Өнөөдөр Улаанбаатар хотыг ирэх 4 жил удирдах шинэ НИТХ анхдугаар хурлаа хийнэ. Гэвч дарга цэргээ томилохгүй. Засаг дарга болох хүн ч тодорхой байгаа. Учир нь нийслэлийн засаг дарга бөгөөд Улаанбаатар хотын захирагч гэсэн урт гуншинтай хүнийг ерөнхий сайд батламжилдаг. Тэгэхээр Засгийн газар шинээр бүрдсэний дараа Э.Бат-Үүлд хотын дарга болох визийг нь дарна. Түүнээс өмнө ямар ч асуудал шийдэгдэхгүй. Засгийн газар мөддөө бүрдэхгүй. Хэнтэй ямар тохироо хийх вэ? гэдгээ ярьсаар бараг 8 сар хүргэнэ. Энэ хугацаанд Улаанбаатарыг удирдах Улсын баатар Э.Бат-Үүл маань хийх ажлаа төлөвлөж байгаагаа хэвлэлээр Б.Баабартай хамт ярьсан. Ажилдаа орох гэж их л яарч байгаа гэсэн ойлголт төрүүлэхээр олон зүйлийг хэлсэн байна лээ.

   Юуны өмнө газрын наймаачдын газрыг хураан авч иргэдэд тарааж өгнө гэсэн. Мөн гэр хорооллуудыг төвийн шугамд холбож, хашаанд нь хаус бариулна гэж амласан. Тиймээс гэр хорооллынхон баатарыгаа хүлээж байгаа. Ирэх дөрвөн жил гэр хороолол хаус хороолол болно. Гэр хороололд амьдарч буй иргэд хаустай болно гэж хөөрөөд наадмаа ч сайн тэмдэглэж чадахгүй догдолж эхэлсэн тухай яриа тарж байна. Иргэдийн ийм их итгэл, догдлол дээр Э.Бат-Үүл хотын дарга болох нь.

   Э.Бат-Үүлийн хийнэ гэж амласан нэг том зүйл бол Сүхбаатарын талбайн хажууд байрлах Улаанбаатар хотын захиргааг гэр хороолол руу нүүлгэх явдал юм. Олон иргэд хотын захиргааг гэр хороолол руу нүүлгэж чадна, чадахгүй гэж мөрийцөж байгаа. Харин “Хотын захиргааг гэр хороолол руу хэзээ нүүлгэх вэ?” гэсэн сэтгүүлчийн асуултад Э.Бат-Үүл баатар “Нүүлгэх газраа товлож байна” гэж хариулсан юм. Тэрбээр ажлаа хүлээж аваагүй байж л хийх юмаа товлоод байгаа бололтой. Ардчилсан намын зарим хүмүүсийн ярьж байгаагаар бол хотын захиргааг Эмээлт рүү нүүлгэхээр төлөвлөсөн гэсэн мэдээлэл таржээ. Энэ мэдээлэлийг одоогоор Э.Бат-Үүл болоод бусад гол хүмүүс нь албан ёсоор батлаагүй байна. Эмээлт гэдэг бол баруун аймаг явах замд байдаг, 22-ийн товчооны цаана одоогийн хотын захиргаанаас 30 гаруй км-ийн зайтай газар. Бас Улаанбаатарын иргэдийг махаар хангах том цэг гэхээр хүмүүс андахгүй. Уг нь Эмээлтийг нэхий шир, мал нядалгааны төв байлгахаар байгуулсан юм. Одоо харин улсын баатарын үед улсын нийслэлийн төв захиргаа болж мэдэхээр байна. Эмээлтийн мал нядалгаа, нэхий ширний үнэр гэж хамар сэтлэм зүйл бий. Мэдээж үүнийг цэгцлэх байх. Хамгийн сонирхолтой нь Улаанбаатарын иргэд 30 км газар явж хотын захиргаан дээрээ очих нь аль хэр мэргэн санаа вэ? Тэр хүрэх замын бөглөрөл, унаа машины зардлыг Э.Бат-Үүл баатар гаргаж өгөх үү? гээд ойлгомжгүй асуудал олон гарна.

  Ямартаа ч хотын захиргааг гэр хороолол руу нүүлгэх нь тодорхой байж мэднэ. Гэр хорооллыг хаус болгож, төрийн үйлчилгээг ойртуулах нь Э.Бат-Үүлийн санаачлага. Харин хэзээ хэрхэн биелэх вэ гээгийг ирэх 4 жилд бүгдээрээ харна.

  төлөвлөж байгаа нь тодорхой аж. Удахгүй ирэх жилийн улсын төсөвт Улаанбаатар хотын захиргааг Эмээлтэд ч юмуу хотын аль нэг захад барихаар олон тэрбум төгрөгийн төсөв хийж УИХ-аар хэлэлцүүлэн шийдвэрлэх биз.

  Хамгийн гол нь Э.Бат-Үүлийн энэ санаачилга аль хэр мэргэн шийдвэр вэ гэдгийг бодолцох ёстой. Өөрийнх нь хэлдгээр гэр хорооллын иргэдээс санал асуулга авч байж шийдвэрлэсэн нь зөв байх. Бас орон сууцны оршин суугчдаас ч асуух ёстой!