Аюулт үзэгдэл, ослын тохиолдол 2024 онд 5118 удаа бүртгэгджээ. Энэ нь өмнөх оноос 634-өөр буюу 14.1 хувиар өссөн үзүүлэлт аж. Тохиолдсон аюулт үзэгдэл, осолд 2024 онд нийт 6628 хүн нэрвэгджээ. Аюулт үзэгдэл, ослын улмаас 2024 онд 41.7 тэрбум төгрөгийн хохирол учирсан байна.

Тохиолдсон аюулт үзэгдэл, ослыг төрлөөр авч үзвэл, 2024 онд ус, цаг уурын гаралтай аюулт үзэгдэл 272 удаа , геологийн гаралтай аюулт үзэгдэл 73 удаа, биологийн гаралтай аюулт үзэгдэл 77 удаа, хүний үйл ажиллагаатай холбоотой осол 4696 удаа тус тус бүртгэгджээ.

Цаг агаарын нөхцөл байдлаас шалтгаалсан аюулт үзэгдлийг харвал, Аймгийн төв,томоохон сумдад байрлах станцуудын 2024 оны агаарын жилийн дундаж температур 2.4 хэм байсан нь олон жилийн дундаж (ОЖДТ)-тай харьцуулахад 1.3 хэмээр дулаан байсан байна. 2024 онд жилийн дундаж температур хамгийн хүйтэн нь Завхан аймгийн Тосонцэнгэл суманд буюу -3.0 хэм буюу ОЖДТ-аас -4.2 хэмээр хүйтэн байжээ. Харин  хамгийн дулаан нь Өмнөговь аймгийн Ханбогд суманд 8.8 хэм буюу ОЖДТ-аас 7.5 хэмээр дулаан байжээ.