Дөрвөн настай дагавар охиноо хэрцгийгээр зодож аминд нь гэх Т.Цогт, хойд ээж Г.Маралмаа нарт анхан болон давж заалдах шатны шүүхээс тус бүрт нь 24 жилийн хорих ял ногдуулсан.

Харин Дээд шүүхээс хэргийг нэмэлт мөрдөн байцаалтад буцаасан юм.

Г.Маралмаа ял эдлэж байх хугацаандаа буюу оны өмнөхөн нярайлж, охинтой болсон. Таван сартай охин өдгөө Г.Маралмаагийн нагац эгчийнх нь асрамжид амьдарч байгаа аж. Гэвч нагац эгч нь өөрөө өрх толгойлсон, амьдралын боломж тааруу учраас хүүхдийг эхтэй нь хамт байлгах эсвэл асран хамгаалагч хайх хүсэлтийг Хүний эрхийн үндэсний комист гаргажээ.

Г.Маралмаагийн охины асуудалд "Хүүхдийн төлөө Үндэсний төв"-ийнхөн ямар арга хэмжээ авах нь одоогоор тодорхойгүй байна. Тус байгууллагын эх сурвалжийн мэдээлж буйгаар "Г.Маралмаагийн зүгээс нэхэмжлэл гаргасан тохиолдолд хүүхдийн эрхийг хууль эрх зүйн хүрээнд хэрхэн хамгаалах асуудалд тандалт судалгаа хийж, туслалцаа дэмжлэг үзүүлнэ" гэсэн юм.