УИХ-ын гишүүн Х.Баттулгын туслах Л.Түвшинжаргалыг шинэ төмөр зам төслийг хэрэгжүүлэх явцдаа байгаль орчны үнэлгээний ажлаас таван тэрбум төгрөгийг угаасан хэрэгт буруутган шалгаж эхлээд буй. Түүнийг өнгөрсөн лхагва гарагт цагдаагийнхан хөндлөнгийн гэрчгүйгээр баривчлан саатуулсан гэдэг. Одоо тэрбээр, хорих 461-р ангид саатуулагдаж байгаа юм.  Л.Түвшинжаргалын хувьд 9 настай болон ой дөрвөн сартай хүүхэдтэй. Хүүхэд нь бор хоолонд ороод удаагүй, эхийнхээ сүүг хөхөж байгаа хөхүүл хүүхэд аж. Гэтэл хуулийн байгууллагынхан хүүг ээжтэй нь уулзуулж хөхүүлэхгүй байгаа нь олны шүүмжлэлийг дагуулаад байгаа юм. Л.Түвшинжаргалын нөхөр Н.Мөнхбаатар ой 4 сартай хүүгийн хамт Цагдан хорих 461 дүгээр ангид очиж, ээжтэй нь уулзуулах гэсэн боловч Шүүхийн шийдвэр гүйцэтгэх газраас ээж, хүү хоёрыг уулзуулахгүй гэж байгаа аж.

УИХ-ын гишүүн Г.Уянга өнөөдөр Хорих 461-р ангид очиж Л.Түвшинжаргалын нөхөр болон хүүхэдтэй нь уулзсан юм.

Тэрбээр энэ үеэр "Цагдаагийн байгууллагаас Л.Түвшинжаргалыг дөрвөн настай хүүхэдтэй гэсэн худал мэдээлэл өгөөд байгаа юм байна. Газар дээр нь ирээд үзэхэд үнэхээр хэцүү байна. Намайг Байгаль орчны сайд байсан н.Гансүхтэй шүүхдэлцээд явж байхад төрөөд дөнгөж долоо хонож байхад барьж хорино гэж байсан. Дараа нь мөн хэдхэн сарын дараа гэрийн гаднаас машинаар хулгайлах маягтайгаар авч явж байсан болохоор энэ асуудал надад маш эмзэг туслаа. Хууль зүйн сайдруу ярилаа. Энэ асуудалд мөн санаа тавиад албан бичиг явуулж байгаа юм байна. Гэмт хэрэг хийсэн хүнийг шалгаж болно. Гэхдээ хүнлэг байх ёстой. Яагаад хүүхдийг давхар хорьж байгаа юм бэ. Би ядахдаа байж байгаад хүүхдийг нь нэг хөхүүлүүлчихье гэсэн ч харамсалтай нь чадсангүй" гэсэн юм.

Үүний дараа УИХ-ын гишүүн Г.Уянга болон Л.Түвшинжаргалын нөхөр ЦЕГ-ын Эдийн засгийн гэмт хэрэгтэй тэмцэх хэлсийн ахлах мөрдөн байцаагч хошууч н.Пүрэвдоржтой уулзсан юм. Энэ үеэр мөрдөн байцаагчийн зүгээс хүүхдийг ээжтэй нь уулзуулж, хооллоход анхаарч ажиллана гэдгээ мэдэгдлээ.

Мөн Хууль зүйн сайд Д.Дорлигжав Цагдаагийн Ерөнхий газрын дарга Р.Чингис нартай утсаар холбогдон хэрэг явдлын талаар хэлсэн юм. Энэ талаарх дэлгэрэнгүй мэдээллийг доорх бичлэгээс харна уу. Тэд