуунуудаараа “ноёрхсон” “Guys” хамтлагийн А.Төгсбаяр өөрийн соло уран бүтээлээ туурвиж эхэлжээ.
Б.Янжаа алдарт Steve harvey-гийн шоунд оролцжээ

2017 оны 11 сарын 08

Ой тогтоолтын дэлхийн аварга шалгаруулах тэмцээний гурван медальтай Б.Янжаа охин “Авьяаслаг Шведүүд”