Ерөнхий сайд асан Н.Алтанхуягийн ахлах зөвлөхөөр ажиллаж байсан Л.Гансүх нарыг “Нүүрс” хөтөлбөрөөс их хэмжээний мөнгө завшиж улсад онц ноцтой хохирол учруулсан хэмээн буруутгаж байгаа. Л.Гансүх нарт холбогдох шүүх хурал Баянзүрх, Сүхбаатар, Чингэлтэй дүүргийн шүүхэд болж байна.

Гурав дахь өдрөө үргэлжилж буй шүүх хуралд гэрчүүд мэдүүлэг өгч байна. Хохирогч гэгдэж буй Багануур ХК-ын Гүйцэтгэх захирал н.Отгонбаярын мэдүүлгийг хүргэж байна.

Өмгөөлөгч Ц.Баасандорж асуув.

-Гэрээ байгуулсан гэрээнээс хохирол учирсан уу?

-Хохирлыг мэргэжлийн байгууллага тогтоосон. Манай байгууллага гомдол гаргасан зүйл байхгүй. АТГ манайхыг хохирогч хэмээн тогтоосон. Багануур ХК нүүрс худалдсан компани авсан. Энэ хоёрын хооронд зөрүү гарч хохирол гарад байгаа юм.

-Гэрээнд зааснаар нүрсний тооцоог хйисэн үү?

-Тооцоог бүрэн хийсэн.

-Гэрээ хүчин төгөлдөр үү?

-Гэрээ байгуулсан учраас хүчин төгөлдөр.

-Гэрээнд 1 тонн нүүрсийг хэдэн төгрөг гэж заасан бэ?

-27500.

-Шигшиж ангилах төхөөрөмж хэнийх вэ?

-Компанийнх.

-Шигшиж ангилахад танайхаас зардал гардаг уу?

-Үгүй.

-Гэрээг та бүхэн хэдэнд байгуулсан бэ?

-Компани 2013.09.27-нд гэрээг анх авч ирсэн. Харин үнэ өөрчлөгдсөн тул гэрээг 11.21-нд байгуулсан. Байгууллагын албан бичиг энэ өдрөөр албан бичгийн дугаарыг авсан.

-Компани хохирол хүлээсэн үү?

-Багануур бизнесийн үйл ажиллагаа явуулдаггүй. Манай компани угаасаа л хохиролтой үйл ажиллагаа явуулдаг.

-Гэрээгээ биелүүлсэн үү?

-Биелүүлсэн.

Цэрэнжээ өмгөөлөгч асуув.

-Очирлхамд хохирогчид итгэмжлэгдсэн төлөөлөгчөөр томилсон уу?

-Томилсон.

-Нүүрсийг УБ-т авч ирэхэд хэдэн төгрөгийн зардал гардаг юм бэ?

-Нүүрс авч байгаа хүн компани хоёр өөрсдөө зардлаа гаргадаг болохоор би мэдэхгүй.

-АТГ хохирлыг тогтоосон гэж та хэлсэн. Хохирол үнэхээр учирсан уу?

-Бидний гаргасан нүүрс болгон алдагдалтай байдаг. Манай компани төрийн өмч гэдгээрээ хохирсон.

-АТГ хохирогчоор тогтоосон. Шинжээчийн дүгнэлийг яагаад зөв гэж үзэж байгаа юм?

-Хариулсангүй.

-Хохирлоо юу гэж үзэж байгаа вэ?

-Шинжээч нар хувийн компанид нүүрсээ борлуулсан учир хохирол учирсан гэж үзсэн. Хэрэв төрийн бодлого гэвэл хохирлын хэмжээ өөр гарна. Үүнийг та бүхэн л шийдэх байх.

-Хаягдлаа өмнө нь яаж шийддэг байсан бэ?  Акт тогтоол үйлддэг үү?

-Акт үйлддэг. Хягдал нүүрсээ хувааж хариуцдаг.

-Гэрээ байгуулахад дарамталсан асуудал бий юу?

-Засгийн газар дарамталсан.

-Яаж дарамталсан бэ?

-Энэ ажлыг хэрэгжүүлэх ёстой  л гэсэн байдлаар дарамталсан.

-Дарамтлах гэдэг чинь ажлаас хална, солино гэдэг ч юм уу, тийм зүйл байх ёстой биз дээ?

-Тийм зүйл бол байгаагүй.

-Хохирсон талаараа гүйцэтгэх удирдлагын түвшинд хэлэлцсэн үү?

-Хувьцаа эзэмшигчийн тогтоолоор үйл ажиллагаа явуулдаг. ТУЗ-ын шинэ ТУЗ-ын шинэ удирдлагууд мэдэхгүй. Харин хуучин удирдлагууд бол мэдэж байгаа.

-Та гэрээг анх байгуулахдаа уншиж танилцсан уу? Гэрээнд охин компанийн ажилтанг ажиллуулахаар заасан байна.

-Гэрээг ойлгож уншсан.

-Жингийн зөрүү үүссэн талаар танилцуулагдаж байсан уу?

-Танилцуулагдаж байсан.

-Гэрээний үүргээ биелүүлж сэтгэл гаргасан бол хаягдал нүүрсээ өмчөө гээд хямгадаад авсан бол ийм асуудал үүсэхгүй байсан юм биш үү ?

-Бид “Хоёр тал хариуцъя” гэдгийг албан бичгээр хүргүүлж байсан.

Шүүгч асуув.

-Гэрээ 09.27-нд байгуулагдсан гэсэн он, сартай гэрээг Багануурын архиваас гаргаж өгсөн байхад та яагаад 11.21-нд байгуулсан гээд байгаа юм бэ?

-Бид 11.21 –нд байгуулсан. Үүнийгээ гэрээний арын хуудсанд дарсан тамган дээр байгаа огноонд байгаа.

-Багануур ХК ер нь хохирсон юм уу?

-АТГ хохирогч гэсэн үүрэг чиглэл өгсөн. Тэгээд л хохирогч болсон.

-Танайх угаасаа  л хохиролтой ажилладаг юм уу?

-Тийм ашигтай ажиллаж байгаагүй.

-Тэгвэл танайх угаасаа хохиролтой ажилладаг байсан юм бол хохироогүй юм биш үү?

-Хариулсангүй.

Б.Батчимэг