-
2017 оны 10 сарын 10
Нэгдсэн үндэсний байгууллага /НҮБ/-аас 2012 онд жил бүрийн аравдугаар сарын 11-ний өдрийг “Олон улсын охидын өдөр” болгон тэмдэглэн өнгөрүүлж байхаар зарласан. Энэ жилийн “Олон улсын охидын өдөр”-ийг охидын боловсролыг чанартай эзэмшүүлэхэд тулгарч буй бэрхшээлийг шийдвэрлэхэд дэлхийн улс орнуудын охид хамтран багц үйл ажиллагаануудыг өөрийн улс орны онцлогт нийцүүлэн зохион явуулж өөрсдийн дуу хоолойгоо шийдвэр гаргагч нарт хүргэх зорилготой байна.
Тус өдрийг угтан дүүрэг тус бүр охидын эрхийн асуудалд олон нийтийн анхаарлыг хандуулах, ойлголт мэдлэгийг нэмэгдүүлэх, охидын эрхийг хамгаалахыг уриалсан арга хэмжээнүүдийг өөрсдийн нутаг дэвсгэрийн онцлогт нийцүүлэн харьяаллын сургуулийн сурагчдыг хамруулан зохион байгуулж байна гэж нийслэлийн Хүүхэд, гэр бүлийн хөгжлийн газраас мэдээллээ.
-
2017 оны 10 сарын 10
лон улсын багш нарын баярын өдрийг тохиолдуулан Онцгой байдлын албаны ахлагч бүрэлдэхүүнийг сургаж дадлагажуулахад оруулсан хувь нэмрийг өндрөөр үнэлэн Хууль сахиулахын их сургуулийн Ахлагчийн сургуулийн Онцгой байдлын албаны тэнхимийн эрхлэгч, хошууч Ж.Алтанхуягт хугацааны дэд хурандаа, тус сургуулийн багш, ахлах дэслэгч Ю.Ганзоригт хугацааны ахмад цол олгосныг өнөөдөр ОБЕГ-ын дарга, хошууч генерал Т.Бадрал гардууллаа.
ОБЕГ-ын дарга, хошууч генерал Т.Бадрал, “Онцгой байдлын асуудал эрхэлсэн байгууллагын үйл ажиллагаа жилээс жилд өргөжиж, төв, орон нутгийн Онцгой байдлын анги байгууллагуудад олон анги, салбар шинээр байгуулагдаж, шинэ боловсон хүчнээр хангагдаж байна. Онцгой байдлын албанд ажилд орох сонирхолтой залуус ч нэмэгдэж байгаа. Сүүлийн гурван жилийн хугацаанд гэхэд 300 гаруй залуус Хууль сахиулах их сургуулийн Онцгой байдлын сургуулийн Ахлагчийн сургуульд элсэн суралцаж, ажлын байраар хангагдаад байна. Цаашид ч бие бүрэлдэхүүний тоо нэмэгдэнэ. Онцгой байдлын албаны хойч үе, боловсон хүчнийг бэлтгэх, алба хаагчдыг сургаж дадлагажуулахад хувь нэмрээ оруулж яваа багш нартаа амжилт хүсье” гэлээ гэж Онцгой байдлын ерөнхий газраас мэдээллээ.
-
2017 оны 10 сарын 10
Дэлхийн сэтгэцийн эрүүл мэндийн дэлхийн өдөр өнөөдөр тохиож байна.
ДЭМБ-н судалгаагаар бие махбодын архаг хууч өвчин сэтгэл гутралтай хавсарсан тохиолдолд хүний биеийн эрүүл мэндийн байдал улам хурдан дордож байгааг тогтоосон юм. Халдварт бус, архаг өвчнүүд одоогоор дэлхий дахинд нас баралтын гол шалтгаан болж байна. Архаг хууч өвчтэй хүмүүс болон түүний гэр бүлийнхэний амьдралын чанарт нөлөөлөх хүчин зүйлийн нэг нь бол сэтгэл санааны байдал юм.
Үүнээс гадна удаан хугацааны турш өвчтэй байх нь сэтгэл санаанд дарамт үзүүлснээр сэтгэл түгшилт ба эрүүл бус зан үйлтэй болоход нөлөөлж, энэ нь сэтгэл зүйн ба бие махбодын шинж тэмдгүүдээр илэрдэг ажээ.
-
2017 оны 10 сарын 10
“Агаар, орчны бохирдлыг бууруулахад иргэн бүрийн оролцоо” сэдэвт хэлэлцүүлэг болно
-
2017 оны 10 сарын 10
ХНХЯ-ны дэмжлэгтэйгээр Гэр бүл, хүүхэд, залуучуудын хөгжлийн газрын санаачлагаар зохион байгуулагдаж буй “Эерэг хандлага-Эрүүл оюутан” аяны нээлт өнөөдөр МУБИС-ийн А байрны 201 тоотод боллоо.
-
2017 оны 10 сарын 10
Турк Улсын Измир хотноо 2017 оны 09 дүгээр сарын 25 наас 10 дугаар сарын 01-ний өдрүүдэд болсон Гал унтраах техникийн олон төрөлт спортын Дэлхийн аварга шалгаруулах 13 дахь удаагийн тэмцээнээс Монгол Улсын анхны хүрэл медалийг хүртсэн түүхэн амжилт гаргасан Онцгой байдлын албаны баг тамирчдыг өнөөдөр ОБЕГ-ын дарга, хошууч генерал Т.Бадрал болон даргын зөвлөлийн гишүүд хүлээн авч уулзан, баяр хүргэлээ.
Энэ үеэр Гал унтраах техникийн олон төрөлт спортын Дэлхийн аварга шалгаруулах 13 дахь удаагийн тэмцээнээс Монгол Улсын анхны хүрэл медалийг хүртсэн Онцгой байдлын албаны багийн дасгалжуулагч, бэлтгэл дэд хурандаа Д.Ганболдыг Онцгой байдлын албаны тэргүүний ажилтан” тэмдгээр шагнасан бол багийн тамирчин Төв аймгийн Онцгой байдлын газрын Гал түймэр унтраах, аврах 24 дүгээр ангийн захирагч, ахлах дэслэгч Э.Энхбат, Дорнод аймгийн Онцгой байдлын газрын Гал түймэр унтраах, аврах 52 дугаар ангийн салааны захирагч, ахлах дэслэгч Н.Нямсүрэн нарт хугацааны өмнө ахмад цол, Дархан-Уул аймгийн Онцгой байдлын газрын Гал түймэр унтраах, аврах 22 дугаар ангийн салааны захирагч, дэслэгч О.Батсайханд хугацааны өмнө ахлах дэслэгч цол олголоо.
Мөн Гал унтраах техникийн олон төрөлт спортын Дэлхийн аварга шалгаруулах 13 дахь удаагийн тэмцээнээс Монгол Улсын анхны хүрэл медалийг хүртсэн Онцгой байдлын албаны багийн ахлагч Булган аймгийн Онцгой байдлын газрын дарга, онцгой байдлын хурандаа Д.Ууганбаяр, багийн тамирчин Баянхонгор аймгийн Онцгой байдлын газрын Гал түймэр, унтраах аврах 16 дугаар ангийн аврагч, гал сөнөөгч, ахлагч Г.Баттулга, Булган аймгийн Онцгой байдлын газрын Гал түймэр, унтраах аврах 20 дугаар ангийн аврагч, гал сөнөөгч, ахлах ахлагч О.Мөнхтунгалаг, Говьсүмбэр аймгийн Онцгой байдлын газрын Гал түймэр, унтраах аврах 37 дугаар ангийн аврагч, гал сөнөөгч, ахлагч Н.Ганбаяр, Орхон аймгийн Онцгой байдлын газрын Гал түймэр унтраах, аврах 56 дугаар ангийн аврагч, гал сөнөөгч, ахлах ахлагч Я.Энхбаяр, Дорноговь аймгийн Онцгой байдлын газрын Гал түймэр унтраах, аврах 33 дугаар ангийн аврагч, гал сөнөөгч, ахлагч Э. Билгүүн нарыг гурван сарын үндсэн цалингаар сайшаал хүртээсэн юм.
Үүний дараа, ОБЕГ-ын дарга, хошууч генерал Т.Бадрал, “Онцгой байдлын алба төдийгүй Монгол Улсын хэмжээнд тохиож буй бас нэгэн түүхэн үйл явдал бол манай баг тамирчид Гал унтраах техникийн олон төрөлт спортын Дэлхийн аварга шалгаруулах тэмцээнээс Монгол Улсын анхны медалийг хүртсэн явдал боллоо.
Гал унтраах техникийн олон төрөлт спорт нь Монгол Улсад хөгжөөд 60 орчим жил болж байна. Энэ медаль бидний мөрөөдөл байлаа. Хөрөнгө, санхүүгээс шалтгаалан манай баг тамирчид сүүлийн хэдэн жил Дэлхийн аварга шалгаруулах тэмцээнд оролцох нь тасалдаад байсан. Энэ спортыг хөгжүүлэх, баг тамирчдыг тууштай бэлтгэх зорилгоор 2015 онд Гал унтраах техникийн олон төрөлт спортын Монгол Улсын шигшээ багийг байгуулж, бэлтгэл, сургуулилт хийх нөхцлийг сайжруулах, орчин үеийн багаж, тоног төхөөрөмжөөр хангах зорилгыг ОБЕГ-ын удирдлагын зүгээс тавьж ирсэн. Үүний үр дүн гарсанд баяртай байна. Энэ итгэлийг Та бүхэн маань хэд дахин зүтгэлээр хариулж Дэлхийн дэвжээнээс медаль хүртлээ. Та бүхний гаргасан энэ түүхэн амжилт Онцгой байдлын албаны олон зуун аврагч, Гал унтраах техникийн олон төрөлт спортоор хичээллэдэг залууст Дэлхийн дэвжээний үүд хаалгыг нээж, тэдэнд томоохон боломж олгож өгсөнд баярлалаа.
Дэлхийн аваргын медальтан байх үүрэг хариуцлага өндөр. Дараа, дараагийн дэлхийн аварга шалгаруулах тэмцээнд амжилтаа ахиулах, энэ спортоор хичээллэгч залуу үеээ бэлтгэх үйлсэд нь амжилт хүсье. Хэдхэн хоногийн өмнө Та бүхнийг үдэж өгөхөд “Медальтай ирнээ” гэж амлаж байсан. Энэ амлалтандаа хүрсэн Онцгой байдлын албаны шилдэг хөвгүүд та бүхнээр бахархаж байна. Монгол Улсын Засгийн газар, Онцгой байдлын албаны нийт бие бүрэлдэхүүн, ард иргэдийнхээ өмнөөс Та бүхэндээ баяр хүргэж, ажил, амьдралд нь хамгийн сайн сайхан бүхнийг хүсэн ерөөе” гэлээ.
ОБЕГ-ын даргын зөвлөлийн хуралдаанаас, Гал түймэр унтраах, аврах 24 дүгээр ангийн захирагч, ахлах дэслэгч, ГУТОТС-ын залуучуудын шигшээ багийн дасгалжуулагч, ОУХМ Э.Энхбат, Гал түймэр унтраах, аврах 52 дугаар ангийн салааны захирагч, ахлах дэслэгч ОУХМ Н.Нямсүрэн, Гал түймэр унтраах, аврах 22 дугаар ангийн салааны захирагч, ОУХМ, дэслэгч О.Батсайхан нарыг 2018 онд ОХУ-ын Гал эсэргүүцэх академид, Гал түймэр унтраах, аврах 16 дугаар ангийн аврагч, гал сөнөөгч, спортын мастер Г.Баттулга, Гал түймэр унтраах, аврах 20 дугаар ангийн аврагч, гал сөнөөгч, спортын мастер О.Мөнхтунгалаг, Гал түймэр унтраах, аврах 37 дугаар ангийн аврагч, гал сөнөөгч, спортын мастер Н.Ганбаяр, Гал түймэр унтраах, аврах 56 дугаар ангийн аврагч, гал сөнөөгч, спортын мастер Я.Энхбаяр болон Гал түймэр унтраах, аврах 33 дугаар ангийн аврагч, гал сөнөөгч, 1 дүгээр зэрэгтэй тамирчин Э.Билгүүн нарыг Хууль сахиулах их сургуулийн Онцгой байдлын сургуульд эчнээгээр суралцуулахаар шийдвэрлэснийг дуулгалаа гэж Онцгой байдлын ерөнхий газраас мэдээллээ.
-
2017 оны 10 сарын 10
Дархан-Улаанбаатар чиглэлд Хустайн даваа, Баруун хараагийн тойрог, Хар хошууны тойрог зэрэг замууд гамшгийн байдалтай, гадаргууд мөсөн бүрхүүл зузаан тогтсон, халтиргаа гулгаа үүссэн байгаа тул анхаарал болгоомжтой зорчихыг Автотээврийн үндэсний төвөөс зөвлөж байна!!!
-
2017 оны 10 сарын 10
Эмч нар ОУВС-гийн хөтөлбөрт өөрчлөлт оруулахыг шаардлаа
-
2017 оны 10 сарын 10
Нийслэлээс 2017 оныг иргэдийн оролцоотой эрх зүйн шинэтгэлийн жил болгон зарласантай холбоотойгоор шийдвэр гаргах түвшинд иргэдийн оролцоог нэмэгдүүлж, мэдээллийн ил тод байдлыг ханган, төрийн үйлчилгээг цаг алдалгүй хүргэхийн тулд “Нээлттэй нийслэл” мэдээллийн цагтай болсон билээ. Энэ удаагийн “Нээлттэй нийслэл” мэдээллийн цагт Баянзүрх дүүргийн Засаг дарга Т.Баясах, Дэд бүтэц, хот төлөвлөлт хариуцсан төслийн удирдагч- Засаг даргын орлогч Т.Батцогт, Эдийн засаг, хөгжлийн асуудал хариуцсан төслийн удирдагч-Засаг даргын орлогч Д.Уламбаяр нар оролцож, цаг үеийн мэдээлэл өгөв.
Нийслэлийн Баянзүрх дүүрэг 331536 хүн амтай. Дүүргийн 28 хороонд 8000 гаруй хөгжлийн бэрхшээлтэй иргэн, 24 мянган өндөр настан амьдарч байна. Монгол Улсын нийт хүн амын 11 орчим хувь нь амьдардаг нийслэлийн хамгийн том дүүрэгт бүтээн байгуулалтын дараах ажлууд өрнөжээ.
Дүүргийн хэмжээнд Улсын төсвийн хөрөнгөөр 80.44 тэрбум төгрөгийн өртөг бүхий 21 төсөл, Нийслэлийн төсвийн хөрөнгөөр 17.22 тэрбум төгрөгөөр 7 хөрөнгө оруулалтын ажил, Нийслэлийн авто замын сангийн хөрөнгөөр 4 хөрөнгө оруулалтын ажил, Нийслэлийн орон нутгийн хөгжлийн сангийн хөрөнгөөр 34 төсөл арга хэмжээг 1.62 тэрбум төгрөгөөр хэрэгжүүлж буй аж.
Боловролын салбарт энэ хичээлийн жилд 14, 127, 126, 136 дугаар сургууль шинээр ашиглалтад орсон байна Ингэснээр бага боловсролын хамран сургалтын хувь 99.88 хувьд хүрсэн байна. Дүүргийн хэмжээнд нийт 53800 хүүхэд ЕБС-д хамрагдсаны 7120 хүүхэд нэгдүгээр ангид элсэн оржээ.
Тус дүүрэгт өнгөрсөн хугацаанд дэд бүтцийн чиглэлээр олон ажлыг хийсэн байна. Тухайлбал, 260 ширхэг гэрэлтүүлэг хийгдсэн бөгөөд орон сууцны хороололд 67, гэр хороололд 193 ширхэг гэрэлтүүлэг шинээр хийж гүйцэтгэжээ. 2012 онд 4860 ширхэг гэрэлтүүлэгтэй байсан бол 2017 оны аравдугаар сарын байдлаар 10810 ширхэг болж өссөн юм. Мөн дүүргийн хэмжээнд Нийслэлийн замын сангийн хөрөнгөөр туслах зам болон орон сууцны хороолол доторх 1650 м.кв талбайн замын эвдрэлийг нөхөн засварлаж иргэдийн ая тухтай зорчих нөхцөлийг бүрдүүлсэн аж.
Харин дүүргийн Тамгын газраас санаачлан Туул, Улиастайн гол дагуу хог хаягдлыг цэвэрлэх их цэвэрлэгээг шат дараатай зохион байгуулан ажилласан бөгөөд нийт 2420 төрийн албан хаагчийг оролцуулж 45 тонн хог хаягдлыг цэвэрлэжээ. Төрийн үйлчилгээг иргэдэд түргэн шуурхай хүргэх үүднээс дүүргийн нутаг дэвсгэрт худалдаа, үйлдвэрлэл, үйлчилгээ эрхэлж байгаа аж ахуйн нэгж, иргэдийг бүртгэлжүүлэх, бүртгэлийн нэгдсэн сантай болсон. Мөн энэ онд дүүргийн нутаг дэвсгэрт худалдаа, үйлдвэр, үйлчилгээ эрхлэх 1654 гэрээг байгуулан ажиллаж байна.
Баянзүрх дүүргийн хэмжээнд есдүгээр сарын 30-ны өдрийн байдлаар татварын орлого 1.69 тэрбум төгрөгийн орлого төвлөрүүлэхээс гүйцэтгэлээр 1.43 тэрбум төгрөгийг төвлөрүүлжээ. Өссөн дүнгээр 14.34 тэрбум байхаар төлөвлөснөөс 13.06 тэрбумын гүйцэтгэлтэй байна. Нэг үгээр хэлбэл, татварын орлого өссөн дүнгээр 1.27 тэрбум төгрөгөөр тасраад байгаа гэнэ гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2017 оны 10 сарын 10
Г.Дэнзэн, Я.Батсуурь, Г.Түмэнхүү, Т.Төгсбаяр, Д.Баярмаа нарт холбогдох хэргийг Дээд шүүх хянан хэлэлцэхээр тов зарлалаа. Улсын Дээд шүүхийн хяналтын шатны эрүүгийн хэргийн шүүх хуралдаан энэ сарын 13-ны 09.00 цагт болно.
-
2017 оны 10 сарын 10
Азийн гамшгийн эрсдэлийг бууруулах газар, Бүгд Найрамдах Азербайжан Улсын Онцгой байдлын яам болон Япон Улсын Төрийн сайд нарын танхимтай хамтран 2017 оны 10 дугаар сарын 02-03-ны өдрүүдэд Бүгд Найрамдах Азербайжан Улсын нийслэл Баку хотноо зохион байгуулсан “Гамшгийн эрсдэлийг бууруулах Азийн бага хурал-2017”-д Онцгой байдлын ерөнхий газрын дарга, хошууч генерал Т.Бадрал оролцоод ирлээ.
Азийн Гамшгийн эрсдэлийг бууруулах газрын дарга Масанори Хамада уг хурлыг хоёр өдрийн турш хамтран зохион байгуулсанд Азербайжаны Онцгой байдлын яаманд талархал илэрхийлж, сүүлийн жилүүдэд Ази тив нь байгалийн гамшигт ихээр нэрвэгдэж байгаатай холбогдуулан Азийн гамшгийн эрсдэлийг бууруулах төвийн үйл ажиллагааны төлөвлөгөөг дараагийн 20 жилийн туршид хэрэгжүүлэх шаардлагатайг хурлын үеэр цохон тэмдэглэсэн байна.
Хурлын үеэр Гамшгийн эрсдэлийг бууруулах Сендайн үйл ажиллагааны хүрээ баримт бичгийг хэрэгжүүлэхэд гамшгийн эрсдэлийг бууруулах үндэсний болон орон нутгийн төлөвлөгөө, томоохон хэмжээний гамшгийг даван туулах, үр дүнтэй хариу арга хэмжээ авах болон гамшгийн эрсдэлийг бууруулах, цаг уурын өөрчлөлтөд дасан зохицох үйл ажиллагааг хялбаршуулах дэвшилтэт технологи гэсэн сэдвүүдийг хэлэлцлээ.
Хошууч генерал Т.Бадрал бага хурлаас гадна Азийн Гамшгийн эрсдэлийг бууруулах хорооны удирдах зөвлөлийн хуралд оролцож Азийн гамшгийн эрсдэлийг бууруулах төвийн үйл ажиллагааны төлөвлөгөөний талаар санал бодлоо солилцов гэж Онцгой байдлын ерөнхий газраас мэдээллээ.
-
2017 оны 10 сарын 10
Москва-Улаанбаатар хотуудын хооронд ах дүүгийн найрамдалт харилцаа тогтоосны 60 жилийн ой хүрээнд нийслэлийн Засаг дарга бөгөөд Улаанбаатар хотын Захирагч С.Батболд тэргүүтэй төлөөлөгчид Москва хотод айлчилж байна. Улаанбаатар хотын Захирагч С.Батболд өчигдөр Москва хотын дарга Сергей Собянинтай уулзлаа. Уулзалтад Монгол Улсаас ОХУ-д суугаа Онц бөгөөд Бүрэн эрхэт Элчин сайд С.Дэлгэрмаа, Нийслэлийн Засаг даргын Тамгын газрын дарга М.Отгонбаяр, Баянгол дүүргийн Засаг дарга С.Одонтуяа, Москва хотын засгийн газрын сайд, Москва хотын гадаад эдийн засаг болон олон улсын гадаад харилцааны газрын дарга С.Е.Черёмин нар оролцлоо.
Хоёр хотын найрамдалт хамтын ажиллагааны тухай 1996 оны хоёрдугаар сарын 26-ны өдрийн протоколд заасан зарчмыг үндэслэн 2018-2020 оны хугацаанд хамтран ажиллах хөтөлбөрт Нийслэлийн Засаг дарга бөгөөд Улаанбаатар хотын Захирагч С.Батболд Москва хотын дарга Сергей Собянин нар гарын үсэг зурлаа. Талууд хот төлөвлөлт архитекур, орон сууц, нийтийн аж ахуй, хот тохижилт, боловсрол эрүүл мэнд, архив зэрэг салбаруудад найрамдалт харилцаа хамтын ажиллагааг бэхжүүлэхэд харилцан дэмжлэг үзүүлэн хамтарч ажиллахаар боллоо гэж нийслэлийн Засаг даргын Тамгын газрын Хэвлэл мэдээлэл, олон нийттэй харилцах хэлтсээс мэдээллээ.
-
2017 оны 10 сарын 10
09.00 цагт Чингис зочид буудалд ХААИС-иас “Мал, амьтны халдварт болон зооноз өвчнүүд” сэдэвт олон улсын хурал зохион байгуулна.
-
2017 оны 10 сарын 10
“Экспо Монголиа 2017” олон улсын техник технологийн үзэсгэлэн, тогтвортой хөгжлийн бага хурал “Монгол улсын ирээдүйг хамтдаа бүтээцгээе” уриан дор тав дахь удаагаа 2017 оны 10-р сарын 10-12-ны өдрүүдэд Мишээл Экспо Төвд зохион байгуулагдах гэж байна. Уг үзэсгэлэнг Байгаль орчин, аялал жуулчлалын яамны Цэвэр технологи, хөрөнгө оруулалт, үйлдвэрлэлийн хэлтэс дэмжин, хамтран ажиллаж байна.
Та дэлгэрэнгүй мэдээллийг дараах утсаар лавлана уу. Утас: 70009471
Цахим шуудан: contact@expomongolia.com
Цахим хаяг: www.expomongolia.com
Facebook хуудас: expomongoliajv
-
2017 оны 10 сарын 10
1990-оноос хойш Монгол улсад шашныг чөлөөтэй болгожээ. Гэвч Шашны боловсрол олгодог сургуулиудад орчин цаг үедээ тохирсон СТАНДАРТ тогтоовоос зохино. Шашны анхан шатны боловсрол олгодог бага дунд сургуулиудад Монгол улсын иргэдэд олгодог үндсэн боловсролыг олгож, тус сургуулиудыг төгсч байгаа төгсөгчдийг улсын шалгалтанд хамруулан аттестатын үнэмлэх олгож байх хэрэгтэй.
-
2017 оны 10 сарын 10
Өнөөдөр буюу аравдугаар дугаар сарын 10-ны мягмар гарагт нэг дүүрэг цахилгаан хязгаарлахаар товлогджээ. Тиймээс засвар хийх хугацаанд хэрэглээгээ түр зохицуулна уу.
Баянзүрх дүүрэг
11:00-18:00 16-р хороолол Дандарын гудамж
-
2017 оны 10 сарын 09
Авлигатай тэмцэх газрын Мэдүүлгийн бүрдүүлэлт, дүн шинжилгээний албаны дарга, ахлах комиссар
-
2017 оны 10 сарын 09
Нийслэлийн Залуучуудын хөгжлийн газар “Эрдэнэ тав баг” төрийн бус байгууллагатай хамтран “Эерэг амьдарцгаая залуучуудаа” уриатай “Нийслэлийн иргэний дагаж мөрдөх зөв 10 дадал” аяны нээлтийг өнөөдөр
-
2017 оны 10 сарын 09
Намрын налгар өдрүүд дуусч жавар тачигнасан өвлийн улирал айлчлан ирлээ. Өнгөрсөн амралтын өдрүүдэд орсон нойтон
-
2017 оны 10 сарын 09
2017 оны 10 дугаар сарын 09-ний 20 цагаас 10 дугаар сарын 10-ны 20 цаг
хүртэлх цаг агаарын урьдчилсан мэдээ:
БАРУУН АЙМГУУДЫН НУТГААР: Солигдмол үүлтэй. Шөнөдөө нутгийн өмнөд хэсгээр бага зэргийн цас орно. Өдөртөө цас орохгүй. Салхи баруун хойноос секундэд 6-11 метр. Алтай, Хангайн уулархаг нутгаар шөнөдөө 12-17 градус, өдөртөө 1-6 градус, Эхийн голын Баянбүрд орчмоор шөнөдөө 0-5 градус хүйтэн, өдөртөө 3-8 градус дулаан, бусад нутгаар шөнөдөө 7-12 градус хүйтэн, өдөртөө 1 градус хүйтнээс 4 градус дулаан байна.
ТӨВИЙН АЙМГУУДЫН НУТГААР: Солигдмол үүлтэй. Нутгийн өмнөд хэсгээр бага зэргийн цас орно. Салхи баруун хойноос секундэд 5-10 метр. Хангай, Хөвсгөл Хэнтэйн уулархаг нутгаар шөнөдөө 13-18 градус, өдөртөө 1-6 градус, бусад нутгаар шөнөдөө 7-12 градус хүйтэн, өдөртөө 2 градус хүйтнээс 3 градус дулаан байна.
ЗҮҮН АЙМГУУДЫН НУТГААР: Солигдмол үүлтэй. Шөнөдөө нутгийн өмнөд хэсгээр, өдөртөө зарим газраар бага зэргийн цас орно. Салхи баруун хойноос секундэд 6-11 метр. Шөнөдөө 5-10 градус хүйтэн, өдөртөө 1-6 градус дулаан байна.
ОТРЫН НУТАГ ХЭРЛЭНБАЯН-УЛААН ОРЧМООР: Үүлэрхэг. Хур тунадас орохгүй. Салхи зүүн хойноос секундэд 4-9 метр. Шөнөдөө 5-7 градус хүйтэн, өдөртөө 5-7 градус дулаан байна.
ГОВИЙН АЙМГУУДЫН НУТГААР: Үүлшинэ. Зарим газраар хур тунадас, цас орж, зөөлөн цасан шуурга шуурна. Салхи баруун хойноос секундэд 7-12 метр. Дундговийн нутгаар шөнөдөө 5-10 градус хүйтэн, өдөртөө 0-5 градус дулаан, бусад нутгаар шөнөдөө 1-6 градус хүйтэн, өдөртөө 3-8 градус дулаан байна.
УЛААНБААТАР ХОТ: Үүлшинэ. Хур тунадас орохгүй. Салхи баруун хойноос секундэд 6-11 метр. Шөнөдөө 6-8 градус хүйтэн, өдөртөө 0-2 градус дулаан байна.
