Баянзүрх дүүргийн нутаг дэвсгэрт буюу Сансарын шатахуун түгээх станцын урд байрлах есөн давхар шар орон сууцны дээвэр дээрээс нэгэн охин амиа хорлохоор зогсч байгаа зураг цахим сүлжээнд тарсан. Иргэд цагдаагийн байгууллагад дуудлага өгснөөр охиныг аврахаар Онцгой байдлын аврах албаны ажилтнууд тэнд ажиллалаа. Аврах ажилтнууд хоёр цаг гаруй ярилцаж, улмаар охины ээжийг дуудан хамт ярилцсаны эцэст охиныг аварч чаджээ. Тэрээр ерөнхий боловсролын сургуулийн 10 дугаар ангийн сурагч аж. Охин ээжтэйгээ ярилцаж байх үеэр Онцгой байдлын аврах албаны ажилтан охиныг татаж, аюултай нөхцөл байдлыг таслан зогсоосон байна.

Т.Энхэлээ