Жүдо бөхийн олимпийн эрхийн оноо олгох энэ оны сүүлчийн тэмцээн Токиогийн "Их дуулга"-ын эхний өдрийн барилдаанууд үргэлжилж байна.

Тэмцээний эрэгтэйчүүдийн 66 кг-д барилдсан олон улсын хэмжээний мастер Даваадоржийн Төмөрхүлэг хүрэл медалийн  төлөө Португалийн тамирчинтай барилдаж ялалт байгуулсан.

Харин дөнгөж сая эмэгтэйчүүдийн 57 кг-д барилдаж буй ОУХМ Доржсүрэнгийн Сумъяа хүрэл медалийн төлөө Бразилийн бөх 2013 оны Дэлхийн аварга Рафаэла Сильватай барилдаж ялалт байгууллаа.

Ийнхүү Монгол улсын тамирчид “Их дуулга” тэмцээний өнөөдрийн барилдаанаас хоёр хүрэл медаль хүртлээ.