-
2017 оны 2 сарын 25
Авто тээврийн хэрэгслийн албан татвар, төлбөрийг улсын дугаарын сүүлийн тооноос хамаарч төлдөг. Энэ сард 2 болон 7-оор төгссөн улсын дугаартай тээврийн хэрэгсэл эзэмшигч татвар төлбөрөө төлөх хуваарьтай байгаа. Нийт 86,744 авто тээврийн болон өөрөө явагч хэрэгсэл 2 болон 7-оор төгссөн улсын дугаартай байдаг аж. Тэднийг амжиж татвараа төлөхийг анхааруулж байна.
-
2017 оны 2 сарын 25
Сар шинийн баяр тохиож байгаатай холбогдуулан энэ сарын 27, 28 болон гуравдугаар сарын 1-ний өдрүүдэд хотын захын алслагдсан гэр хороолол, хүн амын нягтаршил ихтэй суурьшлын цэгүүд рүү үйлчлэх нийтийн тээврийн хэрэгслийн тоог нэмэхээр болсон байна. Тухайлбал Шархад, Тахилт, Чингэлтэй, Зунжин, Баянхошуу, Орбит, Зүүн салаа, Улаан-Хуаран, Санзай зэрэг чиглэлүүдийн тээврийн хэрэгслийн тоог 10 орчим хувиар нэмэгдүүлэхээр төлөвлөсөн аж. Мөн хотын захын алслагдсан чиглэлүүдэд дөрвөн аж ахуйн нэгж, байгууллагын 15 микроавтобусны захиалгат үйлчилгээ, нийслэл хот дотор таксины үйлчилгээнд 12 аж ахуйн нэгжийн 529 такси үйлчилгээ үзүүлэхээр болжээ.
-
2017 оны 2 сарын 25
Аавын талыг АВГА
Ааваас тань дүү бол БАГА АВГА
Ааваас тань ах эгч бол ИХ АВГА
Ээжийн талыг НАГАЦ
Ээжээс тань дүү бол БАГА НАГАЦ
Ээжээс тань ах эгч бол ИХ НАГАЦ
Авга, нагацын хүүхдүүд таны хувьд ҮЕЭЛ
Үеэлийн хүүхдүүд таны хувьд ХАЯАЛ
Хаяалын хүүхдүүд таны хувьд ҮЕЭНЦЭР
Үеэнцэрийн хүүхдүүд таны хувьд ХАЯАНЦАР
Таны эмэгтэй дүүг ЭГИ гэж нэрлэнэ
Таны төрсөн ах дүүсийн хүүхдүүд таны хувьд БҮЛ ДҮҮ
Таны хүүгийн хүүхэд таны хувьд АЧ
Ачийн хүүхэд таны хувьд ЖИЧ
Жичийн хүүхэд таны хувьд ГУЧ
Таны охины хүүхэд таны хувьд ЗЭЭ
Зээгийн хүүхэд таны хувьд ЗЭЛ
Өвөөгийн аавыг БУУРАЛ ӨВӨӨ
Буурал өвөөгийн аавыг ӨНДӨР ӨВӨӨ
Өндөр өвөөгийн аавыг ТЭРГҮҮН ӨВӨӨ
Тэргүүн өвөөгийн аавыг ЭЛЭНЦ ӨВӨӨ
Элэнц өвөөгийн аавыг ХУЛАНЦ ӨВӨӨ гэнэ.
Ахтай тань гэрлэсэн эмэгтэйг БЭРГЭН ЭГЧ
Дүүтэй тань гэрлэсэн эмэгтэйг БЭР гэнэ
Эгчтэй тань гэрлэсэн эрэгтэйг ХҮРГЭН АХ
Дүүтэй тань гэрлэсэн эрэгтэйг ХҮРГЭН ДҮҮ гэнэ
Нэг дэх гэрлэлтийг АРИУН ГЭР БҮЛ
Хоёр дахь гэрлэлтийг ЭВЛЭГ ГЭР БҮЛ
Гурав дахь гэрлэлтийг ХОЛИОН ГЭР БҮЛ
Үүнээс цаашхыг ЗАВХУУЛ ГЭР БҮЛ гэнэ.
-
2017 оны 2 сарын 25
Өнгөрөгч 2016 оны Сар шинийн баярын өдрүүдэд Замын цагдаагийн алба нийт 1089 дуудлага,мэдээлэл хүлээн авснаас зам тээврийн ослын 351 дуудлага бүртгэгдсэн. Үүний улмаас 50 хүн хүнд хөнгөн гэмтэж, 1 хүний амь нас хохирсон.
Гарсан зам тээврийн осол, хэргийн шалтгаан нөхцлийг тогтооход:
1. Тээврийн хэрэгслээр байрлан явах журам зөрчсөн
2. Урсгал сөрөх
3. Хамгаалах бүс, хүүхдийн зориулалтын хамгаалалтын суудлыг хэрэглээгүй
4. Тээврийн хэрэгслийн хурдны хязгаар хэтрүүлэх
5. Согтууруулах ундааны зүйл хэрэглэсэн үедээ тээврийн хэрэгсэл жолоодсон шалтгаан дийлэнх буюу 80 орчим хувийг эзэлж байна.
Иймд иргэд, жолооч нарт дараах зөвлөмжийг хүргэж байна.
1. Сар шинийн баяр бол олон онцлогтой баяр юм. Баярын бэлтгэл ажлыг ихээхэн шаарддаг учраас өмнөх өдрүүдэд болон Битүүний өдөр томоохон зах худалдааны төвийн ачаалал эрс нэмэгддэг тул иргэд, жолооч нар аль болох хувийн тээврийн хэрэгслээс татгалзаж, нийтийн тээврийн хэрэгслийг сонгох, дор бүртээ хувийн зохион байгуулалт хийхийг зөвлөж байна.
2. Тухайн жилийн анхны нарыг харахаар ажил үйлс бүтэж, тэр жилдээ хийморьтой явдаг хэмээн Монголчууд бэлгэшээдэг. Тиймээс Шинийн нэгний өглөө нар харахаар иргэд Хийморийн овоо, Сонгинохайрхан овоо, Чингэлтэй хайрхан, Баянзүрх хайрхан болон Багахангай дүүргийг зорихдоо замын хөдөлгөөний дүрэм зөрчиж амь нас, эрүүл мэндээрээ хохирох явдал гардаг. Иймд иргэд тусгайлан зассан зам талбайд тээврийн хэрэгслээ байршуулж, явганаар гарах, тээврийн хэрэгслийн бүрэн бүтэн байдлыг хангах, согтуугаар тээврийн хэрэгсэл жолоодохгүй, хурд хэтрүүлэхгүй хөдөлгөөнд оролцохыг зөвлөж байна.
3. Шинийн 2-ны өдрөөс хойш орон нутаг руу чиглэх тээврийн хэрэгслийн ачаалал эрс нэмэгддэг. Иргэд орон нутгийн замд хяналт шалгалт байхгүй хэмээн хөнгөмсөгөөр найдан хурд хэтрүүлэх, согтуугаар тээврийн хэрэгсэл жолоодох явдал ихээр бүртгэгддэг. Тухайлбал өнгөрсөн оны баяраар орон нутгийн замд зам тээврийн ослын улмаас 4 хүний амь нас хохирсон байна. Иймээс ЗЦА-аас олон улсын болон улсын чанартай хатуу хучилттай авто замуудад хөдөлгөөнт эргүүл, пост ажиллуулж хурд хэмжих, согтуугаар тээврийн хэрэгсэл жолоодох явдлыг таслан зогсоох, хамгаалах бүсний хэрэглээн дээр тавих хяналтыг сайжруулах, замын хөдөлгөөнд оролцож байгаа тээврийн хэрэгслийн техникийн бүрэн бүтэн байдалд тавих хяналтуудыг эрчимжүүлэн ажиллана.
4. Баярын өдрүүдийг угтаж иргэд, олон нийтэд цаг агаарын нөхцөл байдал, замын хөдөлгөөний ачааллын мэдээлэл, сэрэмжлүүлгийг Авто радио 96.3-аар 15-20 минутын зайтайгаар өгөхөөс гадна traffic.police.gov.mn, Замын цагдаагийн алба facebook хаягаар тогтмол өгч ажиллана.
5. Цагдаагийн байгууллагын алба хаагчид баярын өдрүүдээр гарч болзошгүй зам тээврийн ослоос урьдчилан сэргийлэх, иргэдийг аюулгүй зорчуулах зорилгоор өндөржүүлсэн бэлэн байдалд бүрэн бүрэлдэхүүнээр болон ХСИС-ын сонсогчидтой хамтран та бүхний амар амгалангийн манаанд ажиллана.Иймд иргэд та бүхэн зохицуулагчийн дохио, заавар, замын хөдөлгөөний дүрмийн дагуу оролцох, алба хаагчийн тавьсан хууль ёсны шаардлагыг биелүүлж хамтран ажиллана гэдэгт итгэж байна.
-
2017 оны 2 сарын 25
XVII жарны ”Алтан унжлагат” хэмээх гал тахиа жилийн Сар шинийн баярт зориулсан хүчит бөхийн барилдаан энэ сарын 26-нд Монгол бөхийн өргөөнд болно.
Сар шинийн барилдааны тасалбар 20-25 мянган төгрөгийн үнэтэй байх бөгөөд битүүний өглөө буюу хоёрдугаар сарын 26-нд Монгол бөхийн өргөөний кассаар худалдаалах юм байна.
Барилдаанд Улс, аймгийн алдар цолтой 256 бөх зодоглоно.
-
2017 оны 2 сарын 25
Ирэх амралтын өдрүүдэд буюу маргааш, нөгөөдөр дугаарын хязгаарлалт үйлчлэхгүй. Мөн Шинийн 1, 2, 3-ны өдрүүдэд тээврийн хэрэгслийн улсын дугаарын хязгаарлалт үйлчлэхгүй юм.
Өмнөх жилүүдийн баярын өдрүүдэд Замын Цагдаагийн Алба нэмэлтээр хэв журмын алба хаагчдыг замын хөдөлгөөнийг зохицуулах үйл ажиллагаанд татан оролцуулдаг байсан.
Тэгвэл, энэ жил ч мөн адил Хууль Сахиулахын Их Сургуулийн сонсогчид гэх мэт бусад цагдаагийн албатай хамтран ажилладаг байгууллагуудыг татан оролцуулж замын хөдөлгөөнийг зохицуулж, замын ачааллыг бууруулах учраас ямар нэг дугаарын хязгаарлалт хийгдэхгүй юм байна.
-
2017 оны 2 сарын 24
Ирэх сарын 1-нээс 31-нийг хүртэл БНТУ-ын Засгийн газрын 2017-2018 оны хичээлийн жилийн бакалаврын тэтгэлэгт хөтөлбөрийн бүртгэлийн тов зарлагдсан тул хамрагдах хүсэлтэй хүмүүс www.turkiyeburslari.gov.tr цахим хаягаар бүртгэх юм байна. Тэтгэлэг горилогчид дээрх цахим хаягт хандан зааврын дагуу бүртгүүлэх боломжтой аж.
-
2017 оны 2 сарын 24
Сар шинийн баяраар Төрийн банкны ажиллах цагийн хуваарийг танилцуулж байна.
-
2017 оны 2 сарын 24
Монгол түмний уламжлалт Сар шинийн баярын босгон дээр Ерөнхийлөгчийн зарлигаар өнөөдөр 130 хүнийг төрийн одон медалиар шагналаа. Шагналыг Нийслэлийн иргэдийн Төлөөлөгчдийн Хурлын дарга Ц.Сандуй, нийслэлийн Засаг дарга бөгөөд Улаанбаатар хотын Захирагч С.Батболд нар гардуулан өгсөн юм.
-
2017 оны 2 сарын 24
Цагдаагийн Ерөнхий газраас дараах сэрэмжлүүлгийг иргэдэд хүргэж байна. “Романс луйвар нь интернет орчинд харилцаа тогтоон хүний итгэлийг олж аван улмаар үүнийгээ ашиглан залилангийн гэмт хэрэг үйлддэг ба одоогийн байдлаар Монгол улсын 7 иргэн Индонез улсаар дамжуулан Нигер улсын гэмт бүлэглэлүүдийн халдлагад өртөн хохирсон байна.
-
2017 оны 2 сарын 24
XVII жарны Алтан унжлагат хэмээх Гал тахиа жилийн сар шинийн баярыг тохиолдуулан НИТХ-ын төлөөлөгч П.Баярхүү өөрийн тойргийнхоо ахмадуудаа сарын 19, 24-ны өдрүүдэд хүлээн авч, хүндэтгэл үзүүллээ.
Энэхүү хүндэтгэлийн арга хэмжээнд түүний тойрог болох Сүхбаатар дүүргийн 17,18,19,20 дугаар хорооны ахмадууд болон хэвтэрт байгаа, өндөр настангуудад хүндэтгэл үзүүлсэн юм.
НИТХ-ын төлөөлөгч П.Баярхүү “Эх орныхоо гал голомт болсон Улаанбаатар хотынхоо азай буурлууд, түмэн олондоо XVII жарны Алтан унжлагат хэмээх улаагчин тахиа жилийн сар шинийн мэндийг өргөн дэвшүүлье. Төр түмэндээ түшиг болсон амхад үеийнхэн та бүгдийг Гал тахиа жилийн сар шинийн хүндэтгэлийн үйл ажиллагаанд маань хүрэлцэн ирсэнд баяртай байна. Миний бие Нийслэлийн ИТХ-ын төлөөлөгч, Нийслэлийн засаг даргын орлогчийн хувьд Улаанбаатар хотынхоо тулгамдсан асуудлуудыг шийдэх, дэд бүтцийг сайжруулах, хөрөнгө оруулалтыг нэмэгдүүлэх чиглэлийн бодлогыг зангидан ажиллахын зэрэгцээ өөрийн сонгогдсон тойргийнхоо иргэдтэй уулзаж, санал бодлыг нь сонсч байна. Нийслэлийн ИТХ-д Сүхбаатар дүүргийнхээ иргэд, сонгогчдынхоо итгэлийг хүлээн төлөөлөгчөөр сонгогдсоны хувьд түмэн олныхоо итгэлийн гал, эвийн тулга, үнэний туг болж ажиллана” хэмээлээ.
Уулзалтад ирсэн ахмадуудын гаргасан санал санаачлагыг сонсч, цаашдын ажил хөдөлмөртөө тусган ажиллана гэдгээ илэрхийлж байлаа.
-
2017 оны 2 сарын 24
Сар шинийн баяраар банкуудын ажиллах цагийн хуваарийг танилцуулж байна.
ТӨРИЙН БАНК
Хоёрдугаар сарын 28-нд Мөнгөн завьяа тооцооны төв, Гадаад харилцааны яам дахь салбар 10:00-17:00 цагийн хооронд ажиллана.
Гуравдугаар сарын 1-нд III хороолол дахь салбар 10:00-17:00 цагийн хооронд ажиллах юм байна. Харилцагчийн лавлах - 1800-1881
ХААН БАНК
ГОЛОМТ БАНК
ХУДАЛДАА ХӨГЖЛИЙН БАНК
Шинийн 1, 2, 3 нд Худалдаа, хөгжлийн банкны бүх салбар, тооцооны төвүүд амарна.
ХАС БАНК
АРИГ БАНК
-
2017 оны 2 сарын 24
Нийслэлийн Баянзүрх дүүргийн цагдаагийн хоёрдугаар хэлтсийн удирлагууд алба хаагчдынхаа нийгмийн асуудлыг шийдвэрлэх зорилгоор өнгөрсөн оны тавдугаар сард 110 айлын орон сууцны барилгын ажлыг эхлүүлж байсан аж. Барилгын ажил дуусч хэлтсийн алба хаагчид шинэ орон сууцныхаа түлхүүрийг өнөөдөр гардан авлаа.
Түлхүүр гардуулан өгөх ёслолын арга хэмжээнд УИХ-ын гишүүн Б.Саранчимэг, нийслэлийн Засаг дарга бөгөөд Улаанбаатар хотын Захиарагч С.Батболд, ЦЕГ-ын дэд дарга П.Батбаатар, Улаанбаатар хотын Цагдаагийн газрын дарга Ж.Эрдэнэболд нар оролцов.
Нийслэлийн Засаг дарга С.Батболд “Төр түмнийхээ аюулгүй, амгалан тайван байдлын төлөө нойр хоолоо умартан, цаг наргүй ажиллаж байдаг цагдаагийн алба хаагчдынхаа нийгмийн асуудлыг шийдвэрлэхийн төлөө нийслэлийн Төр захиргааны байгууллагын зүгээс онцгой анхаарал тавьж ажилладаг. Баянзүрх дүүрэг дэх цагдаагийн хоёрдугаар хэлтсийнхэн өөрсдийн нөөц бололцоог ашиглан тодорхой компаниудтай хамтран алба хаагчдынхаа нийгмийн асуудлын томоохон хэсэг болох орон сууцны асуудлыг шийдвэрлэж байгаад баяртай байна. Цагдаагийн байгууллагын материаллаг баазын бэхжүүлэх, нийгмийн асуудлыг шийдвэрлэх тал дээр тодорхой үүрэг хүлээн ажилладаг. Энэ онд цагдаагийн байгууллагын хөдлөх бүрэлдэхүүнийг шинэчлэх асуудал дээр тодорхой хэмжээний хөрөнгө тусгасан байгаа” хэмээлээ.
Улаанбаатар хотын Цагдаагийн газрын Өмч хамгаалах зөвлөлийн орчин нөхцөлөө сайжруулах асуудлыг дотооддоо хариуцаж шийдвэрлэх зөвшөөрлийг үндэслэн тус цагдаагийн хэлтэс өөрийн эзэмшиж байгаа газрын тодорхой хэсэгт орон сууц барихаар болсон аж. Тус хэлтсийн алба хаагчид “Таван сүлдэт эрдэнэ” БГБХН-ийг үүсгэн байгуулж барилга барих газрыг шилжүүлэхээр шийдвэрлэж байжээ. “Таван сүлдэт эрдэнэ” БГБХН нь “Сүмбэр цамхаг” ХХК-тай хамтран ажиллахаар тохиролцож өнгөрсөн оны тавдугаар сард нийслэлийн Ерөнхий төлөвлөгөөний газраас барилга эхлүүлэх зөвшөөрлийг авч байсан аж.
Шинээр ашиглалтад орсон орон сууцанд БЗД дэх цагдаагийн хоёрдугаар хэлтсээс 64 алба хаагч болон УБХЦГ, Эрүүгийн цагдаагийн газар, хөдөө орон нутаг, бусад дүүргийн 46 алба хаагч орохоор болсон байна. Орон сууцныхаа түлхүүрийг гардан авсан цагдаагийн алба хаагчид баяртай байгаагаа илэрхийлж байлаа.
Баянзүрх дүүрэг дэх цагдаагийн хоёрдугаар хэлтсийн эргүүлийн цагдаа Ц.Гансүх “Шинэ орон сууцанд орж байгаад маш их баяртай байна. Алба хаагчдынхаа ар гэрийн, нийгмийг асуудлыг шийдвэрлэж өгсөн Баянзүрх дүүрэг дэх цагдаагийн хоёрдугаар хэлтсийн удирдлагууд, Барилгын ажлыг гүйцэтгэж ашиглалтад оруулсан “Сүмбэр цамхаг” ХХК-ийн хамт олондоо талархсанаа илэрхийлье” гэлээ.
Баянзүрх дүүрэг дэх цагдаагийн хоёрдугаар хэлтсийн Ахмадын зөвлөлийн дарга Б.Даваацэрэн “Монгол түмний их баяр цагаан сарын өмнө шинэхэн байрныхаа түлхүүрийг гардан авч байгаадаа баяртай байна. Төр засагтаа, нийслэлийн удирдлагууддаа, цагдаагийн байгууллагын удирдлага хамт олондоо талархал илэрхийлмээр байна” хэмээсэн юм.
Орон сууцны мкв-ын үнийг зах зээлийн үнээс харьцангуй хямд байхаар тооцсон байна. Урьдчилгаа төлбөрөөс хамааран 30 хувийг төлбөл нэг мкв-ыг нь 940 мянга, 40 хувийг төлбөл нэг мкв-ыг нь 920 мянга, 50 хувийг төлбөл нэг мкв-ыг нь 890 мянган төгрөг, 100 хувь төлбөл нэг мкв-ыг нь 860 мянган төгрөгөөр тооцон алба хаагчдад олгохоор болжээ гэж нийслэлийн ЗДТГ-ын Хэвлэл мэдээлэл олон, нийттэй харилцах хэлтсээс мэдээллээ.
-
2017 оны 2 сарын 24
68 жилийн түүхтэй УБТЗ өнөөдөр бичин жилийн ажлаа дүгнэж ажил мэргэжлийн аваргуудаа тодрууллаа. Монгол улсын хөгжилд үнэтэй хувь нэмрээ оруулж ирсэн УБТЗ улиран өнгөрч байгаа бичин жил 19,8 сая тонн ачаа, 2,5 сая зорчигч тээвэрлэсэн амжилтаар гал улаагчин тахиа жилээ угтаж байна. 15 мянга шахам ажилтантай энэ өнөр өтгөн айлын 2016 оны ажил мэргэжлийн аваргаар нийт 28 хүн шалгарчээ. Тэрчлэн “Төмөр замчны алдар” цол тэмдгээр 35 хүн, “Тэргүүний төмөр замчин” цол тэмдгээр 55 хүн, “Онц хөдөлгөөнчин” цол тэмдгээр 33 хүн шагнагдлаа.
-
2017 оны 2 сарын 24
Ц.Сандуй дарга аа, дүүгийнхээ оффшор дансыг тайлбарлана уу
Дөнгөж саяхан УИХ-ын гишүүн Б.Пүрэвдорж УИХ-ын даргад УИХ-ын даргад тогтоолын төсөл өргөн мэдүүллээ. Тус төсөлд оффшор бүс дэх монголчуудын мэдээллийг авах хүсэлтийг олон улсын холбогдох байгууллагад гаргах, хууль ёсны эсэхийг нь шалгаж, олон нийтэд мэдээлэх зэрэг асуудлыг тусгасан хуулийн төслийг санаачлан хэлэлцүүлэхийг даалгахыг хүссэн байна. Энэхүү төслийн хавсралтад оффшор бүсэд данс эзэмшигч монголчууд хэмээн 13 хүний нэрийг дурджээ. Тэр дунд НИТХ-ын дарга Ц.Сандуйн төрсөн дүү Ц.Сэргэлэнгийн нэр тодоос тод бичээстэй байна. Түүнийг НИТХ-ын дарга Ц.Сандуйн төрсөн дүү хэмээн тодотгож, Газрын хууль бус наймаагаар хөрөнгөжсөн байж болзошгүй хэмээн тайлбарлажээ.
Ц.Сэргэлэнг оффшор бүсэд 480 тэрбум төгрөгтэй тэнцэх ам.доллар нуусан гэх мэдээлэл тарж, яаж хөрөнгөжсөн гэх асуулт олон нийтийн дунд хэсэгтээ “тэнэсэн”. Харин одоо УИХ-ын гишүүн Б.Пүрэвдорж албан мэдээлэл болгон, төрийн хэмжээнд ярихаар УИХ-ын даргад хандлаа.
Газрын хууль бус наймаа гэж үзвэл энэ оффшор данстай НИТХ-ын дарга Ц.Сандуй гарцаагүй холбогдоно. Нийслэлийн газрын албанд байцаагчаас эхлээд дарга хүртэл нь 10 гаруй жил ажилласан мань даргыг дүүгийнхээ нэрээр хөрөнгөө нуусан гэж хардах хүмүүс ч цөөнгүй байдаг. Ийн Ц.Сандуй даргын овог, нэр холбогдсон оффшорын асуудал дахин сөхөгдлөө.
Оффшортой, хөрөнгөлөг гэдгийг илтгэх мэт НИТХ-ын дарга Ц.Сандуйн зураг, гарын үсэгтэй мэндчилгээ өнөөдрийн өдөр тутмын сонингуудын нүүр хуудсанд заларчээ. Нэлээд хөрөнгө мөнгө хаясан нь илт. Гэвч түүний мэндчилгээг нийслэлчүүддээ илгээсэн сэтгэлийн үг харах хүн бараг алга. Харин төсвийн мөнгийг шаардлагагүй зүйлд үр ашиггүй зарцуулсан гэх шүүмж давамгайлж байна. Хурлын дарга Ц.Сандуйн мэндчилгээний төлбөр нийслэлийн төсвөөс гаргаж, улсын мөнгийг цацав уу? Эсвэл дүүгийнхээ оффшор хөрөнгөнөөсөө гаргаж, бэл бэнчингээ гайхуулаагүй байлгүй дээ.
Баяртай бас гунигтай мэдээ дуулгасан ОУВС-ынхан, Сангийн сайдын шүлс нь хатаж амжаагүй байна. Өнгөрсөн ням гаригт хэвлэлийн хурал хийж, ОУВС Монгол Улсад гар тэнийлгэх болсноо дуулгаж, 440 сая ам.долларын санхүүжилт өгөх болсон нь баяртай мэдээ байв. Үүнтэй зэрэгцээд татвараа нэмэгдүүлж, тэтгэврийн насыг сунгах гунигтай мэдээ дуулгав. Товчхондоо ОУВС-гийн мөнгийг үрэхийн тулд монголчууд бүсээ чангалах шаардлагатай болов.
Харин ОУВС-ын шаардлага, Засгийн газар, Сангийн сайдын үг НИТХ-ын дарга Ц.Сандуйд хамаагүй бололтой. Монгол Улсын эдийн засаг хүнд хэцүү байдалд орж, төрийн бодлого шийдвэр бүхнээ барьцаанд тавин байж, зээл авч байхад хотын удирдлага арай л үрэлгэн биш үү. Нийслэл тусдаа вант улс болчихоогүй. Төсөв нь хэмнээд ч урдах хойдохдоо хүрэхгүй байгааг хотын дарга уулзалт бүрт ярьж явсан. Гэтэл хурлын дарга арай л гамгүй заржээ.
Төсвийн мөнгийг үргүй зарж, сонинд зургаа хэвлүүлж байхынхаа оронд гэр бүлийнхээ оффшор дансыг тайлбарлавал яасан юм бэ, Ц.Сандуй дарга аа. Газрын хууль наймаатай холбоотой байж болзошгүй хэмээн хардагдсан энэ оффшор данс таньтай нэр холбогдох нь цаг хугацааны л асуудал юм биш үү.
-
2017 оны 2 сарын 24
Газрын тос тээвэрлэдэг машинд мах нууж, хилээр гаргах гэж байсныг илрүүлжээ
-
2017 оны 2 сарын 24
Зам тээврийн ослын улмаас есөн хүн хүнд, хөнгөн гэмтжээ
-
2017 оны 2 сарын 24
Ус сувгийн удирдах газрын ус түгээх байрнууд сар шинийн баярын өдрүүдэд дараах цагийн хуваарийн дагуу ажиллана. Харин Улаанбаатар хотын Гэр хорооллын “ухаалаг худаг”-аар үйлчлүүлдэг иргэн усны картаа зөвхөн ХААН БАНК-ны 5753844044 тоот дансанд мөнгөө тушаана гэдгийг мэргэжлийн байгууллагаас анхааруулж байна.
-
2017 оны 2 сарын 24
Замын цагдаагийн алба, Гэмтэл согог судлалын үндэсний төв, нийслэлийн Онцгой байдлын газар, Түргэн тусламжийн төв хамтран Цагаан сарын баяртай холбоотойгоор баярын өдрүүдэд цагдаагийн алба хаагчид гарч болзошгүй зам,
-
2017 оны 2 сарын 24
Монгол Улсын Ерөнхийлөгчийн зарлигаар Хөдөлмөрийн баатар цолыг гурван хүнд олголоо. Ардын уран зохиолч Бавуугийн Лхагвасүрэн, Хэнтий аймгийн Жаргалтхаан сумын дөрвөн мянгат малчин Г.Сампил, Гацуурт компанийн Ерөнхий захирал Л.Чинбат нарт Хөдөлмөрийн баатар цол хүртээснийг Ерөнхийлөгч Ц.Элбэгдорж гардуулан өглөө.
