2. Мексикийн иргэн Иусус Чуе бусдаас өвөрмөц, нүүрээрээ дүүрэн үстэй төрсөн гэр бүлийнхээ хоёр дахь гишүүн юм. Чуеийн нүүрийг бүрхсэн үсийг хараад хүмүүс түүнийг хүн чоно эсвэл сармагчин хүн гэж дууддаг аж. Тэрбээр гэрлэж, хоёр охинтой болсны нэг нь мөн л аав шигээ үсэрхэг нүүртэй төрсөн гэдэг.

3. Ларри болон Дэнни Гомез нар үсэрхэг биеийнхээ ачаар Англид танигдсан. Агаарын акробат үзүүлдэг авъяастай ах дүү хоёрыг “X-Files” кинонд тоглохыг санал болгож байжээ.

4. Түүхэнд арслан нүүрт хүн хэмээн бичигдсэн байдаг Степан Бибровски Польшд  1891-1932 оны хооронд амьдарч байжээ. Түүний бүх биеээр урт шаравтар үс ургасан байдаг тул арслан нүүрт гэж нэрлэдэг байв. Түүнийг жинхэнэ арслангийн үр удам гэж итгэдэг хүмүүс ээжийг нь буруутгадаг байсан аж.

5.Энэтхэгийн Мумбай хотод амьдардаг Прутвирал Патил хүүгийн биеэр зогсолтгүй ургах үсийг эмч нар нь “хүн чонын синдром” гэж нэрлэжээ. Чухам юунаас болж ийм өвчин туссан, яаж эдгээх аргыг нь одоо хүртэл олоогүй байгаа аж. Эцэг эх нь янз бүрийн туяаны эмчилгээ хийлгэсэн ч нэг нь үр дүнгээ өгөөгүй байна.

6. Анни Жонес 1800-гаад оны үед АНУ-д “Сахалтай эмэгтэй” нэрээр алдарт гарч байв. Тэрбээр Барнумын нүүдлийн театрт ажилладаг байжээ. Гэхдээ түүнийг зүгээр л сахалтай эмэгтэй байсан уу эсвэл генийн өөрчлөлттэй нэгэн байсан уу гэдэг нь тодорхойгүй байдаг аж. Анни сүүлд дэлхий даяар аялан тоглолт хийж явахаас залхаж Орост амьдрах болжээ. Амьдралынхаа сүүлийн жилүүдэд тэрбээр хөгжимчин болсон бөгөөд сүрьеэ өвчний улмаас таалал төгссөн байна. Анни хоёр удаа гэрлэсэн ч сүүлийн нөхөр нь түүнийг амьд ахуйд нас барсан гэдэг.

7. Тайландын 13 настай охин Супатра. Түүнийг багаас нь үсэрхэг нүүрнээс нь болж хүүхдүүд шоолдог байжээ. Харин Гениссийн номд бичигдсэн цагаасаа тэрбээр сургуулийнхаа хамгийн алдартай сурагч нь болсон байна. Супатра амбрас синдром гэдэг үс ургадаг өвчтэй ч удаан амьдарч чадсан 50 хүний нэг юм.

8. Жулиа Пастрана /1834-1860/ бол 19-р зууны үед амьдарч байсан Мексикийн уугуул. Түүний нүүр царай сармагчинтай үнэхээр төстэй. Түүний хамар, энгийн хүнийхээс хамаагүй том бөгөөд шүд нь ч ер бусын хэлбэртэй байжээ. Чарльз Дарвин түүний дээд болон доод шүд нь илт зөрдөг бөгөөд нүүрний бүтэц нь гориллатай адил тухай тэмдэглэн үлдээсэн байдаг.

9. Пуэрто Рикогийн эрэг дээр өссөн Персилла гэх энэ эмэгтэй 1911 онд төржээ. Төрсөн цагаасаа л тэрбээр олон нийтийн болон анагаах ухааны салбарынхны анхаарлыг өөртөө татжээ. Персиллаг нялх байхад эцэг эх нь эмчлүүлэхээр Нью-Иорк хот руу авч явсан ч үс ургах өвчнийг нь эдгээж чадаагүй байна. Тэрбээр 2001 онд 89 насандаа таалал төгссөн.

10. Оросын Санкт Петербург хотод төрсөн Федор Жевович сармагчин гэхээсээ нохойтой илүү төстэй. Тэрбээр мөн л 16 наснаасаа Барнумын нүүдлийн циркт ажиллаж байсан спортод авъяастай нэгэн байжээ. Федор орос, герман, англи хэлэр чөлөөтэй ярьдаг байсан тухай түүхчид тэмдэглэсэн байдаг аж.

Т.Гэрэл