Дундговь аймгийн “Оюуны хөгжил” хувийн цэцэрлэгийн багш 10 сартай хүүхдийг хоолоо идсэнгүй гэх шалтгаанаар зодож буй бичлэг цахим сүлжээгээр тархаж олон хүний дургүйцлийг төрүүлээд байна.
Тэгвэл 10 сартай хүүхдийг зодсон багшид эрүүгийн хэрэг үүсгэн шалгахаар болжээ. Хэргийн талаар ЦЕГ-ын Хэвлэл мэдээллийн төвийн ажилтан, цагдаагийн ахмад Ё.Лхагвасүрэнгээс тодруулбал “Энэ хэрэг намар болсон асуудал. Бичлэгийг цэцэрлэгт хамт ажилладаг байсан хүн нь хийсэн юм билээ. Тэгээд хэдхэн хоногийн өмнө аймгийнхаа Мэргэжлийн хяналтын газарт бичлэгийг аваачиж өгсөн байсан. Улмаар тэр газраас цагдаагийн байгууллагад хандсан учир хэргийг дөнгөж шалгаж эхэлж байгаа. Хойшлуулшгүй үйл ажиллагаа явуулж, эцэг эхчүүд, хүүхдээс мэдүүлэг авч эхэлсэн. Хэргийн материалыг прокурорт хянуулаад явж байгаа бөгөөд удахгүй багшид эрүүгийн хэрэг үүсгэн шалгаж эхлэх байх. Цэцэрлэгийн үйл ажиллагаа хаасан байгаа” гэв.
Сэтгэгдэл (8)