Тиранозаурус Батаарыг Монголд авчрахаар болоод байгаа. Уг хэрэг ямар шатандаа явааг Ерөнхийлөгчийн хуулийн бодлогын ахлах зөвлөх П.Цагаанаас тодрууллаа.
    Тиранозаурус Батаарыг Монголд авчрахаар болоод байгаа. Уг хэрэг ямар шатандаа явааг Ерөнхийлөгчийн хуулийн бодлогын ахлах зөвлөх П.Цагаанаас тодрууллаа.

-Тиранозаурус Баатарыг Монголд авчрах гэж байгаа. Одоо ямар шатандаа явна?

-Би энэ асуудлаар АНУ-д ажиллаад ирлээ. Хууль зүй сайд нь прокурорын үүрэг гүйцэтгэдэг учраас би Хууль зүйн яаманд нь очсон. Батаарын хэргийн мөрдөн байцаалтын ажиллагаа ямар байгааг судлаад ирсэн. Үндэсний аюулгүй байдлын яамны хоёр байцаагч энэ хэрэгт оролцож байгаа. Яагаад гэхээр гаалийн байгууллага нь Үндэсний аюулгүй байдлын яаманд харьяалагддаг.Эхэндээ Монгол Улсын Ерөнхийлөгч шүүхэд заргалдаад явж байсан. Сүүлдээ АНУ-ын Хууль зүй яам нь ороод Батаарыг авах асуудлаар шүүхэд нэхэмжлэл гаргаад байгаа. Тэгээд Нью Иорк хотын шүүгчийн шийдвэрээр дуудлага худалдаа явуулсан компанийн агуулахад хадгалагдаж байсан үлэг гүрвэлийн ясыг хурааж авсан. Одоо АНУ-ын Засгийн газрын агуулахад хадгалагдаж байгаа.

-Цаашид яах вэ?

-АНУ-ын хуулиар нөгөө талын эрх ашгийг бас бодолцох учиртай. Шүүгчийн шийдвэрээр үлэг гүрвэлийн ясыг хураагаад авсан байгаа. Тэгэхээр хураалгасан тал хоёр сарын дотор шүүхэд нэхэмжлэл гаргаж болох юм байна. Борокоби гэх хүн Англиас аваачсан гэдэг нь тогтоогдсон. Оруулахдаа АНУ-ын гаалийн болон худалдааны олон хуулийг зөрчсөн нь мөрдөн байцаалтын явцад тогтоогдоод байгаа. Гэсэн ч тэр хүний шүүхэд хандах эрх нь нээлттэй. Хоёр сарын хугацаанд хүлээнэ. Англиас үлэг гүрвэлийн ясыг АНУ-д оруулсан энэ этгээд нэхэмжлэл гаргавал шүүх хурал болно. Хэрвээ буруугаа хүлээж нэхэмжлэл гаргахгүй бол шүүхийн шийдвэр хүчин төгөлдөр болж, Монгол руу ачуулах тухай яригдана.

-Уг хэрэгт палентеологч Р.Барсболд гар бие оролцсон гэх яриа байгаа?

-Монголоос хэн нэгэн хүн гаргасан нь тодорхой. Үүнийг тогтоох асуудал нь хуулийн байгууллагынхны өмнө сорилт авчраад байна. Мөрдөн байцаагч нарыг их чадвартай гэж ярьдаг. Би ч гэсэн тэгэж боддог. Тэр том амьтныг яаж гаргасныг тогтоох байх гэж найдаж байна. Яаран сандран хэн нэгний нэрийг хэлнэ гэдэг байж болохгүй асуудал.

-Энэ хэргийг анх мэдээлсэн палентеологч Н.Болорцэцэг гэх эмэгтэйтэй холбоо барьсан уу?

-Өчигдөр уулзсан. Энэ хэрэгт ажиллах боломж олгооч ээ гэсэн хүсэлт тавьсан. Н.Болорцэцэг бол палентеологч, доктор. АНУ-ын улсад ажиллаж амьдардаг. Энэ талаар судалгааны ажил их хийж байсан чадварлаг эмэгтэй.

-Хүсэлтэд ямар хариу өгсөн бэ?

-Хүсэлтийг дэмжиж хүлээж аваад байгаа. Тэгээд БСШУЯ руу явуулна.