Өнөөдөр БНСУ-ын Кёнгнам аймгийн цагдаагийн газарт согтуугаар автомашин жолоодож явсан Монгол иргэн К саатуулагдлаа. Тэрээр согтуугаар машин жолоодох үедээ эсрэг урсгалд орж, өөдөөс явсан машинтай мөргөлдсөн байна. Улмаар дотор нь сууж явсан дөрвөн Солонгос иргэнийг гэмтээжээ. Тэднийг ойролцоох эмнэлэгт үзүүлж, яаралтай түргэн тусламж үзүүлсэн байна.Тэрээр өглөөний 07.15 цагт Кёнгнам , Чонгнам дахь нэгэн зам дээр 0.150%- ийн хэт согтолттойгоор, автомашин жолоодох эрхийн үнэмлэхгүйгээр машин жолоодож явж байсан аж.
К нь тус улсад хууль бусаар амьдарч байгаа бөгөөд тодорхой эрхэлсэн ажилгүй голдуу барилгын арбайт хийдэг байсан гэж мэдэгдсэн байна. Мөн жолооны үнэмлэх, автомашины ямар нэгэн даатгалгүйгээр машин жолоодож байсан бөгөөд түүний машин хэний нэр дээр байсан, хэрхэн тэрээр хууль бусаар машин жолоодох боломжоор хангагдаж байсан зэргийг цагдаагийн газраас эрүүгийн хэрэг үүсгэн шалгаж эхэлжээ.
Б.Чимэг
