Зам тээврийн осол гаргаад орхиж явсан хоёр тохиолдол өнгөрөгч хоногт гарчээ. Зам тээврийн осол нь санамсар болгоомжгүй байдлаар үйлдэгддэг. Гэтэл зам тээврийн осол хэрэг, гаргаж буй зарим жолооч нар нь осол хэрэг үйлдээд тухайн ослын талаар Цагдаагийн байгууллагад мэдэгдэлгүй ослын газрыг орхиж явах,  осолд өртсөн хүнд анхны тусламж үзүүлэлгүй орхиж явснаараа  өөрийнхөө үйлдсэн ослыг хүндрүүлдэг байна.

Осол хэний ч анхаарал болгоомжгүй,  буруутай үйлдлээс  гарч болох тул иргэн та үүргээ биелүүлэн Цагдаагийн байгууллагад мэдэгдэн, ослын газарт байгаа эд юмсыг хөдөлгөхгүй байх, осолд өртсөн хүнд эмнэлгийн тусламж үзүүлэх хэрэгтэйг Замын цагдаагийн газраас анхаарууллаа. 

Шинэчлэн батлагдсан ЗХАБТХ-ийн  12 пугаар зүйлийн 12.2.3-т Зам тээврийн ослын үед эмнэлгийн болон авран хамгаалах бусад яаралтай тусламжийг холбогдох төрийн байгууллага, хариуцсан этгээдээс үнэ төлбөргүй авах; 34 дүгээр зүйлийн 34.1-т Зам тээврийн осолд холбогдсон жолооч үүргээ биелүүлээгүй нь эрүүгийн хариуцлага хүлээлгэхээргүй бол нэг сарын хөдөлмөрийн хөлсний доод хэмжээний тавин хувьтай тэнцэх хэмжээний төгрөгөөр торгох шийтгэл оногдуулна" гэж заасан байдаг.