Төрийн албаны ерөнхий шалгалтад ТАЗ бүртгэж эхэллээ. Бүртгэл  хоёрдугаар сарын 27-ны өдрийн 09:00 цаг хүртэл явагдана. Цаг дуусахад цахим бүртгэл автоматаар хаагдах тул бүрдүүлэх бичиг баримтын мэдээлэлтэй бүрэн танилцаж, бүртгэлээ анхааралтай хийлгэхийг Төрийн албаны зөвлөл анхаарууллаа. Төрийн албаны ерөнхий шалгалт 3 дугаар сарын 12-нд эхэлнэ.

“Төрийн албаны шалгалт өгөх болзол болон шатлан дэвшүүлэх, сонгон шалгаруулах журам

Нэг. Сонгон шалгаруулалтад бүртгүүлэх иргэнд тавих шаардлага:

• Монгол Улсын иргэн байх
• Дээд боловсролтой байхЭрүүгийн хуульд заасан авлига, албан тушаалын гэмт хэрэг үйлдэж шүүхээр ял шийтгүүлж байгаагүй байх
• Сэтгэцийн өвчин эмгэггүй байх
• Цэргийн алба хаасан байх
• Тухайн орон нутагт төрийн жинхэнэ алба хаах хүсэлтэй байх
• Тэтгэвэр тогтоолгох насанд хүрээгүй байх
• Төрийн албанд эргэж орох эрхгүйгээр хугацаа зааж халсан бол уг хугацаа дууссан байх
• Эрүүгийн хуульд заасан гэмт хэрэг үйлдэж шүүхээр нийтийн албанд ажиллах эрх хасах ял шийтгүүлсэн бол уг хугацаа дууссан байх.

Хоёр. Сонгон шалгаруулалтад бүртгүүлэхэд бүрдүүлэх баримт бичиг

• Шалгалтад бүртгүүлэхээр гаргасан хүсэлт; (хүсэлтийг цахимаар бөглөнө.)
• Төрийн албан хаагчийн анкет; (анкетыг цахимаар бөглөнө.)
• Боловсролын түвшинг тодорхойлсон баримт бичиг;
• Иргэний үнэмлэх;
• “4 х 6”-гийн хэмжээний цээж зураг;
• Цэргийн алба хаасан тухай баримт бичиг;
• Хөгжлийн бэрхшээлтэй бол энэ тухай нотолсон баримт.
• Баримт бичгийг дутуу бүрдүүлсэн иргэн бүртгэлд хамрагдах боломжгүйг анхаарна уу.

Гурав. Шалгалтад оролцох хүсэлтийг хүлээн авах ба бүртгэх

• Бүрдүүлсэн баримт бичгийг 2 дугаар сарын 12-ны 09:00 цагаас 2 дугаар сарын 27-ны 09:00 цаг хүртэл Төрийн албаны зөвлөлийн цахим хуудсаар хүлээн авна.

Дөрөв. Сонгон шалгаруулалтын хуваарь

• Шалгалт өгөх хуваарийг 3 дугаар сарын 10-ны өдөр байршуулна. Хөгжлийн бэрхшээлтэй иргэдтэй ТАЗ-ийн салбар комиссоос утсаар холбогдож, шалгалт өгөх хуваарь мэдэгдэнэ.
• Бүртгүүлсэн иргэд ерөнхий шалгалтад иргэний үнэмлэхээ авч очихыг анхаарна уу!

БҮРТГҮҮЛЭХ БОЛ ДООРХ ХОЛБООС ДЭЭР ДАРНА УУ.
https://exam.csc.gov.mn/