Өнөөдөр болох зарим үйл явдлыг танилцуулж байна.

09.00 цагт: Монгол Улсын Ерөнхийлөгчийн дэмжлэг дор Монгол Маркетеруудын Гуравдугаар Чуулган Төрийн ордонд зохион байгуулагдана.

09.20 цагт: Нийслэлийн Мэдээллийн технологийн газар, Монголын Үндэсний худалдаа аж үйлдвэрийн танхим, “Баяр Агентлаг” ХХК хамтран зохион байгуулж буй ”Интернэт Худалдааны Анхдугаар Конференци –Улаанбаатар 2015”  арга хэмжээ МҮХАҮТ-д болно.

10.00 цагт: "Нигүүлсэл ба байгаль хамгаалал" сэдэвт хурал Гандантэгчэнлин хийдийн хурлын танхимд болно. Хурал эх дэлхийгээ хайрлахуй сэдвийн хүрээнд болно.

11.00 цагт: УИХ-ын гишүүн Л.Эрдэнэчимэг архи, тамхины татварыг нэмэгдүүлсэнээр тэтгэврийн доод хэмжээг сард 30000 төгрөгөөр нэмэгдүүлэх боломжийн талаар Төрийн ордоны “Г” танхимд сэтгүүлчдэд мэдээдээлэл хийнэ.

11.00 цагт: Нийслэлийн 376 ойн өдөрт зориулсан “Их хотын хямдралтай худалдаа”-г Чингисийн талбайд зохион байгуулах гэж байгаа талаар мэдээлэл өгөх хэвлэлийн бага хурал  Хангарди ордоны 6 давхарт болно.

12.00 цагт: Барилга хот байгуулалтын яамны хурлын зааланд Барилга хот байгуулалтын яам, Канадын дэлхийн их сургуулийн үйлчилгээний байгууллагын хооронд хамтын ажиллагааны санамж бичигт гарын үсэг зурах үйл ажиллагаа болно.

12.00 цагт: Нийслэлийн 376 жилийн ойг тохиолдуулан зохион байгуулж буй Асрамж, халамжийн төвийн хүүхдүүдийн "Аз жаргалтай хүүхэд нас" тоглолт Монголын Хүүхдийн ордонд болно.

12.30 цагт: МОХ-ны зүгээс НИТХ, Нийслэлийн Засаг дарга Э.Бат-Үүл нар нь Монголын оюутны эрх ашигт бүдүүлгээр халдаж, тэдний нийтийн тээврээр зорчих, сурч боловсрох эрхийг нь хязгаарласан журам батлагдсантай холбогдуулан "Монгол ньюс" мэдээллийн төвд  хэвлэлийн хурал хийнэ.

14.00 цагт: Залуу гэр бүлийг орон сууцжуулах аяны хүрээнд зохион байгуулж буй "Шинэ орон сууц - ЭКСПО" нээлтийн үйл ажиллагаа циркд болно. Тус үзэсгэлэнд оролцож буй байгууллагууд 10-23, 24, 25 ны өдрүүдэд л хамгийн доод ханшаар шууд үнэ тохиролцох худалдааг явуулна.

15.00 цагт: Засгийн газрын 11 дүгээр байрны дугуй танхимд "Эрүүл, аюулгүй орчинд амьдрах эрх ба захиргааны хэргийн шүүх" сэдвээр Захиргааны хэргийн давж заалдах шатны шүүхийн шүүгч, МУИС-ийн Хууль зүйн сургуулийн багш Ц.Цогт лекц уншина.

16.00 цагт: 97-р сургуулийн зүүн талд Сод эрхэс төвийн хажууд Баянзүрх дүүргийн залуучуудын холбоо өөрийн төв байрны нээлтийг хийнэ.