-
2016 оны 11 сарын 23
Монгол Улсад орчин үеийн Шинжлэх ухааны байгууллага үүсч хөгжсөний 95, ШУА үүсэн байгуулагдсаны 55 жилийн ой, “Шинжлэх ухааны ажилтны өдөр”-ийг тохиолдуулан өнөөдөр Монгол Улсын Хөдөлмөрийн баатар, академич, төр, нийгмийн нэрт зүтгэлтэн Б.Ширэндэвийн хөшөөнд цэцэг өргөлөө.
-
2016 оны 11 сарын 23
Г.Пунцагбалжир агсны хүү “Мон-Эрдэнэ” группын өв залгамжлагч П.Энхмөнх хүчингийн хэрэгт нэр холбогдоод байгаа.
-
2016 оны 11 сарын 23
Монголын чадварлаг хоёр эмэгтэй DJ Хавайн саятнуудын клубт урилгаар тоглохоор боллоо. Залуу уран бүтээлчид буюу 35-аас доош насны уран бүтээлчдээс бүрдсэн “Space” энтертайментийн төлөөл болох DJ Анна, Уна нар арванхоёрдугаар сарын эхээр Хавайг зорих нь.
Монгол DJ нарын хувьд энэхүү үйл явдал нь анхны тохиолдол болж байна.
Уран бүтээлчдийг танилцуулахад:
DJ Анна: Монголын хамгийн анхны эмэгтэй DJ, Эмэгтэй мотоциколчдын холбооны тэргүүн, Фитнес мисс түүнийг электроник хөгжмийн төрөлд мэдэхгүй танихгүй хүнгүй гэхэд хилсдэхгүй.
DJ Уна: Фото модель, мэргэжлийн стилисть, дизайнер, DJ тэрээр сэтгүүл, сошиал ертөнцөд алдартай нэгэн.
Дашрамд сонирхуулахад “SPACE” энтертаймент нь байгууллагдаад удаагүй ч урлагийн салбар бүрт хүлээн зөвшөөрөгдсөн 30 гаруй залуу уран бүтээлчдийн нэгдэл гэнэ. Тэдний дунд Холливудын Годзила, Хавайн тавал зэрэг киноны туслах найруулагчаар ажилласан найруулагч, Лос Анжеласын актемийг төгссөн чадварлаг зураглаач болон АНУ-д сургууль дүүргэсэн стилисть, дизайнер, Wall artist, дуучин хөгжимчин, эвлүүлэг мантажчин зэрэг олон салбарын өндөр боловсролтой, чадварлаг залуучуудаас бүрдсэн баг юм байна.
Нэгэн нууц мэдээлэл задруулахад “SPACE” энтертайментийн дараагийн зогсоол Дубайд зохиогдох дэлхийн шилдэг 15 DJ оролцдог фестивал болж байгаа ажээ. Одоогийн байдлаар чадварлаг залуучууд маань энэ талаарх мэдээллээ тун нууцалж байгаа гэнэ.
-
2016 оны 11 сарын 23
Энэ сарын байдлаар томуу, томуу төст өвчин нэмэгдэх хандлагатай байгааг Эрүүл мэндийн яамн аас мэдээлсэн. Өвчлөгсдийн 93.1 хувийг 15 хүртлэх насны хүүхэд байгаа юм. Томуу, томуу төст өвчний идэвхжилт эхэлсэн ч вакцин иргээгүй байгаа юм байна.
-
2016 оны 11 сарын 23
Манай улсад Далай лам энэ сарын 18-22-ны өдрүүэд айлчилж өнөө өглөө буцаж буй юм. Түүний айлчлалыг эсэргүүцэж Хятадын талаас хоёр ч удаа Засгийн газарт шаардлага хүргүүлж, тус улсын гадаад хэргийн яамны хэвлэлийн төлөөлөгч Жен Шуан мэдэгдэл гаргасан юм.
Тэгвэл өчигдөр орой Монголын Засгийн газарт Хятадын талаас Монгол Улсын Шадар сайд У.Хүрэлсүхийн БНХАУ-д энэ сарын сүүлээр хийх айлчлалыг тодорхойгүй хугацаагаар хойшлуулж байгаа талаар мэдээлэл албан бусаар ирсэн талаар Засгийн газрын кабинетийн зарим баттай эх сурвалж мэдээллээ.
-
2016 оны 11 сарын 23
14-р далай лам Монгол улсад 9 дэхь удаагаа айлчлаад буцаж байна. Тэрээр өнөө өглөө 07 цагт Хэвлэлийнхэнтэй уулзаж Монголд хийсэн айлчлалынхаа талаар мэдээлэл өглөө.
Далай багш энэ удаа Монголд Гандан тэгчилэн хийдийн урилгаар цэвэр шашны ажлаар заларч олон түмэндээ сургааль номоо айлдлаа. Тэрээр: Би аль ч улсад айчилсан хамгийн түрүүн дэлхийн энхтайван хүн төрөлхтний амар амгалан байхад юу хэрэгтэй талаар хэлдэг.
Зовлонгийн шалтгаан бол уур, шуналын сэтгл юм. Бусдыг хайрлаж, энэрэн нигүүлссэн цагт амар амгалан аяндаа тогтно. Бурханы номонд асрахуй энэрэхүй сэтгэлийг дээдлэхийг номлодог. Бүх шашин үзэл сургаал өөр боловч энх амгалан, эв нэгдэлтэй байх дээр төвлөрдөг.
Би Түвдийн улс төрийн хэргийг 2011 онд хүлээлгэн өгсөн . Одоо Түвд улс төрийн эрх мэдлээ сонгуулиар шийдээд явах болно. Одоо надад Түвдийн бичиг соёл, бурханы номын учир шалтгааныг цааш дэлгэрүүлэх л ажил үлдсэн.
Ном сургаалийг сүсэглэн дагахдаа гол биш. Сургааль номын учир шалтгааныг ойлгох нь чухал юм. Монголд Түвдийн шашин дэлгэрэхээс өмнө Монгол, Түвд 2 улс холбоотой байсан. . Хүүхдүүд нь хөх толботой төрдөг.
Соёлоороо ч Азид төстэй ард түмэн. Монголчууд өнөөдөр шашин номоо дээдлэх эрх чөлөөтэй байж, түгээн дэлгэрүүлж байгаад би баяртай байна.Гол нь суралцах хэрэгтэй. Энэтхэгт гэхэд Монгол лам хуврагууд олноор ном үзэж, зарим нь 15 жил номын мөр хөөж байна.
Тэд монголдоо ирж, шашны үйл хэрэгтээ зүтгэнэ гэж найдаж байна. Монгол улстай 9-р богд Жавзандамба хутагт их барилдлагатай хүн байсан. Монголд ирж таалал төгсөхөөсөө өмнө би хойд насандаа хаана төрөх вэ гэж асууж байсан. Хамгийн сүүлд намайг уулзахад лагшин муу байгаагаа хэлээд дараа төрөлдөө Монголд тодорно гэсэн.
9-р Богдын хойд дүрийг тодруулах нь миний үүрэг болж үлдсэн.Монголд 9-р богд мэндэлсэн шинж тэмдэг илэрсэн.Жаахан хүүхэд болохоор нийтэд зарлахыг хүсэхгүй байна. Тэр хүүхэд 3-5 нас хүрэхээр зарлана.
Жаахан хүүхдэд нийтэд зарлах нь хэцүү байдаг.Гэхдээ хойд дүрээр тодорч, өндөр суудалд гарч сууснаар том лам болохгүй шүү гэж. Эрдэм чадал гэнэт өөрөө хүрээд ирдэггүй. Энэ бол бурханы шашны талаар ойлголт муу байх үеийнх.
Сурв: 14-р далай ламын Монголд айлчилах үеэр Хятадын засгийн газраас Монгол улсын Засгийн газарт хандаж мэдэгдэл гаргасан. Үүнийг хэрхэн хүлээж авсан бэ?
Далай лам: - Энэ бол байнга болж байдаг үйл явц .Би хаана ч очсон ийм асуудал байнга гардаг. Би энэ дэлхий дээр бурханы шашинтай улс орнуудаас Монгол, Япон 2 улсад л очих эрхтэй . Би уг нь бурханы шашинтай мөртлөө бурханы шашинтай улсуудад очиж чадахгүй байна гэж хошигнодог. Хятадад 400 сая хүн бурханы шашинтай . Тэд намайг хятадад ирээч гэж урьдаг ч би очиж чаддаггүй. Хятадын эрх баригчид намайг салан тусгаарлагч гэж үздэг.Уг нь би Түвдийг тусгаар тогтнолтой улс болгоно гэж ярьдаггүй.
Түвдийн тусгаар тогтнох ёстой гэж ярьдаггүйд маань ч зарим хүмүүс намайг буруутгадаг. Би Хятад, Түвд 2 улсын хэн нь ялах, ялагдах тухайд биш хоёуланд нь тустай байхсан гэж боддог.
Сур: -Ванчинбогдын хойд дүр одоогоор 2 тодроод байна. Үүнийг та юу гэж үздэг вэ? Далай лам:-Ванчинбогд одоогоор 2 болоод байгаа. Ирээдүйд далай лам ч 2 болж болно Гайхах хэрэггүй .Энэ бол улс төрийн асуудал. Улс төрийн асуудал учраас жаахан зүйл болоход хувирч өөрчлөгдөж байдаг шүү дээ.
Гол нь бурханы номыг хүн өөрөө уншиж дамжуулж байх нь чухал . Би далай лам гээд дээрээс биш тэр хүмүүстэй адилхан түвшинд харьцахыг хүсдэг. Бурханы шашинд номыг лам хуврагууд авч явна гэснээс биш ганц лам авч явна гээгүй шүү дэ
-
2016 оны 11 сарын 23
Хүйтний улирал эхэлсэнтэй холбогдуулан аж ахуйн нэгж, байгууллага, иргэдийн барилга, байгууламж, орон сууцны халаалт, гэр хороололд галлагаа эхэлсэнээр сүүлийн үед ахуйн гал түймрийн гаралт ихсэх хандлагатай байна.
Улсын хэмжээнд 2016 он гарсаар нийт 3282 удаагийн объектын гал түймэр бүртгэгдэж, гал түймрийн аюулаас 386 иргэний амь насыг аварч, 35 иргэн түлэгдэж гэмтэн, 41 хүн гал түймэрт өртөж нас барсан байна.
Харин 2016 оны 10 дугаар сар гарсаар улсын хэмжээнд нийт 662 удаагийн обьектын гал түймэр гарч, гал түймрийн улмаас нийт 12 хүн нас барж /7 том хүн, 5 хүүхэд/, 5 хүн түлэгдэж бэртсэн /4 том хүн, 1 хүүхэд/ байна.
Дээрх гарсан гал түймрийг өнгөрсөн оны мөн үетэй харьцуулахад гал түймрийн тоо 3,5 хувь буурсан үзүүлэлттэй байгаа хэдий ч иргэдэд дараах сэрэмжлүүлгийг хүргэж байна.
Иргэд галын аюулаас урьдчилан сэргийлэхийн тулд пийшин, зуухны галын аюулгүй байдлыг хангуулан пийшин, зуухны янданг дээврийн гадаргуугаас 50 см-ээс багагүй өндөртэйгээр гаргах, дээвэр таазнаас яндан хүртэл 50 см-ээс багагүй зайтай байх, пийшин зуух нь хананаас 1,25 см-ээс багагүй зайтай байх бөгөөд галлагааны амны өмнө 70х50 см-ийн металл хуудас, төмөр байрлуулахыг зөвлөж байна.
Пийшин, зууханд зориулалтын бус түлш болох хуучин хувцас, дугуй, хуванцар, хуурай хог хаягдал зэргийг хэрэглэхгүй байх, яндангийн хөөг тогтмол цэвэрлэж байх, үнс нурмыг тусгай төмөр саванд хийж хөргөсний дараа бусад хуурай хог хаягдалтай нийлүүлж хаях хэрэгтэй.
Мөн орон сууц, гэрийн цахилгаан хангамж, цахилгаан тоног төхөөрөмжийг заавал эрх бүхий мэргэжлийн этгээдээр угсралт, засвар үйлчилгээг хийлгэхийг зөвлөж байна.
Түлсэн гал түймрийн үнс нурамыг тагтай төмөр саванд хийж, шатах материалаас зайтай байлгах, цахилгаан хэрэгслийн хүчдэлд тохирсон чанар стандарт хангасан залгуур, разетка ашиглах, бага насны хүүхдийг харгалзах хүнгүй үлдээхгүй, цоожлохгүй байх, хөлдсөн, хөрсөн автомашиныг ил галаар гэсгээхгүй байх, галласан гэрийг эзэнгүй орхихгүй байх, цахилгаан тень, халаагуур бусад цахилгаан хэрэгслийг тодорхой хугацаанд унтрааж хэвшихийг Онцгой байдлын ерөнхий газраас анхааруулж байна.
-
2016 оны 11 сарын 23
Энэ сарын 21-ний өдөр ТБД андууд дэлгүүрийн урд замд замын цагдаа мөнгөн ус тээвэрлэж явсан хэргийг илрүүлжээ. “Range Rover” маркийн автомашинд 64.4 кг мөнгөн ус тээвэрлэж, бусдад худалдан борлуулах гэж байсныг таслан зогсоожээ. Хэргийг Баянгол дүүргийн цагдаагийн нэгдүгээр хэлтэст шалгаж байна.
-
2016 оны 11 сарын 23
Нийслэлийн Засаг даргын орлогч Ж.Батбаясгалан Японы Мияаконожо хотын Хөдөө аж ахуйн хэлтсийн дарга Иший Ёшихиро тэргүүтэй төлөөлөгчдийг өчигдөр хүлээн авч уулзжээ.
Мияаконожо хотын хувьд үхрийн махан олон төрлийн лаазалсан брэнд бүтээгдэхүүнээр алдартай юм байна. Уг бүтээгдэхүүнээ гадаад зах зээлд гаргах ажлын хүрээнд өнгөрсөн оноос Улаанбаатар хотод Элчин сайдын яамаараа дамжуулан сурталчилгааны ажил зохион байгуулсан гэдгээ Иший Ёшихиро Засаг даргын орлогч Ж.Батбаясгаланд танилцуулсан байна.
Иший Ёшихиро “Манай бренд үхрийн мах нь дэлхийн олон оронд танил болсон бүтээгдэхүүн. Япон улсын махны хэрэгцээний 5/1 хувийг дангаараа хангаж байна. Улаанбаатар хотод бүтээгдэхүүнээ нийлүүлэх, цаашид хамтран ажиллах хүсэлтэй байна” гэлээ.
Харин Нийслэлийн Засаг даргын орлогч Ж.Батбаясгалан “Үхрийн мах, махан бүтээгдэхүүнийг дэлхийн зах зээлд нийлүүлнэ гэдэг маш чухал юм. Манай хоёр орны хамтын ажиллагаа олон жилийн түүхтэй. Та бүхний үйл ажиллагааг манай хөдөө аж ахуйн салбарынхан дэмжинэ гэдэгт итгэж байна” хэмээжээ.
-
2016 оны 11 сарын 23
Нийслэлийн Засаг дарга бөгөөд Улаанбаатар хотын Захирагч С.Батболд бүх нийтээр цас цэвэрлэх уриалгад Улаанбаатар хотын цэргийн анги нэгтгэлүүд нэгдэж өнгөрсөн шөнө цас цэвэрлэлээ.
-
2016 оны 11 сарын 23
Энэ өдөр билгийн тооллоор өвлийн эхэн сарын 25 бөгөөд буддын шашинтай бүх улс түмэн Богд Зонховын их дүйцсэн өдөр буюу ”Зулын 25” хэмээн тэмдэглэж заншсан. Энэ өдөр сүсэгтэн олон түмэн мацаг барьж (цагаан хоол идэх) зул өргөж, арван хар нүглийг тэвчин бие, хэл, сэтгэлээ ариусган буян үйлдвээс өргөсөн нэг зул мянга болж, уншсан нэг маани түм болж арвиждаг учиртай юм. Энэ өдөр их буян хураана гэсэн үг. Монголчууд зул өргөхдөө энэ ба хойтын буян, өөд бологсдын буянд зориулахын зэрэгцээ мал муулахдаа хүртэл сайн төрөл олохыг ерөөж зул өргөдөг заншил бий.
-
2016 оны 11 сарын 23
Дээрхийн гэгээнтэн XIV Далай лам Данзанжамц эдгээр өдрүүдэд Гандантэгчилэн хийдийн урилгаар манай улсад айлчилж буй. Түүний айлчилж буй зорилго нь X Богдыг тодруулахаар ирсэн гэх мэдээлэл цацагдсан. Энэ тухай Гандантэгчилэн хийдийнхэн үгүйсгэж, тодорхой мэдээлэл өгөөгүй юм.
-
2016 оны 11 сарын 23
Жайка олон улсын байгууллагаас Өвсний үндэс техникийн хамтын ажиллагааны хүрээнд “Сэргээгдэх эрчим хүч /газрын хөрсний дулаан/ ашиглан бага эрчим хүчээр хүнсний ногоо тариалах технологи дэмжих төсөл”-ийг Монгол Улсад гурван жилийн хугацаанд амжилттай хэрэгжүүлсэн байна. Манай орны хувьд эрс тэс уур амьсгалтай ч энэ төслийн үр дүнд газрын хөрсний дулааныг ашиглан, эрчим хүчний хэмнэлттэй аргаар өвлийн цагт ч хүнсний ногоо тариалах боломжтойг харуулжээ. Дулааны улиралд уг хүлэмжинд 3-4 төрлийн нарийн ногоо тариалдаг аж. Харин өвлийн улиралд бууцай тариалахад тохиромжтой байгааг мэргэжлийн хүмүүс хэлж байлаа. Төслийн баг хамт олон өнөөдөр ургацаа хурааж хаалтын ажиллагаагаа хийсэн юм. Уг ажиллагаанд Японы Элчин Сайдын яам, Жайка олон улсын байгууллага, Эрчим хүчний яам болон нийслэлийн холбогдох газрын төлөөлөл оролцлоо. Монгол Улсад гурван жилийн турш амжилттай хэрэгжсэн уг төслийг Эрчим хүчний яам хариуцан үйл ажиллагааг үргэлжлүүлэх юм байна гэж НЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 11 сарын 23
23-наас хүйтний эрч өдөртөө бага зэрэг суларна.
-
2016 оны 11 сарын 23
Их хэмжээний цас орсны улмаас үүсээд байгаа нөхцөл байдал, авч хэрэгжүүлж байгаа арга хэмжээний талаар Нийслэлийн удирдлагууд шуурхай хуралдаж, хотын дарга холбогдох газар, хэлтсийн дарга нарт үүрэг өглөө. Нийслэлийн Засаг дарга бөгөөд Улаанбаатар хотын захирагч С.Батболд энэ долоо хоногт буюу баасан гаригт гэхэд багтаан хотын автомашины болон явган хүний зам, талбайн цас мөсийг арилгахыг холбогдох албаныханд үүрэг болгов.
Нийслэлийн цэргийн штабын дарга, хурандаа Ж.Болдбаатар шуурхай хуралдааны үеэр цас цэвэрлэх хотын даргын уриалгад цэргийн анги байгууллагууд нэгдэж, өнөөдөр оройн 20 цагаас эхлэн тодорхой хэсгүүдэд алба хаагчид хуваагдан ажиллахаар болсныг танилцууллаа. Тодруулбал, Баянзүрх дүүрэг “Арслан”-тай хөшөөнөөс “Нарантуул” захын уулзвар хүртэл 014, 015, 032 дугаар ангийн, Хан-Уул дүүрэг Яармагийн гүүрнээс Нисэхийн уулзвар хүртэлх замд 013, 017, 089,120 дугаар ангийн хугацаат цэргийн алба хаагчид, Чингэлтэй дүүрэг Дөлгөөн нуурын уулзвараас Гэсэр сүм хүртэлх замын цасыг цэргийн дүйцүүлэх албаныхан цэвэрлэхээр болжээ. Нийтдээ 500 орчим хүн энэ удаагийн цас цэвэрлэх ажиллагаанд оролцох юм байна. Харин нарны гүүр болоод нарны замын 8.4 км авто зам, замын байгууламжийг ТҮК-ийн ажилчид цэвэрлэж, цас, мөсийг нь арилгах юм.
Цас арилгах бодис, давс нэмж авах, цаашид цас цэвэрлэх техникээ шинэчлэхээр төлөвлөж байгааг хотын дарга хэллээ. Өмнөх захиалгын дагуу энэ сарын 24 буюу ирэх пүрэв гарагт ОХУ-аас 198 тонн тусгай зориулалтын бодис ирэх аж. Мөн Засаг даргын нөөц хөрөнгөөс дахин 400 тонн бодис авахаар болсон байна. Түүнчлэн явган хүний замын цас мөс шүүрдэх, хөлдсөн цасыг ховхлох зэрэг бага оврын техник хэрэгсэл авахаар БНХАУ-руу захиалжээ.
Нийслэлийн Засаг дарга бөгөөд Улаанбаатар хотын захирагч С.Батболд цас, мөс хайлуулах бодис, давсны татан авалтыг түргэсгэж, нэмэлтээр авах 400 тонн бодис татах гэрээг хурдан хугацаанд хийх болон цэргийн алба хаагчдыг багаж хэрэгслээр хангахыг холбогдох газар хэлтсийн дарга нарт үүрэг болголоо гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 11 сарын 23
Сүүлийн таван жилийн хугацаанд нийслэлийн автомашин 145.330 болон нэмэгджээ. Өөрөөр хэлбэл, 2012 онд автомашиныг дугаарын хязгаарлалттайгаар хөдөлгөөнд оролцуулах тухай Нийслэлийн засаг даргын захирамж хэрэгжиж эхлэх үед нийслэл 321.347 автомашинтай байв.
Харин өнөөдөр 466.677 автомашин хөдөлгөөнд оролцож байна. Энэ хэрээр автозамын түгжрэл иргэдийн толгойны өвчин болж байгаа. Түгжрэл гэдэг үгийг авто замын орчинд хэрэглэдэггүй, зөвхөн эрүүл мэндийн салбарт болон бусад үед хэрэглэдэг байсан нь ердөө 2005 он. Энэ үед Улаанбаатар хотод 73.740 тээврийн хэрэгсэл, бүртгэлтэй байсан ба нийслэлийн авто замд түгжрэл үүсдэггүй байжээ.
Дэлхийн 415 дахь том хотоор Улаанбаатар хот олон улсын жагсаалтанд аль хэдийн оржээ. Улаанбаатар өнөөдрийн байдлаар 1,3 сая хүн амтай.
Хотын автозамын түгжрэлийг бууруулах зорилгоор Хотын дарга асан Э.Бат-үүл нийслэлийн авто замын түгжрэлийг багасгах гэж арга ухаанаа уралдуулж, олон ч янзаар үзсэн. Тухайлбал, Дугаарын хязгаарлалт хийв, нэгдүгээр эгнээгээр зорчихыг хориглов, зөвшөөрөлгүй газар зогссоныг нь ”ачиж”, автомашины дугуйг хүртэл түгждэг боллоо. Бүр төмөр замаар ”райлбус” явуулсан гээд дурдаад байвал их юм бий.
Нийслэлд зохицуулалттай 125 уулзвар байдгаас хамгийн их ачаалалтай тээврийн хэрэгсэл, явган зорчигч зорчдог уулзваруудын нэг баруун дөрвөн зам.
Тэгвэл түгжрэлийг бууруулах, хотын өнгө үзэмж, аялал жуулчлалын салбарт хувь нэмэр оруулах зорилгоор төв дөрвөн замын уулзвар дээрх гүүрэн гарц барих санаачилгыг “Сая санаа” ХХК-ны сайн дурын залуус нэгдэн гаргажээ.
Энэхүү гүүрэн гарц нь хотын өнгө үзэмжинд хувь нэмрээ оруулах чухал ач холбогдолтой аж. Архитектур, дизайнеруудын гаргасан тус гүүрэн гарцны төлөвлөлт нь орчин үеийн шинэлэг шийдлийг цогцлоосноороо онцлогтой.
Гүүрэн гарцны төлөвлөлтөд дэлгүүр, кофе шоп, Монгол хоол, түргэн хоол бүхий үйлчилгээний бүс, олон нийтийн чөлөөт бүс, амралтын бүс зэргийг багтаажээ. Гэвч энэхүү төслийг өнөөдөр анхааралдаа авч хэрэгжүүлэн ажил болгох нь хотын удирдлагууд болоод эрхэм гишүүдэд чухал байна.
Хэрвээ “Сая санаа” ХХК-ны бүтээлч залуусын санаачилсан дээрх гүүрэн гарц төслийг хотын удирдлагууд дэмжээд өгвөл Нийслэл хотын өнгө үзэмжинд сайнаар нөлөөлөх нь дамжиггүй.
-
2016 оны 11 сарын 22
Боловсролын салбарынхан хоёр өдөр чуулна
-
2016 оны 11 сарын 22
ХХААХҮ-ийн сайд Мэргэжлийн хяналтын ерөнхий газарт санал хүргүүлсний дагуу адууг амьдаар нь экспортлохыг түр хугацаагаар буюу 2017 оны хавар хүртэл зогсоожээ. Адууг амьдаар нь гаргахын тулд олон хоног хоолгүй туудаг бөгөөд хүйтний улиралд нүд нь хөлдөх, турж эцэх тохиолдол гардаг ажээ.
Мөн нутагтаа хоргодсон адууг кранаар түлхэж гаргах зэргээр сэтгэл эмзэглэм тохиолдод гардаг байна. Тиймээс ХХААХҮ-ийн сайд МХЕГ-тай зөвшилцөж дээрх шийдвэрийг гаргажээ.
-
2016 оны 11 сарын 22
Цахимаар газар өмчлөхийг ирэх оноос зогсоохоор болжээ. Тэрээр иргэд өөрсдийн өмчлөх гэж буй газрын байршил, хүсэлтийг өөрийн биеэр очиж өгөхөөр болжээ.
Нийслэлийн Засаг дарга бөгөөд Улаанбаатар хотын захирагч С.Батболд өнгөрөгч наймдугаар сард цахим газар өмчлөлийн системийг бүртгэлийн журамд шилжүүлэх захирамж гаргасан билээ. Уг захирамжийн дагуу ирэх оны нэгдүгээр сарын 1-ний өдрөөс эхлэн иргэд цахимаар газар өмчлөхгүй юм байна.
-
2016 оны 11 сарын 22
Бүгд Найрамдах Солонгос Улсад Хөдөлмөрийн гэрээгээр явах хүсэлтэй иргэдийг бүртгэж, урьдчилгаа болон виз гарсны дараа мөнгө авч байгаа тухай зар мэдээ цахим мэдээллийн хэрэгслээр цацагдсантай холбогдуулан иргэдийн зүгээс тус яаманд хандан энэ асуудлаар тодруулга авах хүсэлт ирүүлээд байна. Үүнтэй холбогдуулан иргэдэд дараах мэдээлэл, анхааруулгыг хүргэж байна.
Монгол Улс нь БНСУ-ын ”Гадаадын иргэдийн хөдөлмөр эрхлэх зөвшөөрөл олгох тогтолцоо”-ны дагуу хоёр улсын Засгийн газар хооронд байгуулсан Харилцан ойлголцлын санамж бичгийн хүрээнд БНСУ-д ажиллах хүч илгээх үйл ажиллагааг удирдан зохион байгуулж байна.
Хоёр улсын Засгийн газар хооронд байгуулсан Санамж бичгийн дагуу БНСУ руу ажиллах хүч илгээх үйл ажиллагааг монголын талаас Монгол Улсын Засгийн газрын хэрэгжүүлэгч агентлаг Хөдөлмөр, халамжийн үйлчилгээний ерөнхий газар, солонгосын талаас БНСУ-ын Аж үйлдвэрийн хүний нөөцийн хэрэг эрхлэх газар удирдан зохион байгуулж байгааг албан ёсоор мэдэгдэж байна.
Иймд аливаа аж ахуй нэгж байгууллага болон хувь хүмүүсийн зүгээс БНСУ руу Хөдөлмөрийн гэрээгээр богино хугацаанд явуулж өгнө гэх зар тарааж, бүртгэж байгаа нь хууль бус болохыг иргэдэд АНХААРУУЛАН СЭРЭМЖЛҮҮЛЖ байна.
