МАХН-ын Ерөнхий нарийн бичгийн дарга Н.Удвалыг одоо 11.00 цагаас Сүхбаатар дүүргийн шүүхэд шүүнэ. Түүнийг өнгөрсөн дөрөвдүгээр сарын 13-нд МАХН-ын дарга Н.Энхбаярыг баривчлагдсаны дараа Сүхбаатарын талбайд жагсаал зохион байгуулсан хэмээн буруутгаж буй. Энэ талаар МАХН-ын Ерөнхий нарийн бичгийн дарга Н.Удвалаас тодрууллаа.
    МАХН-ын Ерөнхий нарийн бичгийн дарга Н.Удвалыг одоо 11.00 цагаас Сүхбаатар дүүргийн шүүхэд шүүнэ. Түүнийг өнгөрсөн дөрөвдүгээр сарын 13-нд МАХН-ын дарга Н.Энхбаярыг баривчлагдсаны дараа Сүхбаатарын талбайд жагсаал зохион байгуулсан хэмээн буруутгаж буй. Энэ талаар МАХН-ын Ерөнхий нарийн бичгийн дарга Н.Удвалаас тодрууллаа.

-Таныг өнөөдөр 11.00 цагаас шүүнэ гэсэн. Энэ талаар танд өмнө нь дуулгаж байсан уу?

-Өчигдөр намайг Сүхбаатар дүүргийн цагдаагийн хэлтсээс дуудаж өнгөрсөн дөрөвдүгээр сарын 13-ны өдөр жагсаал зохион байгуулсан асуудлаар захиргааны зөрчил гаргасан гэж үзэн шүүхэд шилжүүлэх болсноо албан ёсоор мэдэгдсэн. Түүнчлэн яг ямар үндэслэлээр буруутгаж байгаа талаарх хэргийн материалыг өгсөн.

-Тодруулбал?

-Үндсэн гурван асуудал яригдаж байгаа. Нэгдүгээрт, өнгөрсөн дөрөвдүгээр сарын 13-ны өдөр зохион байгуулсан жагсаал цуглааны үед Сүхбаатарын талбайн баруун талын замын хөдөлгөөнийг хаасан гэж буруутгаж байгаа.
Хоёрдугаарт, жагсаалын үеэр сэтгэцийн эмгэгтэй хүн цагдааг эсэргүүцсэн гэдэг асуудал ярьж байгаа юм байна. Энэ талаар өчигдөр өгсөн материалтай нь танилцах явцдаа л анх удаа олж мэдлээ.
Гуравдугаарт, Сүхбаатарын талбай дээр буюу зөвшөөрөгдөөгүй газар жагсаал зохион байгуулсан гэж буруутгаж байгаа. Гэтэл бид жагсаал зохион байгуулах зөвшөөрлөө зохих журмын дагуу авсан байсан.

-Сэтгэцийн өвчтэй хүний тухайд?

-Жагсаал цуглааны тухай хуульд сэтгэцийн өвчтэй хүнийг оролцуулахыг хориглосон заалт байдаг. Гэхдээ хуулийн энэ заалтын цаад утга санаа нь сэтгэцийн өвчтэй хүний хэрэг хариуцах чадваргүй байдлыг далимдуулан ашиглаж, бусдад гэм хор учруулах, хор уршиг бий болгохоос урьдчилан сэргийлэх зорилготой гэж манай хуульчид тайлбарлаж байгаа. Тодруулбал, бид жагсаалын үед сэтгэцийн өвчтэй хүнийг мэдсээр байж дагуулж очсон бол яах аргагүй хуулийн хариуцлага хүлээх болно. Харин энэ хүний хувьд түүнийг бид танихгүй, бас өөрөө болон түүний ар гэрийнхний өгсөн мэдүүлэгт тухайн иргэн сайн дураараа, хэн нэгний албадан шахалт буюу ятгалгагүйгээр ирсэн гэж байна . Бид тэнд цугласан 3000 гаруй хүнийг гаднаас нь хараад энэ нь сэтгэцийн өвчтэй, энэ нь эрүүл гэж мэдээд, ялгаж зааглаад байх ч боломжгүй шүү дээ. Үнэхээр манай цагдаагийнхан мэдрэмж, ур чадвар сайтайдаа 3000 хүн дотор байсан ганц сэтгэцийн өвчтэй хүнийг нь олоод илрүүлчихсэн байна уу эсвэл  гэж ойлгогдохоор  байна.