Баянзүрх дүүргийн цагдаагийн хэлтсээс морьтой эргүүл Хар усан тохойгоос Баянзүрхийн гүүр, Нийслэлийн хөдөлгөөнт эргүүлийн газраас мотоцикльтой эргүүл Баянзүрхийн гүүрнээс Маршалын гүүр хүртэл, Хан-Уул дүүргийн цагдаагийн хэлтсээс машинт эргүүл Маршалын гүүрнээс Сонсголонгын гүүр хүртэл, Биокомбинатын цагдаагийн тасгаас морьтой урамшуулалт эргүүл Сонсголонгийн гүүрнээс Биокомбинатын гүүр хүртэл ажиллаж байгаа аж. Мөн Нийслэлийн цагдаагийн газраас иргэдэд хандан аялал, зугаалгаар гол мөрний эрэг хавиар буудалласан үедээ архи, согтууруулах ундаа хэтрүүлэн хэрэглэхгүй байх, согтууруулах ундаа хэрэглэсэн хүнийг гол мөрөнд орохыг хориглох, үерлэсэн голд орох, сэлэхгүй байх, автомашинаа голын усанд угаах, бага насны хүүхдийг харуул хамгаалалтгүй явуулахгүй байхыг сэрэмжлүүлж байна. Баяр наадмын үеэр бага насны хүүхэд тань төөрсөн, та бүхэн ямар нэгэн гэмт халдлагад өртсөн тохиолдолд төв цэнгэлдэх хүрээлэнгийн бөхийн аравдугаар хаалганд байрлах цагдаагийн хэсэг, морь барианы газарт байрлах цагдаагийн хүрээ, Мэдээлэл шуурхай удирдлагын төвийн 102, Нийслэлийн цагдаагийн газрын 70121515, Хан-Уул дүүргийн цагдаагийн хэлтсийн 70131134, 93022460, Хүүхэд хамгаалал, хаяг тогтоох төвийн 70122602 утсанд хандахыг зөвлөж байгаа аж.