ОХУ-ын баатар Сергей Шойгу амралтаараа төрөлх Тувадаа өнгөрөөж байна. Орчин үеийн тува нар дотроос улс төрийн хамгийн бөндөр албанд очиж чадсан хүн бол Шойгу билээ. Олон жил Оросын Онцгой байдлын яамыг удирдсан Шойгу одоо Москва мужийн захирагчаар ажилладаг. Амралтынхаа үеэр төрөлх Чадан хотдоо баригдаж байгаа бурхны шашны Уст хүрээний ажилтай С.Шойгу танилцсан байна. 1905-1907 онд тухайн үеийн Ар Монголын харьяа Урианхайн хязгаарт анх энэ хүрээг байгуулсан бололвч 1937 онд нураажээ.
   Тун удалгүй Урианхайн хязгаарыг оросууд Монголоос тусгаар тогтнуулан, удалгүй өөртөө нэгтгэсэн билээ. <br>2008 онд энэ хүрээг Сергей Шойгугийн санаачилгаар сэргээн босгож эхэлсэн юм. Одоо энд Тувагийн нутаг нутгаас ирсэн хэдэн арван сайн дурынхан өглөөнөөс үдэш болтол ажиллаж байна.