-
2017 оны 7 сарын 18
2017 оны 7-р сарын 17-ны Даваа гарагт Замын цагдаагийн албаны ЖШУХ нийт 277 дуудлага, мэдээ мэдээлэл хүлээн авснаас, зам тээврийн ослын 195 дуудлага бүртгэгдсэн бөгөөд осол, хэргийн улмаас 1 хүний амь нас хохирч, 17 хүн хөнгөн, хүндэвтэр байдлаар гэмтсэн.
Мөн гудамж замд хийсэн хяналт шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодсон нийт 51 жолоочийг илрүүлэн саатуулж, хуулийн дагуу хариуцлага тооцон ажиллаа. Согтууруулах ундааны зүйл хэрэглэсэн үедээ замын хөдөлгөөнд оролцож осол, хэрэгт холбогдсон жолооч 2, явган зорчигч 4 бүртгэгджээ.
Бүртгэгдсэн осол, хэргийг хэлбэрээр нь авч үзвэл явган зорчигч мөргөсөн 8 ослын улмаас 8 хүн гэмтсэн, мөргөлдсөн 2 ослын улмаас 1 хүний амь нас хохирч, 5 хүн гэмтсэн бол онхолдох хэлбэрээр гарсан 1 ослын улмаас 3 хүн бэртэж гэмтэн одоо ГССҮТ-д эмчлүүлж байна.
Тухайлбал:
1. 2017.07.18-ны 02 цагийн орчимд БЗД-ийн нутаг “Ургах наран” хорооллын урд замд амины T.Prius-20 маркийн автомашин T.Prius-11 маркийн автомашинтай мөргөлдөж, зорчигч 1 нас 6 сартай Г-н амь нас хохирч, 4 хүн гэмтсэн.
Орон нутагт:
1. Архангай аймгийн Хашаат сумын нутаг асфальтан замд T.landcruiser маркийн Б жолоочтой автомашин онхолдож, зорчигч 57 настай Д-н амь нас хохирсон хэргийг Архангай аймаг дахь Цагдаагийн газар шалгаж байна.
Эцэг, эх, асран хамгаалагч та хүүхэддээ нас, биеийн жин, өндөрт нь тохирсон хамгаалалтын суудал, суудал өндөрсгөгч, хамгаалах бүс тохируулагчийг тогтмол хэрэглэж гарч болзошгүй зам тээврийн ослоос хүүхдийнхээ амь нас, эрүүл мэндийг хамгаалахыг зөвлөж байна.
-
2017 оны 7 сарын 18
17-нд, АНУ-ын Нутаг дэвсгэрийн аюулгүй байдлын яам мэдэгдэл гаргаж, тус улсын газар тариалангаас бусад бүх салбарт ажиллах хүч дутагдаж байгааг зохицуулах зорилгоор энэ жил хөдөлмөр үйлчилгээний улирлын шинжтэй 15 мянган виз нэмж олгохоо мэдэгджээ.
АНУ-ын Нутаг дэвсгэрийн аюулгүй байдлын яамны сайд Жон Келли: Хөдөлмөрийн яам, хөдөлмөрийн зах зээлд “шаардлага хангасан, ажиллах хүсэлтэй америкчууд” дутагдаж байгаа тухай мэдэгдсэн тул конгрессоос манай яаманд эрх олгож, хохирол үзэж болзошгүй аж ахуйн нэгжүүдэд түр хугацаагаар тусламж үзүүлэх шийдвэр гаргасан гэжээ.
Одоо олгохоор шийдсэн “H2B” ангиллын виз бол хөдөлмөр эрхлэх эрх бүхий богино хугацааны виз юм. Ийм виз авсан хүмүүс Америкийн газар тариалангаас бусад салбарт богино хугацааны гэрээгээр ажиллаж болох юм байна.
Цогзолмаа
-
2017 оны 7 сарын 18
Аврах тусгай ангийн албан хаагчдыг Төв аймгийн Эрдэнэ сумын түймрийн голомтод хүргэлээ
-
2017 оны 7 сарын 18
Нийслэлийн Засаг даргын Тамгын газраас зохион байгуулж буй “Ардчилсан эгэх хариуцлагын үнэлгээ хийх” арга зүйн семинар Хангарди ордонд болж байна. Ардчилсан эгэх хариуцлагын талаар цэгцтэй мэдээлэл, ойлголтыг өгч, энэ нь Улаанбаатар хотын засаглалын асуудатай хэрхэн холбогдож буйг тайлбарлахад семинарын зорилго оршино. Мөн арга зүйн талаар тодорхой мэдээлэлтэй болж, үнэлгээний явцад ашиглах боломжтой болохоос гадна ажлын төлөвлөгөө боловсруулж, улмаар үйл явц дараагийн алхамууд, хугацааг тодорхойлох зорилготойг Ардчилал, сонгуульд дэмжлэг үзүүлэх олон улсын хүрээлэнгийн удирдагч Алберто Фернандез хэллээ. Үнэлгээний багийн гишүүд, Улаанбаатар хотын холбогдох газрын мэргэжилтнүүд, Иргэний нийгмийн байгууллагын төлөөлөл оролцсон тус семинар 2 өдөр үргэлжлэх юм гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2017 оны 7 сарын 18
Нийслэлийн Засаг дарга бөгөөд Улаанбаатар хотын Захирагч С.Батболд нийслэлийн 2017-2018 оны өвөлжилтийн бэлтгэл ажлыг хангах зарим арга хэмжээний тухай албан даалгавар гаргалаа. Албан даалгаварт улс, нийслэлийн болон бусад хөрөнгө оруулалтаар хэрэгжүүлэх авто зам, инженерийн шугам сүлжээ, сургууль, цэцэрлэг, эмнэлгийн барилга байгууламжийн их, урсгал засвар, шинэчлэлтийн ажлыг графикт хугацаанд нь гүйцэтгүүлэн өвлийн улирал эхлэхээс өмнө байнгын ашиглалтад хүлээн авах ажлыг шуурхай зохион байгуулж ажиллахыг нийслэлийн Засаг даргын хэрэгжүүлэгч агентлаг, Улаанбаатар хотын Захирагчийн харьяа байгууллага, дүүргүүдийн Засаг даргын Тамгын газар болон холбогдох байгууллагуудад тус тус даалгасан байна. Мөн албан даалгаварт чиглэл салбар тус бүрээр өвөлжилтийн бэлтгэл ажлыг хангах хүрээнд хийж хэрэгжүүлэх ажлыг тодорхойлж холбогдох албан тушаалтнуудад хугацаат үүрэг даалгавар өгсөн байна. Албан даалгаврын хэрэгжилтийг нэгдсэн удирдлагаар ханган, биелэлтэд нь хяналт тавьж ажиллахыг Улаанбаатар хотын Ерөнхий менежер бөгөөд Захирагчийн ажлын албаны дарга Т.Гантөмөрт үүрэг болгожээ гэж НЗДТГ-ын Хэвлэл мэдээлэл, олон нийттэй харилцах хэлтсээс мэдээлэв.
-
2017 оны 7 сарын 18
Малчид, иргэдэд зориулсан мэдээ:
Ойрын өдрүүдэд зарим газраар түр зуурын бороо орж, нутгийн хойд хэсгээр сэрүүвтэр байна.
БАРУУН АЙМГУУДЫН НУТГААР: Солигдмол үүлтэй. Шөнөдөө нутгийн баруун хэсгээр, өдөртөө нутгийн хойд хэсгээр түр зуурын бороо орно. Дуу цахилгаантай. Салхи баруун хойноос секундэд 5-10 метр, зарим газраар секундэд 12-14 метр хүрч ширүүснэ. Алтай, Хангайн уулархаг нутгаар шөнөдөө 6-11 градус, өдөртөө 21-26 градус, Алтайн өвөр говиор 20-25 градус, өдөртөө 32-37 градус, бусад нутгаар шөнөдөө 11-16 градус, өдөртөө 25-30 градус дулаан байна.
ТӨВИЙН АЙМГУУДЫН НУТГААР: Солигдмол үүлтэй Шөнөдөө нутгийн зүүн, өдөртөө нутгийн баруун хэсгээр түр зуурын бороо орно. Дуу цахилгаантай. Салхи баруун хойноос секундэд 6-11 метр, нутгийн өмнөд хэсгээр секундэд 14-16 метр хүрч ширүүснэ. Дархадын хотгор болон Хангай, Хөвсгөл, Хэнтийн уулархаг нутгаар шөнөдөө 4-9 градус, өдөртөө 18-23 градус, бусад нутгаар шөнөдөө 11-16 градус, өдөртөө 23-28 градус дулаан байна.
ЗҮҮН АЙМГУУДЫН НУТГААР: Үүлшинэ. Шөнөдөө нутгийн хойд хэсгээр, өдөртөө зарим газраар түр зуурын бороо орно. Дуу цахилгаантай. Салхи баруун өмнөөс зүүн хойш эргэж секундэд 6-11 метр, зарим газраар секундэд 12-14 метр хүрч ширүүснэ. Шөнөдөө бүх нутгаар 13-18 градус, өдөртөө нутгийн хойд хэсгээр 24-29 градус, өмнөд хэсгээр 27-32 градус дулаан байна.
ОТРЫН НУТАГ ХЭРЛЭНБАЯН-УЛААН ОРЧМООР: Солигдмол үүлтэй. Шөнөдөө түр зуурын бороо орно. Дуу цахилгаантай. Өдөртөө бороо орохгүй. Салхи баруун хойноос секундэд 6-11 метр, зарим үед секундэд 14-16 метр хүрч ширүүснэ. Шөнөдөө 13-15 градус, өдөртөө 24-26 градус дулаан байна.
ГОВИЙН АЙМГУУДЫН НУТГААР: Үүлшинэ. Зарим газраар түр зуурын бороо орно. Салхи баруун өмнөөс зүүн хойш эргэж секундэд 7-12 метр, зарим газраар түр зуур секундэд 18-20 метр хүрч ширүүснэ. Дундговийн нутгаар шөнөдөө 15-20 градус, өдөртөө 27-32 градус, бусад нутгаар шөнөдөө 20-25 градус, өдөртөө 30-35 градус дулаан байна.
УЛААНБААТАР ХОТ: Үүлшинэ. Шөнөдөө бага зэргийн бороо орно. Өдөртөө бороо орохгүй. Салхи баруун хойноос секундэд 7-12 метр. Шөнөдөө 12-14 градус, өдөртөө 25-27 градус дулаан байна.
-
2017 оны 7 сарын 18
Өнөөдөр болох зарим үйл явдал
-
2017 оны 7 сарын 18
Баянзүрх, Баянгол дүүргэгт цахилгаан хязгаарлана
-
2017 оны 7 сарын 17
ОБЕГ-ын хандивын дансанд 229 сая төгрөг цуглажээ
-
2017 оны 7 сарын 17
Тулгар төрийн 2226, Их Монгол Улсын 811, Ардын хувьсгалын 96 жилийн ой, Үндэсний их баяр наадмын хүчит бөхийн барилдаанд Хөвсгөл аймгийн Тосонцэнгэл сумын харъяат улсын харцага Ц.Содномдорж түрүүлж, Улсын арслан цол хүртсэн билээ.
-
2017 оны 7 сарын 17
ТТАХНЭ-ийн шуурхай хоёрдугаар бүлэг сэлэнгэ аймагт гарч буй гал түймрийн голомт руу томилогдлоо.
-
2017 оны 7 сарын 17
Энэ оны хагас жилийн байдлаар Улсын хэмжээнд зам тээврийн ослоор 181 хүний амь нас хохирсны 149 нь буюу 82 хувь нь орон нутгийн замд гарчээ.
-
2017 оны 7 сарын 17
Бүх нийтийн амралтын өдрүүд дуусч хөдөө орон нутгаас нийслэл хотыг чиглэх иргэд, тээврийн хэрэгслийн хөдөлгөөн нэмэгдэж, мөн бүх төрлийн үдэшлэг, шоу, арга хэмжээ зохион байгуулагдаж байгаатай холбоотойгоор согтууруулах ундааны зүйл хэрэглэсэн үедээ тээврийн хэрэгсэл жолоодох явдал нэмэгдэж байна.
-
2017 оны 7 сарын 17
Үндэсний их баяр наадмын тухай хуулийн 8-р зүйлийн 2-т “Баяр наадмын хурдан морийг 7-гоос дээш насны хүүхэд унах бөгөөд гэнэтийн ослын даатгалд даатгуулсан” байна хэмээн заасан. 2013 оноос эхлэн хүүхдийн эрхийг хамгаалах төрийн захиргааны төв байгууллага уралдаанд оролцох уралдаанч хүүхэд бүрийг бүртгэдэг болсон.
-
2017 оны 7 сарын 17
Булган аймгийн Рашаант сумын нутгийн хилийн заагт байдаг Элсэн тасархайн Тарнын голын гүүрний тулгуур багана үерийн улмаас суулт өгч тээврийн хэрэгсэл зорчих боломжгүй болжээ.
-
2017 оны 7 сарын 17
Энэ сарын 14-ны өдөр Хөвсгөл аймгийн Хатгал сум, “Гүүрний-Ам” гэдэг газарт /тосгоноос урд зүгт 5 км-т/ Эгийн голын усанд Дархан-Уул аймгийн харъяат нэг нас таван сартай хүүхэд осолдож амиа алдсан харамсалтай хэрэг гарчээ.
-
2017 оны 7 сарын 17
Баяр наадам, зуны амралт зугаалгын үе эхэлсэнтэй холбоотой иргэдын хотоос гарах хөдөлгөөн ихэсч амралт зугаалгаар явах нь ихэссэн. Үүнээс үйдэлтэйгээр зарим нэгэн иргэдийн галаа гүйцэт угтраалгүй орхих, татсан тамхины ишээ ил задгай хаяснаас шалтгаалан Сөгнөгөр, Батсүмбэр сум гээд Монгол орны маань байгаль орчинд үлэмж хэмжээний хохирол учирлаа.
Монгол орны үзэсгэлэнт байгаль, хүн ардын амь нас, ан амьтан, мал хөрөнгийг авран хамгаалахаар ажиллаж байгаа ОБЕГ-ын ажилтан албан хаагчид болон сайн дураараа нэгдэж гал түймэр унтраах ажилд бие сэтгэлээрээ оролцож байгаа залуучууддаа Скай Хайпермаркет ХХК буюу Имарт дэлгүүрийн хамт олноос сэтгэлийн тусламж үзүүллээ.
Уг тусламжид 18 сая төгрөгийн өртөг бүхий ус, жүүс болон бэлэн хоол, 20 литрийн усны сав, нойтон сальфетка, тоосны маск гэх мэт бараа бүтээгдэхүүнүүд багтсан бөгөөд 7/16-нд ОБЕГ-т хүлээлгэн өгсөн байна.
Сайн үйлс бүхэн дэлгэрэх болтугай.
-
2017 оны 7 сарын 17
Авлигын эсрэг хуулийн 14 дүгээр зүйлийн 14.1 дэх хэсэгт заасан албан тушаалтнуудын 2016 оны хөрөнгө, орлогын мэдүүлгийн хураангуйг Авлигатай тэмцэх газрын http://www.xacxom.iaac.mn цахим мэдээллийн сүлжээнд байршуулаад байна.
-
2017 оны 7 сарын 17
Өчигдөр Хууль зүй, дотоод хэргийн сайд С.Бямбацогт шуурхай хурал хийн, Төрийн тусгай албан хаагчдын нэгдсэн эмнэлэг (ТТАХНЭ)-ээс гал түймэртэй тэмцэж буй алба хаагчид болон иргэдийг түлэгдэж угаартах, бэртэж гэмтэх эрсдлээс сэргийлэх, эрүүл мэндийн яаралтай тусламж үзүүлэх үүднээс эмнэлгийн 5 шуурхай бүлэг газар дээр нь ажиллуулахаар томилсон.
Шуурхай нэгдүгээр бүлгийг ТТАХНЭ-ийн Гэмтлийн мэс заслын эмч, дэд хурандаа Б.Баттөмөр ахлан нийт 7 хүний бүрэлдэхүүнтэйгээр Төв аймгийн Батсүмбэр суманд гарч буй гал түймрийн голомт руу өнөөдөр буюу 2017 оны 07 дугаар сарын 17-ны өдөр хөдөллөө.
Өнөөдрийн байдлаар улсын хэмжээнд нийт 21 гал түймэр гарснаас, 7 түймрийг цурманд оруулж, бүрэн унтраахаар ажиллаж байгаа талаар Онцгой байдлын ерөнхий газраас мэдээллэж байна.
-
2017 оны 7 сарын 17
Нийслэлийн Засаг дарга бөгөөд Улаанбаатар хотын Захирагч С.Батболдын урилгаар Берлин муж улсын Ерөнхий сайд бөгөөд Берлин хотын Захирагч ноён Михаель Мюллер тэргүүтэй төлөөлөгчид энэ сарын 17-19-ний өдрүүдэд Улаанбаатар хотод айлчилж байна. Өнөөдөр хотын дарга төлөөлөгчдийг хүлээн авч уулзлаа.
Уулзалтын эхэнд Нийслэлийн Засаг дарга бөгөөд Улаанбаатар хотын Захирагч С.Батболд Берлин хотын Захирагч ноён Михаель Мюллерыг хүрэлцэн ирсэнд талархал илэрхийлээд нийт төлөөлөгчдийг тавтай морилохыг хүслээ. Тэрбээр хэлэхдээ “Миний бие тэргүүтэй төлөөлөгчид энэ оны эхээр Берлин хотод айлчилсан. Айлчлах үеэрээ Засгийн газрын Олон улсын харилцаа хариуцсан Төрийн нарийн бичгийн дарга Савсан Чеблитэй уулзсан. Уулзалтаар хоёр хотын харилцаа, хамтын ажиллагааг өргөжүүлэх чиглэлээр харилцан санал солилцсон. Манай 2 улсын хамтын ажиллагаа олон жилийн түүхтэй. Жилд бүр болдог ”Ай-Ти-Би Берлин” Аялал жуулчлалын олон улсын үзэсгэлэнд Улаанбаатар хот гурав дахь жилдээ амжилттай оролцлоо. Герман улс бол манай улсын хувьд Европ руу гарах гол хаалга болдог. Тиймээс Монгол Улсын нийслэл болон ХБНГУ-ын нийслэл хотуудын харилцаа идэвхжиж байгаад баяртай байна.” хэмээлээ.
Ноён Михаель Мюллер мөн Монгол Улсад урьж, найрсаг хүлээн авсанд талархал илэрхийлээд “Герман, Монгол улс хамтын ажиллагааны олон жилийн түүхтэй. Бидний зүгээс мэргэжлийн боловсрол олгох, төрийн захиргааны албан хаагчдыг сургах тал дээр хамтран ажиллах боломжтой гэж үзэж байна.” гэсэн юм.
Уулзалтын үеэр Нийслэлийн Засаг дарга бөгөөд Улаанбаатар хотын Захирагч С.Батболд хоёр хот хооронд нийтийн тээвэр, хог хаягдал, хот төлөвлөлт зэрэг чиглэлээр хамтран ажиллаж, цаашдын харилцаагаа улам бататгах хүсэлтэй байгаагаа илэрхийллээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
