1951 онд Лондонд анх зохиогдсоноосоо хойш манай гарагийн гоо бүсгүй шалгаруулах уралдаан Монгол улсын хилд хамгийн ойрхон болох гэж байна. “Дэлхийн мисс” буюу “Miss World” нь “Ертөнцийн мисс”, “Мисс интернэшнл”, “Манай гарагийн гоо бүсгүй” хэмээх ижил төрлийн уралдаанаас хамгийн урт настай, бас цар хүрээтэйгээрээ ялгардаг юм.
    1951 онд Лондонд анх зохиогдсоноосоо хойш манай гарагийн гоо бүсгүй шалгаруулах уралдаан Монгол улсын хилд хамгийн ойрхон болох гэж байна. “Дэлхийн мисс” буюу “Miss World” нь “Ертөнцийн мисс”, “Мисс интернэшнл”, “Манай гарагийн гоо бүсгүй” хэмээх ижил төрлийн уралдаанаас хамгийн урт настай, бас цар хүрээтэйгээрээ ялгардаг юм.

1.    Анх усны хувцасны наадам хэлбэрээр зохиогдсон тэмцээнийг хэвлэлийнхэн “Дэлхийн мисс” гэж бичсэнээр энэ нэрийг өгчээ.

2.    “Дэлхийн мисс” уралдааны шигшээ шалгаруулалтын ТВ шоуг дэлхийн 200 гаруй оронд үздэг. 1959 онд ВВС анх телевиз үзэгчиддээ шууд дамжуулжэ

3.    “Дэлхийн мисс” титэм хүртсэн бүсгүй Лондонд нэг жил амьдарч, элдэв арга хэмжээ, сурталчилгаанд оролцдог. Анх үүссэн газар нь буюу Англид “Дэлхийн мисс”-ийг улс төржсөн, өрөөсгөл хэмээн шүүмжлэх нь улам ихэсч байгаа.

4.    Энэхүү уралдааны 60 жилийн түүхэнд хамгийн олон ялагчтай орнуудын жагсаалтыг Венесуэл (6 удаа), Англи, Энэтхэг (5 удаа), Швед, Ямайка (3 удаа) тэргүүлж байна.

5.    Анх 1888 оны 9 дүгээр сарын 19-нд Бельгийн Спа хотод гоо бүсгүй шалгаруулах уралдаан албан ёсоор болж байжээ. 350 ороцогчоос 21 нь шигшээд шалгарч, дан эрчүүдээс бүрдсэн шүүгч нар хаалттай хаалганы цаана буюу үзэгчдээс далд “үзлэг” хийн шалгаруулж байв.
6.    Монголд анх удаа гоо бүсгүй шалгаруулах уралдаан 1989 онд болж  Н.Мөнхцэцэг түрүүлжээ. 1992 онд Ж.Чинбатын санаачилгаар “Монголын Хатан Эрдэнэ” холбоо хэмээх ТББ энэ чиглэлээр дагнан байгуулагдаж байв.

7.    Эх орноо төлөөлөн 2012 оны дэлхийн гоо бүсгүйн алдрын төлөө өрсөлдөх бүсгүйчүүд ирэх 8 дугаар сарын 18-нд БНХАУ-ын Өвөр Монголын ӨЗО-ы Ордос хотод цугларна.  Ордос хот нь ӨМӨЗО-ны баруун өмнөд хэсэгт орших, аймгийн зэрэглэлтэй хот юм.
8.    Армен улсын өнөө жилийн гоо бүсгүй Анна Аракелян Ордос явах эсэх нь эргэлзээтэй байна. Армений тал уралдааныг зохион байгуулагчидтай хэлэлцээ хийж байгаа ажээ. Асуудлын шалтгаан нь Анна Аракелян ялагчийн титмийг 2011 онд авч байсан бөгөөд энэ жил “хошой мисс” болчихсонд байгаа юм. “Дэлхийн мисс”-т нэг хүн нэг л удаа оролцдог. Харин Армени улс 2012 онд анх удаа оролцох эсэх нь эргэлзээтэй болчихоод байна.
9.    Одоо хүчин төгөлдөр байгаа дэлхийн мисс Ивиан Саркос хэмээх венесуэл бүсгүй телевизэд ажилладаг, уулын спорт, явган аялал, гар бөмбөгөөр хичээллэдэг. Тэрээр 8 дугаар сард титмээ шинэ мисст дамжуулан өгнө.

10.    2012 оны уралдаанд Узбекстан, өмнөд Судан, Руанда зэрэг 5 орон анх удаа төлөөлөгчөө илгээнэ.
11.    БНХАУ-д болох “Дэлхийн мисс 2012”-д Норвеги улс оролцохгүйгээ мэдэгджээ. 2010 онд Хятадын Хайнаньд болсон “Дэлхийн мисс” уралдаанд  Норвегийн гоо бүсгүй Марианн Биркедалыг шүүгчид хавчин “хэлмэгдүүлсэн” гэх заргын үр дүн энэ юм. Норвеги, Хятад хоёрын тэртээ тэргүй таагүй харилцааг энэ маргаан улам хурцатгасан билээ.

12.    Монгол улс анх 2005 онд “Дэлхийн мисс” уралдаанд оролцож эхэлжээ. Анхны ороцлогч нь Б.Гантогоо байв.
13.    2011 оны “Miss Mongolia”-д ХИС-ийн оюутан И.Төгсөө шалгарсан байна.
14.    Харин Лондонд болсон "Miss World-2011"-д Монгол улсыг Ө.Буянхишиг төлөөлж оролцоод 70 дугаар байрт орсон гэж хэвлэлүүд мэдээлж байсан юм.
15.    Оросын мисс Елизавета Голованова Ордост очно. Тэрээр эх орныхоо тэргүүн гоо бүсгүйн шагнал болгож 1 сая долларын үнэтэй титэм, 100 мянган доллар бэлнээр гарджээ.
16.    2008 оны “Дэлхийн мисс”-т Монгол улсыг төлөөлөн оролцсон Чинбатын Ануны авга эгч нь 1992 оны Монголын мисс Ч.Мичидмаа юм.

17.    “Miss world” –ийн албан ёсын эрхийг Монголд “Десофт Монголия” ХХК эзэмшдэг. Захирал нь хөтлөгч Өөдөөгийн гэр бүлийн хүн гэдэг.
18.    2000 онд Энэтхэгийн гоо бүсгүйчүүд буухиачлан энэ титмийг бие биедээ дамжуулж байлаа. 2000 оны дэлхийн мисс Приянка Чопра “Дэлхийн мисс” телевизийн кинонд Энэтхэгийн миссийн дүрд тоглож, амжилтаа зөгнөж байжээ.
19.    2007 онд Хятад, 2008 онд Орос орон дэлхийн хамгийн сайхан бүсгүй манайх гэж бахархах эрхтэй болов.

20.    1980-аад оноос л оюун ухаан сорьсон асуулт хариултыг шүүгчид анх харгалзан үздэг болжээ.

21.    Ордост энэ энэ жил 120 орны мисс цуглана гэж тооцоолж байна.
22.     Интернэт санал асуулгаар Израилийн армийн албан хаагч Шани Хазан “Дэлхийн мисс 2012”-ыг одоогоор өнгөлж байна.

23.    “Miss Mongolia 2012” уралдаан 8 сард болох бололтой. Гэвч өмнөх туршлагуудаас үзвэл энэ уралдааны ялагч “Дэлхийн мисс 2012”-д явна гэдэг эргэлзээтэй юм.

24.    Арван долоон нас хүрсэн 172 сантиметрээс дээш өндөртэй эмэгтэй бол та дэлхийн гоо бүсгүйн титмийн төлөө өрсөлдөх эрхтэй гэсэн үг. Гэхдээ өмнө нь өөрийгөө толинд хар. Бас өргөдлөө өгөхөөсөө өмнө “сайн бод, сайн бод”...