-
2015 оны 4 сарын 21
Өнөөдөр 11.00 цагаас ой хээрийн түймэрт нэрвэгдсэн Дорнод, Сүхбаатар, Хэнтий аймгууд руу тусламжийн цувааг яаралтай хөдөлгөх болсон талаар мэдээлэл хийнэ. Хэвлэлийн хуралд УИХ-ын гишүүн Ч.Улаан, МАХН-ын дэргэдэх төрийн бус байгууллагууд болон нарийн бичгийн дарга нар оролцоно. Хурал МАХН-ын төв байранд болно.
-
2015 оны 4 сарын 21
Энэ оны төсөвт цалин тэтгэврийг нэмэх зорилгоор 130 тэрбумыг суулгаж, цагаан сарын өмнө тэтгэвэр, тэтгэмжийг нэмсэн. Тэгвэл ирэх сараас төрийн албан хаагчдын цалинг нэмэх асуудлыг Хөдөлмөр нийгмийн гурван талт хэлэлцээрийн дунд ярилцаж байгаа аж.
-
2015 оны 4 сарын 21
ГССҮТ-ийн Түлэнхий, нөхөн сэргээх мэс заслын тасгийнхан энэ онд Авсрали улсын “Интер пласт” олон улсын байгууллагатай хамтран ажиллах гэрээ байгуулсан юм.
-
2015 оны 4 сарын 21
“Буянт-Ухаа 1” хороолол дэх60 хүүхдийн хоёр цэцэрлэгийг дуудлагаар худалдах гэж байгаа тухай асуудал олны анхаарлыг татаж байна. Хүүхдүүд цэцэрлэгт явж чадахгүй гэртээ түгжигдэж байхадТөрийн орон сууцны санхүүжилтын корпорациас ийм шийдвэр гаргах ямар шалтгаан байв. “Буянт-Ухаа 2” хорооллын цэцэрлэг, сургуулийг ч мөн ингэж дуудлагаар худалдах юм биш биз. Дуудлагаар худалдагдсан цэцэрлэгийн барилгыг зориулалтын дагуу ашиглаж чадах уу гэх мэт олон асуулт уг асуудлын хүрээнд гарч байгаа юм. Энэ бүх асуултад албаны хүн ингэж хариуллаа.
-
2015 оны 4 сарын 21
Ой, хээрийн түймрийн нөхцөл байдал болон түймрээс урьдчилан сэргийлэх, тэмцэх талаар авч хэрэгжүүлж байгаа арга хэмжээний талаар өнөөдөр ОБЕГ-ын дэд дарга, онцгой байдлын хурандаа Г.Ариунбуян, Улсын Онцгой комиссын нарийн бичгийн дарга, онцгой байдлын хурандаа М.Энх-Амар, Гал түймэртэй тэмцэх газрын дарга, онцгой байдлын хурандаа С.Залуухүү нар сэтгүүлчдэд мэдээлэл хийлээ.
-
2015 оны 4 сарын 21
Сүхбаатар аймгийн Уулбаян сумын малчин н.Баяржаргалын хотонд дөрвөн ихэр ишиг төржээ.
-
2015 оны 4 сарын 21
ОБЕГ-ын даргын тушаалаар тус албаны алба хаагчдын гэнэтийн ослын болон улсын нөөцийн хөрөнгийн даатгалын сонгон шалгаруулалтыг хийв. Сонгон шалгаруулалтаар алба хаагчдын гэнэтийн ослын даатгалыг “МИГ даатгал”, “Соёмбо даатгал ” хийхээр болсон бол улсын нөөцийн хөрөнгийг эдгээр компаниудаас гадна нэмэгдэж “Хаан даатгал” хариуцахаар шалгарчээ.
-
2015 оны 4 сарын 21
Сурвалжлага: Алслагдсан хороодод бяцхан хүүхдүүд тог цахилгаангүй, хогны шатсан униарт аж төрж байна
Баянзүрх дүүргийн 19 хороонд нийтийн тээвэр, үйлчилгээ, цэцэрлэг , сургуулиасаа алслагдсан маш олон айл байна. 5000 гаруй хүүхэд цэцэрлэг, сургуулиас завсардаж, хэд хэдэн айлууд үерт өртөх магадлал тун өндөр байгаа юм.
Тэр бүү хэл алслагдсан айлууд газрын зөвшөөрөлгүй, гэрэл цахилгаангүй 1-5 жил болж байгааг ч энд дурдах нь зүйтэй биз ээ. Цагаан давааны хог, шатаж буй хогны униар утаанд, ямар ч гэрэл цахилгаангүйгээр бяцхан хүүхдүүд өсөж торниж байгаа нь манай сурвалжлах багийг эмзэглүүлж орхилоо. Тиймээс тэдгээр айлуудын асуудлыг холбогдох байгууллагууд тэр дундаа Нийслэлээс хэрхэн анхаарч, хяналт тавьж байгааг сурвалжилсан юм. Мөн бүтээн байгуулалтын ажил хэрхэн үр дүнтэй хийгдэж байгааг бодит байдал дээрээс сурвалжиллаа.
-“Гашуун” өдрийг дахин давтахгүйн төлөө Нийслэлээс 9.7 тэрбумийн далан бариулж эхэлжээ-
2009 оны тэр гашуун өдрийг хүн бүхэн санаж байгаа биз ээ. Аймшигт үер болж олон хүн хорвоогийн мөнх бусыг үзэж, олон ч хүүхэд өнчирж хоцорч байсан. Нөхөж баршгүй гай зовлон үерийн аманд байрласан айлуудад нүүрлэсэн. Магадгүй тэднийг буруутгах хүмүүс байх ч тэд амьдрахын тулд тийм л аюултай замыг сонгосон гэдгийг ойлгох биз ээ.
Харин тэр “гашуун” бүхнийг дахин давтуулахгүйн тулд үерийн далан барьж, суваг шуудуу татах ажил нэн чухал байгаа. Мөн үерийн аманд буусан айлуудыг нүүлгэж шилжүүлэх ажлыг тухайн нутаг дэвсгэрийн холбогдох байгууллагууд, алба хаагчид хийж гүйцэтгэх шаардлагатай байгаа билээ.
Бидний гол “бай” болсон Баянзүрх дүүргийн 19-р хороонд үерийн хамгаалалт байгуулах ажил нийслэлийн төсөвт тавигдаад тодорхой хугацаа өнгөрчээ. Гүйцэтгэл хийх явцад хүндрэлтэй зүйлүүд тулгарч байгааг ч албаныхан үгүйсгэсэнгүй. Тухайлбал газар чөлөөлөх асуудлууд хөндөгдсөөр байгааг холбогдох албаныхан хэлж байна.
Үерийн далангийн төслийг хэрэгжүүлж буй “MMJ Capital” ХХК-ийн инженер Н.Аюушжаваас зарим зүйлийг тодрууллаа.
-Үерийн далангийн ажил аль шатандаа явж байна. Гарч байгаа хүндрэл бэрхшээлийн талаар тодорхой хариулт өгөөч?
-2010 онд зураг нь гарч, 2011 оны дундуур эхэлсэн дөрөв дэх жилдээ хэрэгжиж байгаа төсөл. Нийтдээ гурван суваг бий. Нэгдүгээр суваг дээр орон сууцны барилга барьчихсан. Үүнийг шийдэхгүй байсаар байгаад удааширсан. Энэ ажлыг өнгөрсөн жил хийгээд хараахан дуусаагүй байна. Хоёрдугаар далан үргэлжилж бэхэлгээ хийгдэж, айлын хашааруу тэгширч орох ёстой. Энд далан чөлөөлж айл нүүхгүй байгаа асуудал ч байна. Гэхдээ энэ сувгийн хувьд долоо хоногийн ажил үлдсэн. Харин нэгдүгээр сувгийн хувьд газар чөлөөлөх асуудал шийдэгдэхэд л болно Гуравдугаар сувгийн тухайд ажил дууссан. 2009 онд болсон үерээр хүний амь эрсэдсэн. Улмаар 2010 онд үүнийг шийдэхээр төслөө эхлүүлсэн. Нийтдээ 14.3 км далан барих ажил явж байна.
-Замын хоёр тал дахь тэгш биш амьдрал-
Баянзүрх дүүргийн 19 дүгээр хорооны оршин суугчид, Баянзүрх дүүргийн 22-р хорооны оршин суугчидтай замын наана, цаана төвхнөжээ. Гэвч 19-р хорооны иргэд тог цахилгаантай, гудамжны гэрэлтүүлэгтэй, харин 22-р хорооны иргэд юу юу ч үгүй сууж байх юм.
Энэ ямар учиртайг Баянзүрх дүүргийн 19-р хорооны засаг дарга Ж.Батцэнгэлээс тодруулахад “22-р хорооны айлууд цэргийн ангийн тусгай хэрэгцээний газар дээр зөвшөөрөлгүй буусан. Энэ айлуудын зөвшөөрөл, газар эзэмших өмчлөх асуудал шийдэгдээгүй. Ийм нөхцөлд эдгээр айлуудын нийгмийн дэд бүтэц болох ус, худаг, тог, цахилгаан зэрэг төрийн үйлчилгээг үзүүлэх боломжгүй. Тэд газрын асуудлаа шийдчихвэл бусад зүйл асуудалгүй” гэх тайлбарыг өгөв.
Харин газрын зөвшөөрөлгүйгээсээ болоод төрийн үйлчилгээг авч чадахгүй байгаа иргэдийн тухайд “Бид Баянзүрх дүүргийн газрын албанд хэд хэдэн удаа очиход Цэргийн ангиас зөвшөөрөл ав гэсэн. Ингээд цэргийн ангийн дэд хурандаатай уулзахад “20-30 айл байгаа би мэдэж байгаа. Үүнийг манай анги дангаараа шийдэж чадахгүй, яам шийднэ” гэсэн. Гэтэл яамнаас хариу гарсан зүйл байхгүй. Ингээд нэгэнрүүгээ түлхэсээр олон жилийг үзлээ. Эндэхийн айлууд 19-р хорооны айлуудаас тог гуйж өндөр үнээр авдаг. Айлууд нь дуртай үедээ тасалж, дуртай үнээ хэлдэг. Манайх энд амьдраад 5-6 жил болж байна” гэлээ.
-Алслагдсан айлууд шинэ замтай болж баярласан ч асуудал мундахгүй нь-
Баянзүрх дүүргийн 19-р хорооны иргэн Ариунаа шинэ замын асуудлаар ингэж ярьж байна.
““Өргөн говь” компанийн туслан гүйцэтгэсэн эл замын чанар муу байна. Мөн явган хүний зам байхгүй нь оршин суугчдын бухимдлыг төрүүлж байна. Гэрэл цахилгаан гэж байхгүй. Гудамжны гэрэлтүүлэг ч алга. Цагаан давааны хог байнга шатаж, өвөл зунгүй иргэдийг утаанд байлгаж байна.
Явган хүний зам муу, дээрээс нь шуудуу тавина гэж байгаа. Шуудуу тавиад эхлэхээр иргэдийг хашаа, байшин эвдэрч шахагдах зэрэг асуудлууд гарч ирнэ. Тэгэхээр зам барих гэж байгаа нэрийдлээр иргэдийн өмч хөрөнгөд халдаж хохироохгүй байх хэрэгтэй байна” гэв.
Дашрамд хэлэхэд, 2004, 2008, 2012 онд нэр дэвшиж байсан УИХ-ын гишүүд уг замыг барьж өгнө гэж иргэдэд амалдаг байжээ. Гэвч баригдахгүй байсаар 2012 онд Нийслэлийн иргэдийн төлөөлөгчөөр сонгогдсон Ж.Амарсанаагийн санаачлагаар Нийслэлийн төсвийн хөрөнгө оруулалт болох 1 тэрбум төгрөгөөр 1.2 км зам хийгдсэн аж.
-Алслагдаж, үеийнхнээсээ мөр дутуу яваа хүүхдүүд шинэхэн цэцэрлэг, сургуулиа тэсч ядан хүлээж байна-
Баянзүрх дүүргийн 19-р хороонд сургууль цэцэрлэгийн асуудал асар хүнд байдаг аж. Харин энэ жил, ирэх намар гэхэд алслагдсан хороодын хүүхдүүд будаг ханхалсан шинэхэн цэцэрлэг, сургуульдаа орохыг тэсэн ядан хүлээж байгааг эцэг эхчүүдийн зүгээс бидэнд хэллээ. Тиймээс бид сургууль, цэцэрлэгийн барилгын явцтай танилцахаар төв замаасаа нэлээн хол, ёстой л “алслагдсан” хүүхдүүдэд зориулан барьж буй сургууль, цэцэрлэгийн цогцолбор дээр ирэв.
45 орчим ажилчид хүүхэд, багачуудын төлөө амсхийх завгүй ажиллаж байгаа дүр зураг биднийг угтав. Барилгын ажлын ирэх хичээлийн жил гэхэд дуусгахаар ажилчид ажилдаа ханцуй шамлан оржээ.
Ингээд сургууль цэцэрлэгийн асуудлыг хөндөж, шаардлагатай төсвийн тусгуулж өгсөн НИТХ-ын төлөөлөгч Ж.Амарсанаагаас барилгын ажлын талаар тодруулахад “Манай тойрог дээр бага сургууль цэцэрлэгийн цогцолбор гэсэн бүтээн байгуулалт тавигдсан. Үүнийг бид бүхэн нийслэлийн төсөв дээр оруулсан. 19-р хороо бол сургууль, цэцэрлэг байхгүй газар. Тэгэхээр сургууль цэцэрлэггүй хорооны хүүхдүүдийг сургууль цэцэрлэгтэй болгох тэр төсвийг нь суулгаж өгсөн байгаа. Бүтээн байгуулалтын ажил сайн явагдаж байна. Одоогийн байдлаар 300 сая төгрөгний санхүүжилт хийгдсэн. Суурь нь тавигдаад нэгдүгээр давхар луугаа орчихсон байна. Энэ зундаа багтаагаад дуусгахыг хичээж ажиллах хэрэгтэй байна. Барилга барьж байгаа гүйцэтгэгч компанийн хүмүүст есдүгээр сараас өмнө дуусгах хэрэгтэй байгаагаа уламжиллаа.Уг цэцэрлэг, сургуулийн цогцолбор баригдвал 1000 гаруй хүүхэд цэцэрлэгт хамрагдана. Гэр цэцэрлэгээс гадна орчин үеийн тохилог цэцэрлэг, сургууль барихаар ажиллаж байгаа юм” гэв.
Баянзүрх дүүргийн 19 хороонд нийтийн тээвэр, үйлчилгээ, цэцэрлэг , сургуулиасаа алслагдсан маш олон айл байна. 5000 гаруй хүүхэд цэцэрлэг, сургуулиас завсардаж, хэд хэдэн айлууд үерт өртөх магадлал тун өндөр байгаа юм.
Тэр бүү хэл алслагдсан айлууд газрын зөвшөөрөлгүй, гэрэл цахилгаангүй 1-5 жил болж байгааг ч энд дурдах нь зүйтэй биз ээ. Цагаан давааны хог, шатаж буй хогны униар утаанд, ямар ч гэрэл цахилгаангүйгээр бяцхан хүүхдүүд өсөж торниж байгаа нь манай сурвалжлах багийг эмзэглүүлж орхилоо. Тиймээс тэдгээр айлуудын асуудлыг холбогдох байгууллагууд тэр дундаа Нийслэлээс хэрхэн анхаарч, хяналт тавьж байгааг сурвалжилсан юм. Мөн бүтээн байгуулалтын ажил хэрхэн үр дүнтэй хийгдэж байгааг бодит байдал дээрээс сурвалжиллаа.
-
2015 оны 4 сарын 21
Говь-Алтай аймагт сүүлийн хоёр хоногт дөрвөн сумын нутаг дэвсгэрт галзуу өвчний долоон тохиолдол бүртгэгджээ.
-
2015 оны 4 сарын 21
Монгол орны ихэнх гол, мөрөн, нуур битүү мөсөн бүрхүүлтэй байгаа хэдий ч урин дулаан цаг ирж буйтай уялдаад гол
-
2015 оны 4 сарын 20
“Дэм дэмэндээ дээс эрчиндээ” гэж сайхан үг бий. Зүүн аймгуудад гарсан ой, хээрийн түймрийн улмаас учирсан хохирлын хэмжээ нэмэгдэх хандлагатай байна.
-
2015 оны 4 сарын 20
Эмнэлгийн тоног төхөөрөмжийн инженер, техникч нарт зориулсан “Рентген төхөрөмжийн хөгжил 2015” сэдэвт сургалтыг МХЕГ, ЭМХТ, Эйч энд Эйч ХХК хамтран 2015 оны 4 дүгээр сарын 18-ны өдөр зохион байгуулж, сургалтанд нийслэл орон нутаг дахь бүх шатлалын эрүүл мэндийн байгууллагаас 174 инженер техникийн ажилтан оролцлоо.
-
2015 оны 4 сарын 20
Хилчид түймэртэй тэмцэж байна
-
2015 оны 4 сарын 20
Тариат сумын иргэн Л.Баттөр ахлагчтай иргэдийн бүлэг Тэрхийн Цагаан нуурын дунд толгойд үүрлэсэн хар галууны 3200 ангаахайг хөнөөжээ.
-
2015 оны 4 сарын 20
Дархан чиглэлийн замд осол их гардаг 9 цэг байна
-
2015 оны 4 сарын 20
Нийслэлийн удирдах ажилтнуудын ээлжит шуурхай зөвлөлгөөн боллоо. Энэ үеэр дүүргийн Засаг дарга нар өнгөрсөн 14 хоногийн нөхцөл байдлын талаар болон тулгамдаж буй асуудлуудаа танилцууллаа.
Нийслэлийн нийт дүүрэгт гарсан гэмт хэргийн болон захиргааны зөрчил өмнөх 14 хоногтой харьцуулахад Налайх, Сүхбаатар дүүрэгт өссөн, бусад дүүрэгт буурсан үзүүлэлттэй байна. Гарсан зөрчил болон гэмт хэргийг хариуцсан ажилтнууд тухай бүр нь арга хэмжээ авч, шуурхай шийдвэрлэж ажиллажээ. Мөн өмнөх шуурхай зөвлөлгөөн дээр холбогдох албаныханд нийслэлийн Засаг даргаас өгсөн үүрэг, даалгаврын биелэлтийг танилцууллаа. Тухайлбал,
“Улаанбаатар форум 2015” бизнес чуулга уулзалтыг 2015 оны 04 дүгээр сарын 15-ны өдөр Нийслэлийн нутгийн захиргааны байгууллагууд болон НЗДТГ зохион байгуулан оролцсон бөгөөд чуулганд төр болон хувийн хэвшлийн 1000 гаруй төлөөлөл оролцож Улаанбаатар хотын хөгжлийн төлөө түншлэлийн тунхагийг баталсан байна.
Нийслэлийн Боловсролын газар, Монголын Оюутны холбоо, Монголын Сурагчдын холбооны дарга, ерөнхийлөгч нартай уулзалт зохион байгуулан төгсөлтийн арга хэмжээг оюутан, сурагчдын дунд “Эрдмийн баяр” болгон зохион байгуулах талаар саналыг авч, хамтарсан удирдамж гаргасан байна.
2015 оны 04 дүгээр сарын 07-09-ны өдрүүдэд Нийслэлийн 9 дүүргийн 30 хорооны нутаг дэвсгэрт байрлах 48,6 км үерийн далан сувгийн цэвэрлэгээг 15 байгууллага, 523 хүн, 20 техник хэрэгсэлтэй нийт 69,5 тн хог хаягдлыг цэвэрлэж үерийн далангаар ус чөлөөтэй урсах нөхцлийг бүрдүүлэн ажилласан.
НЗД-ын А/173 дугаар захирамжийн хүрээнд нийслэлийн Онцгой байдлын газар, Байгаль орчин, ногоон хөгжлийн газартай хамтран нийслэлийн ногоон бүсэд үйл ажиллагаа явуулж байгаа аж ахуйн нэгж, байгууллагад ой, хээрийн түймрээс урьдчилан сэргийлэх шалгалт, ногоон бүс хариуцсан байгаль хамгаалагч нарын бэлтгэл бэлэн байдалд шалгалт хийж, зөрчлийг арилгуулж ажиллажээ.
Харин Улаанбаатар хотын Захирагчийн ажлын алба Улаанбаатар хотын Ерөнхий менежерийн А/40 дугаар тушаалын дагуу 04 дүгээр сарын 18-ны өдөр буюу өнгөрсөн бямба гарагт нийслэлийн хэмжээнд бүх нийтийн их цэвэрлэгээг зохион байгуулжээ. Бүх нийтийн их цэвэрлэгээнд нийслэлийн төвийн 6 дүүргийн оролцсон байдал болон тоон мэдээллийг танилцууллаа. Цэвэрлэгээнд 9111 төрийн болон хувийн хэвшлийн байгууллага оролцжээ. Үүнээс төрийн 513 байгууллагын 6564 албан хаагчид, бизнесийн чиглэлээр үйл ажиллагаа явуулдаг 7442 байгууллагын 16422 иргэн, 108 ерөнхий боловсролын сургуулийн 6337 багш, ажилчид, 68 их, дээд сургуулийн 4250 оюутан, багш, 163 цэцэрлэгийн 2351 багш, ажилчид, 602 СӨХ-ийн 7088 иргэд, ажилчид, бусад 3484 байгууллагаас нийт 43000 иргэн цэвэрлэгээнд оролцжээ. Цэвэрлэгээгээр 3 сая 407 мянган м2 талбайг цэвэрлэн, 590 удаагийн рейс хийж 2511 тонн хог хаягдлыг ачуулжээ. Мөн энэ үеэр 3000 оюутан Чингисийн талбайг угаасан бол Улаанбаатар нэгтгэлийн ажилчид бусад оюутнуудтай хамтран автобусны буудлууд, гэрлийн шон, нийтийн эзэмшлийн хайс хашлагуудыг угааж цэвэрлэжээ.
-
2015 оны 4 сарын 20
ЗЭВСЭГТ ХҮЧНИЙХЭН ТҮЙМРИЙН ГОЛОМТОД АЖИЛЛАЖ БАЙНА
ОБЕГ-ын даргын гаргасан хүсэлтийн дагуу ЗХЖШ-ын дарга тушаал гаргаж, ой, хээрийн түймэртэй тэмцэх ажилд энэ сарын 12-ны өдрөөс эхлэн Зэвсэгт хүчний 327, 338 дугаар ангийн цэргийн алба хаагчид оролцож байна. Тухайлбал, Сүхбаатар аймгийн “Баруун тариа” бригадын чиглэлд Зэвсэгт хүчний 338 дугаар ангиас 115 хүн, 6 нэгж техниктэй, Зэвсэгт хүчний 327 дугаар ангийн 1 дүгээр бүлэг Дорнод аймгийн Баян-Уул сумын чиглэлд 96 хүн, 7 нэгж техниктэй, 2 дугаар бүлэг мөн аймгийн Эрээнцав, Чулуун хороот, Дашбалбар сумын чиглэлд 94 хүн, 6 нэгж техниктэйгээр нийт 305 офицер, ахлагч, хугацаат цэргийн алба хаагч, ажилчин албан хаагчид 19 нэгж техниктэйгээр гал түймрийн бүсэд үүрэг гүйцэтгэж байгаа аж. Цаашлаад Зэвсэгт хүчний 303, 337 дугаар ангийн 4 нэгж нисдэг тэрэг тусгай захиалгат нислэг үйлдэхэд бэлэн байгаа юм байна. Хурандаа Т.Энхтөрөөр ахлуулсан Холбооны шуурхай бүлэг энэ сарын 18-ны өглөө Сүхбаатар аймгийн Сүхбаатар сумын 9 дүгээр багийн нутагт хүрэлцэн очиход, Зэвсэгт хүчний 338 дугаар ангиас томилогдсон, дэд хурандаа Гантөмөрийн ахалсан бүлэг 20 гаруй километр өргөн газрыг хамарсан түймрийг цурманд оруулж, 4 бүлэг эргүүл хийж байжээ.
Зэвсэгт хүчний 327 дугаар ангиас Дорнод аймгийн Баян-Уул, Дашбалбар сумдын чиглэлд томилогдсон түймэр унтраах бүлгүүдэд тус ангийн шуурхай бүлгийн “Р-142Н” команд штабын машин 2 иж бүрдлийг томилгоожуулан давтамжийг өгч, харилцан ажиллагааг тасралтгүй хангаж байна. Дашрамд тэмдэглэхэд, ЗХЖШ, ОБЕГ-ын даргын 2009 оны хамтарсан тушаалаар батлагдсан “Гамшгийн үед Зэвсэгт хүчний Ерөнхий зориулалтын цэргээс дэмжлэг үзүүлж, хамтран ажиллах чиглэл” баримт бичгийн дагуу Зэвсэгт хүчний анги, байгууллагаас төрөлжүүлэн томилгоожуулсан бүлэг, нэгж техникүүдийг үүрэг гүйцэтгүүлэх боломжтой гэж үзэж байна.
Энэ сарын 20-ны өглөө Дорнод аймгийн Баян-Уул сумын Засаг дарга Доржтой холбогдож, түймрийн нөхцөл байдлыг тодруулахад, тэрээр түймрийн талаар товч мэдээ өгч, Зэвсэгт хүчний бие бүрэлдэхүүнд талархаж буйгаа давхар илэрхийлсэн юм.
-
2015 оны 4 сарын 20
ХУД-ийн хороо бүрт хэлэлцүүлгүүд боллоо
-
2015 оны 4 сарын 20
Хан-Уул дүүрэгт баригдаж буй “Жигүүр гранд”-ын барилга дээрээс 40 орчим насны хүн унаж, амь насаа алджээ.
-
2015 оны 4 сарын 20
“Монгол шуудан” компаний захирал Ц.Батсайханыг хууль бусаар халах шийдвэрийг гаргаж, оронд нь мэргэжлийн бус хүнийг даргын суудалд томилохоор зэхэж байна хэмээн шууданчид үзэж байгаа.
