НҮБ-ын хүүхдийн сангаас гаргасан тайланд Йемен улсад олон зуун мянган хүүхэд өлсгөлөнд нэрвэгдэж, нэг сая гаруй хүүхэд хүнс тэжээлийн архаг дутагдалд ороод байгааг дурджээ. Тус улсын таваас доош насны нийт хүүхдийн 60 орчим хувь нь хагас өлсгөлөнгийн байдалтай байгааг НҮБ анхааруулж байна.
   НҮБ-ын хүүхдийн сангаас гаргасан энэ тайланд Йемен улс нь хүнс тэжээлийн архаг дутагдлын түвшнөөрөө хоёр дугаарт бичигджээ. Нэгдүгээрт Афканистан бичгдсэн байна. Тйимээс Европын Холбоо Йеменд нүүрлээд буй өлсгөлөнтэй тэмцэхэд таван сая евро хандивлахаарболжээ.
Йемений нийслэл Сана хот дахь хувьсгалын эмнэлэгт хүнс тэжээлийн дутагдлаас болж яс арьс болтлоо турж эцсэн хүүхэд олноор эмчлүүлж байна Хэрвээ яаралтай арга хэмжээ авахгүй бол Йеменд өнөөдөр 250 мянга орчим хүүхэд өлсгөлөнгөөс болж амиа алдах аюулд  хүрээд байгааг ЮНИСЕФ-ийн төлөөлөгч Герт Капелари хэлж байгаа юм.
   Одоогийн байдлаар  Йемений нийт хүн амын 44 хувь нь буюу 10 сая гаруй хүн өлсгөлөнгөөс болж бие нь сулдаж хэвтэрт ороод байгаа аж. Тэдэнд идэх хангалттай хүнс байхгүйн  дээр сүүлийн  нэг  жилд  хүмүүсийн худалдан авах чадвар нь эрс буурсан байна.  Учир нь Йеменд ажилгүйдлийн түвшин нэмэгдэж, хүнс штахууны үнэ өссөнтэй холбоотой. Тус улс нь хүнсний гол бүтээгдэхүүн болох гурил, элсэн чихрийнхээ 90 хувийг гаднаас импортлон оруулдаг .  Үүнээс гадна тус улсын улс төрийн тогтворгүй байдал, омог аймгуудын хоорондох зөрчилдөөн нь дүрвэгсдийн тоог нэмэгдүүлж, иргэдийг нь олон улсын хүнсний тусламжаас хараат болгоход нөлөөлж байгаа юм.