Долоодугаар сарын 27-ноос наймдугаар сарын 12-н хүртэл үргэлжлэх Лондонгийн олимпийн зуны их наадамд Монгол Улс спортын долоон төрөлд 29 тамирчин, паралимпийн төрөлд зургаан тамирчнаа оролцуулах гэж байгаа билээ. Тэгвэл өнөөдөр 11:00 цагт Биеийн тамир спортын улсын хороонд “Лондон-2012” зуны олимпд оролцох Монголын баг тамирчдын гурав дахь хэсэг болох боксын тамирчдыг үдэх арга хэмжээ болох юм. 
Манай баг тамирчдын хувьд олимпийн салхийг хагалж байт харвааны төрөлд олимпийн эрх өвөртөлсөн Ж.Гантөгс, Б.Урантунгалаг нар олимпийн нээлтийн өдөр анхны сумаа тавих юм. Харин хоёр дахь өдөр жүдо бөхийн эрэгтэйчүүдийн 60кг-д дэлхийн залуучуудын хошой мөнгөн медальт Д.Төмөрхүлэг, эмэгтэйчүүдийн 48кг-д М.Уранцэцэг нар Лондонгийн татамид зодоглох ажээ.
                                                                                                                                                                                    Ц.Болор