Лос Анжелес хотын иргэн эмэгтэй алдарт "Найзууд" цувралын жүжигчин Мэттью Перрид "үхэлд хүргэх хар тамхи" зарсан хэргээр 15 жилийн хорих ял сонсоод байна. 42 настай Жасвин Сангха өнгөрсөн есдүгээр сард кетамин хууль бусаар зарсан, хүний амь насыг хохироосон гэх таван зүйл ангиар буруугаа хүлээжээ.
Прокурорууд Америк-Британийн хос иргэншилтэй тус эмэгтэйн Хойд Холливуд дахь гэрийг чинээлэг үйлчлүүлэгчдэд төрөл бүрийн мансууруулах бодис зардаг гол газар байсныг тогтоосон байна.
Олон жилийн турш донтолттой тэмцэж байсан Перри 2023 оны 10 дугаар сард Лос Анжелес дахь гэрийнхээ ванн дотор нас барсан байдалтай олдсон. Мөрдөн байцаагчид түүний үхэл кетамины цочмог нөлөөнөөс болсон гэж тогтоожээ.
Кетамин нь зарим төрлийн галлюциноген нөлөөтэй диссоциатив мэдээ алдуулагч бөгөөд зөвхөн эмчийн заавраар хэрэглэх ёстой байдаг.
Шүүхэд хэлсэн үгэндээ Сангха өөрийн буруу үйлдэл нь бусдын амьдралыг сүйрүүлсэн гэдгийг дурдаж, хийсэн зүйлдээ маш их харамсаж байгаагаа илэрхийлжээ. Сангад ял оноохоос өмнө Перригийн хойд эх Дебби Перри шүүгчээс түүнд хамгийн өндөр хорих ял оноохыг хүссэн байна.
Л.Баяр
