Баянзүрх, Чингэлтэй, Сонгинохайрхан дүүргийн нутаг дэвсгэрээс Тоёота приус- 20 маркийн автомашины толь хулгайлдаг бүлэг залуусыг баривчилжээ. Баянзүрх дүүрэг дэх Цагдаагийн II хэлтсийн алба хаагчид тэднийг мөрдөн шалгаж, илрүүлсэн байна. Баянзүрх дүүргийн V хороонд оршин суух 19 настай Э, М нар 30 гаруй удаагийн үйлдлээр автомашины толь хулгайлдаг байжээ. Тэд хулгайлсан толио 150-180 мянган төгрөгөөр борлуулдаг байсан нь тогтоогджээ. Э, М нар хулгайлсан машины толио интернэтээр худалдаалсан гэдгээ мөрдөн байцаалтын үеэр мэдүүлсэн байна. Тоёота приус-20 маркийн автомашины толь хулгайд алдсан хүмүүс байвал Баянзүрх дүүрэг дэх Цагдаагийн II хэлтэст хандахыг сануулсан юм.