Эрүүгийн цагдаагийн газрын Хар тамхитай тэмцэх хэлтсийн алба хаагчид    энэ сарын 9-10-нд шилжих шөнө олон удаагийн үйлдэлтэй хар тамхины бүлэглэлийг илрүүлэн саатуулсан талаар эх сурвалж мэдээлсэн.

Мөрдөн байцаалтын явцад уг бүлэглэлийн толгойлогч Г гэгч нь олон жил хар тамхи, сэтгэцэд нөлөөлөх бодисыг хууль бусаар худалдан борлуулж, хууль бусаар оруулж ирдэг нь тогтоогдсон байна. Улмаар түүний зохион байгуулалт дор Г, М, С, А, Н нарын 5 хүн хууль бусаар хар тамхи худалдан борлуулж байсан аж.

Тэгвэл тэдний дунд томоохон өндөр албан тушаалтны хүүхэд буюу одоогийн засгийн газарт ажиллаж буй нэгэн яамны дэд сайдын хүүхэд шалгагдаж байгаа аж. Одоогоор аль яамны дэд сайдын хүүхэд болохыг нууцалж байгаа аж. Хэргийн мөрөөр эргэн мэдээлнэ.

Д.Ундрах /24tsag.mn/