МОНГОЛЫН МЯНГАНЫ СОРИЛТЫН САН

(МОНГОЛЫН МСС)

НЭЭЛТТЭЙ АЖЛЫН БАЙРНЫ ЗАР

Дуусах цаг, огноо: 2025 оны 01 дүгээр сарын 29-ний 17.30 цаг

УСНЫ САЛБАРЫН ТОГТВОРТОЙ БАЙДЛЫГ ХАНГАХ ТӨСЛИЙН МЕНЕЖЕР

Усны салбарын тогтвортой байдлыг хангах төслийн менежер нь Улаанбаатар хотын ус хангамжийн системийн урт хугацааны тогтвортой байдлыг хангах зорилгын хүрээнд салбарын бодлого, зохицуулалт, институцийн өөрчлөлтүүдийг хэрэгжүүлэхэд дэмжлэг үзүүлнэ. Энэ ажлын хүрээнд нийгмийн тэгш эрхийг хангасан усны үйлчилгээний үнэ тарифын шинэчлэлийг урт хугацаанд тогтвортой хэрэгжүүлэхэд шаардлагатай үйл ажиллагааг удирдаж, түүнийг олон нийтийн хэвшил, хандлагыг өөрчлөх үйл ажиллагаатай уялдуулж ажиллана. Зардал нөхөх техникийн туслалцаа болон Усны үйлчилгээний үнэ цэнэ, бодит өртгийн талаарх олон нийтийн хэвшил хандлагыг өөрчлөх зэрэг зардал нөхөхөд чиглэсэн дэд үйл ажиллагааг зохион байгуулж, төслийн эрсдэлийг бууруулах стратеги боловсруулан, хэрэгжүүлж ажиллана. Эдгээр ажил үүргийг гүйцэтгэхдээ Усны салбарын тогтвортой байдлыг хангах төслийн менежер нь Монголын МСС-ийн Усны салбарын тогтвортой байдлыг хангах төслийн баг болон бусад багуудтай нягт хамтран ажиллаж, төслийн захиралд тайлагнана. Мөн өөрийн удирдлагад ажиллах Нийгмийн оролцооны мэргэжилтэн, Олон нийт, талуудын оролцоо хариуцсан мэргэжилтний үйл ажиллагаа, гүйцэтгэлийг удирдан чиглүүлж ажиллана.

Үндсэн ажил үүрэг:

• Зардал нөхөхөд чиглэсэн дэд үйл ажиллагааны (Зардал нөхөх техникийн туслалцаа) хэрэгжилт, явц, төлөвлөгөөний дагуу хэрэгжиж буй эсэх, МСК-ын аливаа шаардлага, Монгол Улсын холбогдох хууль тогтоомж, дүрэм журамд нийцэж буй эсэх, хэрэгжилтийн явцад учирч болзошгүй эрсдэлүүд зэрэг өргөн хүрээтэй асуудлыг удирдан чиглүүлж, Усны салбарын тогтвортой байдлыг хангах төслийн захиралд дэмжлэг үзүүлэн ажиллах.
• Ашиглалтын байгууллагын зардал нөхөх төлөвлөгөөний хэрэгжилтэд нийгмийн тэгш эрх, худалдан авах чадварын асуудлыг харгалзах мөн түүнчлэн усны үйлчилгээний зохицуулах байгууллага болон ашиглалтын байгууллагын чадавхыг бэхжүүлэх замаар усны үйлчилгээний үнэ тарифын шинэчлэл, үүний хэрэгжилтийг дэмжихэд чиглэсэн Зардал нөхөх техникийн туслалцаа болон Олон нийтийн хэвшил хандлагыг өөрчлөх дэд үйл ажиллагааг хэрэгжүүлэх, хянах.
• Зардал нөхөх техникийн туслалцаа үйл ажиллагааны бүхий л хэрэгжилтийг удирдан зохион байгуулахаас гадна Зардал нөхөх техникийн туслалцаа болон Олон нийтийн дадал хандлагыг өөрчлөх дэд үйл ажиллагааг үр дүнтэй уялдуулан ажиллана. Түүнчлэн гэр хорооллын ус түгээх байрны хэрэглэгчийн мэдээллийг бүрдүүлэх зорилгыг хангах үүднээс ажлаа Гэр хорооллын ус хангамжийн үйлчилгээний зардлыг бууруулах дэд үйл ажиллагааны хэрэгжилттэй уялдуулж ажиллах.   
• Монголын МСС-ийн нэрийн өмнөөс Зардал нөхөхөд чиглэсэн дэд үйл ажиллагааг хамтран хэрэгжүүлэгч талууд, зөвлөхүүд болон гүйцэтгэгч байгууллагуудын үйл ажиллагааг удирдан зохион байгуулж, тэдний ажлыг хэрэгжүүлэгч байгууллагууд болон Засгийн газрын холбогдох бусад байгууллагатай үр дүнтэйгээр уялдуулах, улмаар ажлын үр дүн, баримт бичгийг цаг тухайд нь хүлээлгэж өгөх, тавьсан зорилтуудад төлөвлөгөөний дагуу хүрэх, түүнчлэн холбогдох дүрэм журам, шаардлага, удирдамжид нийцүүлэн ажиллаж буйд хяналт тавих.
• Хувийн хэвшил, нийтийн аж ахуйн байгууллагууд, төрийн бус байгууллага, иргэний нийгэм зэрэг олон талтай тогтоосон Монголын МСС-ийн харилцаа холбоо, хамтын ажиллагааг удирдан зохион байгуулах.
• Зардал нөхөхөд чиглэсэн дэд үйл ажиллагааг хариуцан ажилладаг хоёр (2) мэргэжилтнийг удирдан ажиллах.
• Төслийн захирлаас өгсөн бусад үүрэг даалгаврыг тухай бүр гүйцэтгэх.

Мэргэжлийн шалгуур:

Боловсрол:

• Хөгжил судлал, менежмент, санхүү, бизнес, инженер, эдийн засаг, төрийн удирдлага болон холбогдох бусад чиглэлээр магистрын зэрэг эзэмшсэн байх.

Ажлын туршлага:

• Төрийн байгууллага, усны үйлчилгээ үзүүлэгч байгууллагууд, тухайлбал Улаанбаатар хотын Ус сувгийн удирдах газар, Орон сууц, нийтийн аж ахуйг удирдах газар, хувийн контор, төрийн бус байгууллагатай долоон (7) жил ба түүнээс дээш хамтран ажилласан туршлагатай байх.
• Эдийн засаг, бизнес, усны салбар, хотын болон орон нутгийн засаг захиргааны бодлого, төлөвлөлт, менежментийн орчин, тэдгээрийн нийгмийн нөлөөллийн талаар тодорхой ойлголттой байх.
• Олон талт оролцогч талууд, ажлын хэсэг эсхүл бодлого боловсруулах чиг үүрэг бүхий байгууллагуудтай хамтран ажиллаж байсан туршлагатай байх.
• Олон улсын хөгжлийн хөтөлбөрүүдэд ажиллаж байсан бол давуу тал болно.
• Зөвлөхийн болон гүйцэтгэгчийн ажилд хяналт тавих, гэрээний менежментийн туршлагатай туршлагатай байх.
• Багаар ажиллах, харилцааны өндөр ур чадвартай, дотоодын болон олон улсын олон түвшний оролцогч талуудтай үр бүтээлтэй, хамтын ажиллагааны харилцааг бий болгож, хадгалах чадвартай байх.
• Удирдан чиглүүлэх хоёр мэргэжилтний гүйцэтгэлийг хянах, бие даан ажиллахад нь дэмжлэг үзүүлж, ажил хэрэгч санал зөвлөмж, удирдамж өгөх чадвартай байх.

Хэлний мэдлэг

• Монгол, англи хэлний бичгийн болон ярианы өндөр чадвартай (англи хэлний ILR Level 3 буюу түүнээс дээш) байх.

Ажлын байранд хамаарах үндсэн ур чадвар:

• Засгийн газрын агентлаг, корпорац эсхүл хандивлагч байгууллагад ажилласан туршлагатай байх, багийг үр дүнтэй удирдах ур чадвартай байх.
• Өөрийн болон бусдын ажлыг гүйцэтгэхэд шаардлагатай мэдээлэл, тоо баримтыг боловсруулан дүн шинжилгээ хийж, шийдвэр гаргах чадвартай байх.
• Зохион байгуулалт сайтай, үр дүнг чухалчилсан хандлагатай бөгөөд Компакт гэрээний стратеги, зорилтуудыг ажлын тодорхой төлөвлөгөө болгон буулгах чадвартай байх.
• Нэгдмэл зорилгын төлөө багийн бусад гишүүдтэй уялдаа холбоотойгоор нягт хамтран ажиллаж, холбогдох талуудтай итгэлтэй, түншийн харилцаа тогтоох чадвартай байх.
• Эрсдэлийг тодорхойлж, түүнийг бууруулах, арилгах арга замыг санал болгох чадвартай байх.
• Microsoft Office болон холбогдох мэргэжлийн хэрэглээний программ хангамжийг эзэмшсэн байх.
• Хариуцлагатай, хүнтэй харилцах, асуудал шийдвэрлэх, олон ажлыг зэрэг амжуулах чадвартай байх.
• Ачаалал даах, ажлаа үр дүнтэйгээр зохион байгуулж, төлөвлөх чадвартай байх.

ХОЛБОГДОХ ХАЯГ:

Англи хэл дээрх намтар (Curriculum Vitae), ажил горилох тухай захидал (“Cover Letter”), дипломын хуулбар болон шаардлагатай гэж үзсэн бусад материалыг hr@mca-mongolia.gov.mn э-шуудангаар ирүүлнэ. (АЖЛЫН БАЙРНЫ НЭРИЙГ ТОДОТГОНО).

Сонгон шалгаруулалтын аливаа (өргөдөл гаргах, ярилцлагад орох, тайлан боловсруулах, сургалтад хамрагдах зэрэг) шатанд Монголын МСС болон түүний аливаа төлөөлөлд хураамж, төлбөр төлөхгүй болно.

Сонгон шалгаруулалтын талаарх мэдээллийг ажлын цагаар 7711-1710 утсаар авна уу.

Зөвхөн эхний шатны шалгаруулалтад тэнцсэн хүмүүстэй холбогдоно.