Өнөөдөр болох зарим үйл явдлыг танилцуулж байна.
10.00 цагт: "Хоггүй гудамж-Хоггүй хороо" болзолт уралдааныг Иргэний танхимд дүгнэж, холбогдох мэдээллийг өгнө. Нийслэлийн удирдлагууд, шар хантаазтан, зам талбайн үйлчлэгч нар оролцоно.
11.40 цагт: Гэмтэл Согог Судлалын Үндэсний Төвийн сэхээний тасагт ар гэр, ойр дотныхоо хүмүүсийг сахидаг сахиуруудад зориулсан хүлээлгэ, сахиулын өрөөг нэгэн компани нийгмийн хариуцлагаа ухамсарлан өөрийн хөрөнгөөр засварлан тохижуулж хүлээлгэн өгөх арга хэмжээ ГССҮТ -д болно.
12.00 цагт: “Иргэдийн шударга шүүх” ТББ, Эрдэнэс Тавантолгой компанийн үйлдвэрчний эвлэл хамтран цаг үеийн асуудлаар "Зууны мэдээ" сонины Үндэсний мэдээллийн төвд мэдээлэл хийнэ.
12.30 цагт: "Дэлхийн Монгол-Ногоон нэгдэл" ТББ-аас байгаль орчин сүйдэж байгаа асуудлаар "Зууны мэдээ" сонины Үндэсний мэдээллийн төвд баримттай мэдээлэл дэлгэнэ.
13.00 цагт: ШУА, Исламын бүгд найрамдах Иран улсын Гадаад хэргийн яамны Боловсрол, судалгааны төвтэй хамтран 13-14 дүгээр зуунд Азийн соёл иргэншил, Монголын Иль хаадын талаар "Зууны мэдээ" сонины Үндэсний мэдээллийн төвд мэдээлэл хийнэ.
14.00 цагт: Японы Токүда сангийн шугмаар Налайх дүүргийн нэгдсэн эмнэлэгт 5 ширхэг бөөрний аппарат бэлэглэнэ. Арга хэмжээнд УИХ-ын гишүүн Д.Ганхуяг, Уул уурхайн сайд Р.Жигжид нар оролцоно.
14.00 цагт: “Монгол Улсын Төрийн албаны эрх зүйн шинэтгэл” нээлттэй хэлэлцүүлэг Нийслэлийн иргэний танхимд болно.
14.00 цагт: АНУ-н Азийн сан, Авлигатай тэмцэх газар, Нээлттэй Нийгэм Форум, Ил тод байдлыг дэмжих түншлэл болон Нийгмийн Дэвшил Эмэгтэйчүүд Хөдөлгөөн ТББ хамтран "Хуулийн хэрэгжилтийн цуврал үнэлгээ" сэдэвт хэлэлцүүлгийг "Нээлтэй нийгэм" форумын хурлын танхимд зохион байгуулна.
15.00 цагт: Дэлхийн банкны дэмжлэгээр хоёр дахь жилдээ хэрэгжиж буй “Code4GreenUB” төслийн хүрээнд төслийг хэрэгжүүлэгч “Стартап Монголиа” ТББ болон Дэлхийн банк, Мэдээллийн Технологийн Үндэсний Парк /МТҮП/, OIL-Нээлттэй инновацийн Лаб байгууллагууд “Maker’s Week” /Үйлдвэрлэгч буюу Бүтээгчдийн 7хоног/ арга хэмжээг МТҮП-ын 211 тоот танхимд тус тус зохион байгуулах гэж байна.
