-
2016 оны 4 сарын 20
Перу улсад Зика вирүст халдвар бэлгийн замаар дамжсан анхны тохиолдлыг мэдээлжээ. Тэрээр 32 настай эмэгтэй бөгөөд ямар нэгэн улсруу аялаагүй, харин нөхөр нь Венесуэл улсад аялаад ирсэн гэжээ.
Мөн шинэ Гвиней улсад лабораторид суурилсан тандалтын эргэмж судалгаагаар Зика вирүст халдварын 6 тохиолдлыг илрүүлжээ.
Дашрамд дурьдахад, ирэх он гэхэд 3-4 сая хүн вирусын халдвар авч болзошгүй гэж ДЭМБ тооцоолжээ. Одоогоор дэлхийн 32 оронд халдвар бүртгэгдээд байна: Барбодос, Ботив, Бразил, Колумб, Мексик, Панам, Тайланд, Малайз, Филиппин, Малдивын арлууд зэрэг болно.
-
2016 оны 4 сарын 20
Талибан бүлэглэлийн зэвсэгт этгээдүүд Афганистаны нийслэл Кабул хотноо байрлах засгийн газрын аюулгүй байдал хариуцсан байгууллагын төв байр луу халдлага үйлдлээ. Халдлагын улмаас маш олон хүн амь үрэгдсэн бөгөөд одоогоор тоо хэмжээг нь тогтоох боломжгүй байгаа талаар тус улсын Дотоод Яамнаас мэдэгдэж байсан бол амь үрэгдэгсдийн тоо 28-д хүрсэн талаар Кабул хотын цагдаагийн дарга, генерал Абдул Рахман Рахими мягмар гаригийн үдэш мэдээлсэн байна. Уг мэдэгдэлд мөн амиа золиослогч этгээд тухайн газарт дэлбэрэлт үйлдсэний дараагаар зэвсэгт этгээдүүд гал нээж эхэлсэн талаар мэдээлсэн байна. Афганистаны Нийгмийн Эрүүл Мэндийн сайд Исмайл Кавасигийн хэлснээр халдлагын улмаас шархдаж, бэртэж гэмтсэн 208 хүн эмнэлэгүүдэд хүргэгдэж ирсэн байна. Люксембургт үргэлжлэн явагдаж байгаа Европын Холбооны Гадаад Хэргийн Зөвлөлийн уулзалтын үеэр еврокомиссар Федерика Могерини Кабулд халдлага гарсанд харамсаж байгаагаа илэрхийлсэн байна.
-
2016 оны 4 сарын 20
Батлан хамгаалах салбарын үзэсгэлэн яармаг нээгдлээ
-
2016 оны 4 сарын 20
Сирийн асуудлаарх НҮБ-ын тусгай төлөөлөгч Стаффан Де Мистура Женев хотноо үргэлжлэн явагдсан Сирийн энхийн асуудлаарх яриа хэлэлцээний талаар ерөнхий мэдэгдлийг хийлээ. Тэрээр Сирийн Алеппо-д гал зогсоох гэрээг зөрчин, дайтаж эхлээд байгаа явдлын дараагаар тус улсын сөрөг хүчнийхэн Женевт явагдаж байгаа энхийн яриа хэлэлцээнд оролцох хугацаагаа хойшлуулахаар болсныг энэ үеэр зарлан мэдэгдлээ. Сөрөг хүчнийхний зүгээс Аллепод дайтаж эхлээд байгаа явдлыг Сирийн засгийн газар гал зогсоох гэрээг зөрчлөө гэж үзэж байгаа юм. Гэхдээ сөрөг хүчний төлөөлөгчид Сирийн улс төрйн шилжилтийн талаарх ”техникийн асуудлын” яриа хэлэлцээнд оролцох зорилгоор Женевт үлдэхээр болсон бөгөөд энхийн бусад яриа хэлэлцээ үргэлжлэн явагдах болно хэмээн Стаффан Де Мистура хэлсэн байна. Мөн эдгээр өдрүүдэд асуудлыг хэт улс төржүүлэхгүйгээр, бодитой бөгөөд нухацтай хандахыг онцолжээ.
-
2016 оны 4 сарын 20
Ассошиэйтед Пресс агентлаг 2016 оны Пулитцерийн шагнал хүртсэн байна. Уг нэр хүндтэй шагналын сэтгүүлзүйн салбарын нийгмийн сайн сайхны төлөө гэсэн төрөлд бичсэн нийтлэлээрээ шилдгээр шалгарсан тухай өчигдөр АНУ-ын Нью-Йорк хотноо албан ёсоор зарлан танилцууллаа. Ассошиэйтед Пресс агентлагийн сэтгүүлч Маржи Мэйсон, Робин МакДауэлл, Марта Мендоза, Эстер Хтусан нар Мьянмар гэх мэт зүүн өмнөд Азийн улс орнуудын олон зуун эрэгтэйчүүд Индонезийн нэгэн арал дээр орших тосгонд торонд хоригдон, хүчээр хөдөлмөр эрхлэж байсан талаар бичсэн цуврал сурвалжлага, мэдээ, нийтлэлээрээ Пулитцерийн шагналыг хүртжээ.
-
2016 оны 4 сарын 19
ОХУ шууд яриа хэлэлцээр явуулахыг уриаллаа
-
2016 оны 4 сарын 19
Даваа гаригт Йерусалим хотын төвд автобус дэлбэрч, үүний улмаас 15 хүн шархадсан талаар Израйлийн онцгой байдлын албанаас мэдээлсэн байна. Энэхүү үйл явдал нь палестины амиа золиослогчид тус хотод дахин гарч ирлээ гэсэн айдас, хүйдсийг ард иргэдийн дунд авчраад байна. Дэлбэрэлтийг террорист халдлага байсан хэмээн өчигдөр Йзрайлийн цагдаагийн албанаас шууд мэдэгдсэн ч, дараагаар нь хэргийг бүх талаар шалгаж нягталсны эцэст шийдвэрийг гаргах болно гэсэн байна. Сүүлийн 7 сарын хооронд 28 израйль болон 2 америкийн иргэн палестины довтолгоонд амь үрэгдсэн бол цэргийнхний хоорондох зөрчил, мөргөлдөөний үеэр 189 палестинчууд амь үрэгдсэн гэсэн тоо гарчээ.
-
2016 оны 4 сарын 19
Хатан Хааны 90 насны төрсөн өдөр энэ долоо хоногт тохионо
-
2016 оны 4 сарын 19
ОПЕК-ийн чуулга уулзалт зөвшилцөлд хүрч чадаагүй байна
-
2016 оны 4 сарын 19
Бразилд Ерөнхийлөгчийг огцруулах асуудлаар санал хураалт явагдлаа
-
2016 оны 4 сарын 19
2008 оноос хойш зогсоод байсан Франц, Ираны хоорондох шууд нислэг 8 жилийн дараа дахин сэргэлээ. Air France компаний AF 378 онгоц Шарль Де Голийн нисэх онгоцны буудлаас Иран руу шууд нислэг үйлдэн Тегеранд буусан байна. Уг онгоцонд Францын Тээврийн сайд Ален Видалийс бусад бизнесийн байгууллагын төлөөлөгчдийн хамтаар зорчин, Иран улсад хүрэлцэн очсон байна. Air France компаний Ерөнхий захирал Фредерик Гадей дахин сэргээд байгаа хоёр улсын хоорондох шууд нислэгийг ашиг авчрах боломжтой хэмээн сайшаажээ. Ираны эсрэг олон улсын эдийн засгийн хориг арга хэмжээ хэрэгжиж эхэлсэн үе буюу 2008 оноос хойш Парис-Тегераны шууд нислэг зогссон бөгөөд өнгөрсөн жил Ираны цөмийн хөтөлбөрийн түүхэн гэрээ байгуулагдсаны дараагаар энэ оноос эхлэн хоригууд тавигдаж эхлээд байгаа билээ. Тегеран хотын Имам Хумейний Олон Улсын Нисэх Онгоцны Буудал олон улсын нислэг үйлдэн мөн хүлээн авч эхлээд байгаа нь гэрээний хэрэгжилтийн мэдэгдэхүйц илрэл болж байна.
-
2016 оны 4 сарын 18
Энэтхэгт автомашины дугаарын хязгаарлалтын журмын хоёр дахь үе шатыг эхлүүллээ
-
2016 оны 4 сарын 18
Алдартай жүжигчинтэй адилхан болохоор олон удаа мэс засалд орсон бүсгүй
-
2016 оны 4 сарын 18
Эквадорт газар хөдлөлтийн 70 гаруй хүн амь үрэгджээ
-
2016 оны 4 сарын 18
Ромын Пап Францис өнгөрсөн амралтын өдрүүдээр Ойрхи Дорнодын цагаач дүрвэгсдийн Европ руу нэвтрэх гол гарцуудын нэг болох Грекийн Лесбос боомт хотод айлчиллаа. Тэрээр олон мянган цагаач, дүрвэгч иргэнийг хүлээн авч, дэлхийн хүнд хэцүү цаг үед тусламжийн гараа сунган, хүмүүнлэг хандаж байгаад Лесбос хотын оршин суугчид болон Грекийн нийт ард түмэнд чин сэтгэлээсээ талархаж байгаагаа илэрхийлсэн байна. Мөн тэрээр дүрвэгсдийн шилжилт хөдөлгөөнийг зохицуулах нь Европт хүндрэлтэй байгааг ойлгож байгаа хэдий ч дүрвэгчид ч гэсэн бусадтай адил ижил тэгш эрхтэй хүн гэдгийг дэлхий ертөнц тунгаан бодох хэрэгтэйг сануулсан байна. Ромын Пап болон дэлхийн бусад улс орнуудын Үнэн Алдартны Шашны тэргүүн нар Лесбос боомтод орогнож байгаа цагаач нар болон мөн Европ руу дүрвэх замдаа Эгийн тэнгист амь үрэгдсэн нийт цагаач, дүрвэгч иргэдэд зориулж мөргөл үйлдэн, залбирсан байна. Мөн амь үрэгдэгсдийн дурсгалыг хүндэтгэн, нэг хором дуугүй зогссон байна. Ромын Пап Францис Грекээс нутаг буцахдаа тус арал дээр орогнож байсан Сирийн 12 дүрвэгч иргэнийг хувийн онгоцоороо Итали руу авч явсан байна.
-
2016 оны 4 сарын 17
Хулгайлагдсан уран зургууд олджээ
-
2016 оны 4 сарын 17
Алдарт “Christian Louboutin” брэнд шинэ коллекцоо танилцууллаа. “Nudes collection” хэмээн нэрлэгдээд байгаа шинэ цуглуулганд олон төрлийн өнгөний сонголт бүхий шаахайнууд багтжээ. Өндөр өсгийгүй, хөлд эвтэйхэн ч загварлаг гуталнууд энэ хавар, зуны шинэ чиг хандлагыг тодорхойлох ажээ. Энэхүү цуглуулгад багтсан гуталнуудыг хүний арьсны өнгөтэй яг адилхан байхаар бүтээсэн байна. Ингэхдээ ямар ч хүний арьсны өнгөнд зохицох олон өнгийн сонголттойгоор үйлдвэрлэж эхэлжээ. Өөрөөр хэлбэл “Nudes collection”-д багтсан гуталнууд яг адилхан загвартай хэдий ч өнгөний хувьд арвин сонголттой байх юм байна. Хүн арьстайгаа ижил өнгийн гутал өмссөнөөр урт хөлтэй харагддаг давуу талтай учир бүсгүйчүүд шаргал өнгийн өндөр өсгийтүүдийг сонгох болсон билээ. Гэвч цайвар шаргал өнгийн гуталнууд өнгөт арьстай бүсгүйчүүдийн арьсны өнгөнөөс ялгардаг юм. Тиймээс л “Christian Louboutin” брэнд бүхий л эмэгтэйчүүдийн сонголтонд нийцэх шинэ бүтээгдэхүүнийг үйлдвэрлэж эхэлжээ.
-
2016 оны 4 сарын 17
Латин Америкийн Колумб улсад микроцефали буюу толгой жижигрэх өвчтэй 2 хүүхэд төрсөн талаар тус улсын засгийн газрын хэрэгжүүлэгч агентлаг болох Эрүүл Мэндийн Үндэсний Төвөөс өчигдөр албан ёсоор мэдэгдлээ. Энэ жил тус улсад микроцефали өвчн
-
2016 оны 4 сарын 15
АНУ-ын нийслэл Вашингтон хотноо Дэлхийн Банк болон ОУВС-ийн хаврын цуврал уулзалтууд үргэлжилсээр байна. Уг арга хэмжээний хүрээнд пүрэв гаригт болсон хэвлэлийн бага хурлын үеэр Дэлхийн Банкны Ерөнхийлөгч Жим Ён Ким дэлхийн эдийн засгийн хямрал үргэлжилнэ хэмээн хэлсэн байна. Тэрээр дэлхийн эдийн засгийн өнөөгийн нөхцөл байдал маш сул байгааг онцлоод, Панамын баримт бичгүүдтэй холбоотой асуудлууд урган гарч ирсэн нь эдийн засгийн хямрал болон ядуурлыг үргэлжлүүлэхэд хүргэж байна гэжээ. Мөн цагаач дүрвэгсдийн хямрал, уур амьсгалын өөрчлөлт болон халдварт өвчин зэрэг нь дэлхийн эдийн засгийг эрсдэлд оруулах шалтгаан болж байгаа талаар анхааруулсан байна.Жим Ён Ким ”Дэлхийн эдийн засгийн өсөлтийг 2.9 хувь гэж харж байсан төсөөллөө 2.5 болгож бууруулаад байна. Дэлхийн эдийн засгийн өсөлт удаашралд ороод байгаа энэ үед бидэнд дүрвэгсдийн шилжилт хөдөлгөөн, уур амьсгалын өөрчлөлт, халдварт өвчин зэрэг сорилтууд давхар тулгарч байна. Эдгээр нь дэлхийн эдийн засгийг эрсдэлд оруулах гол шалтгаан болж байгаа гэдгийг би энд онцлон хэлэхийг хүссэн юм” гэжээ.
-
2016 оны 4 сарын 15
Ким Ил Суны мэндэлсний 104 жилийн ойн баярыг тэмдэглэж байна
