АН-ын МАХН-МҮАН-ы “Шударга ёс” эвсэлтэй хамтран байгуулах гэж буй шинэ Засгийн газрын нэр тодорчээ. Өмнө нь Монголын түүхэнд Их эвслийн Засгийн газар, Үндэсний эв нэгдлийн Засгийн газар гэх зэрэг нэртэй нам, эвслүүдийн засаг гарч байв. Харин С.Батболдынх Хамтарсан Засгийн газар нэртэй байсан. Тэгвэл 2012 онд АН-ын толгойлох шинэ Засгийн газар нь Шударга ёсны төлөөх эвслийн Засгийн газар гэдэг нэртэй байх аж. АН-ын дарга Н.Алтанхуяг яагаад МАХН-МҮАН-ы эвсэлтэй нэгдэх шийдвэр гаргасан талаар асуухад “Шударга ёс гэсэн нэртэй нь манай намын үзэл, сурталтай нийцэж байгаа” гэж хариулж байсан удаатай. Энэ дөрвөн жил АН-ынхан “шударга ёс” гэдэг үгээр имижээ бүрдүүлэхийг зорьж байгаа бололтой.