Төмөр замын тээврээр оны эхний хагас жилд 9951.2 мянган тонн ачаа тээж, давхардсан тоогоор 1956.3 мянган зорчигч зорчжээ. Энэ нь өмнөх оны мөн үеийнхээс тээсэн ачаа 1426.4 мянган тонн буюу 16.7 хувь, зорчигчдын тоо 135.2 мянган хүн буюу 7.4 хувиар өсчээ.
Тээсэн ачаа, зорчигчдын тоо өссөнөөс төмөр замын тээврийн салбарын орлого оны эхний хагас жилд 208.4 тэрбум төгрөг болж, өмнөх оны мөн үеийнхээс 19.5 хувиар өсчээ.
Агаарын тээврээр оны эхний хагас жилд 1876.3 тонн ачаа тээж, давхардсан тоогоор 321.3 мянган зорчигч зорчсон нь өмнөх оны мөн үеийнхээс тээсэн ачаа 95.6 хувь, зорчигчдын тоо 37.2 хувиар өсчээ.
Тээсэн ачаа, зорчигчдын тоо өссөнөөр агаарын тээврийн салбарын орлого оны эхний хагас жилд 74.8 тэрбум төгрөг болж, өмнөх оны мөн үеийнхээс 12.1 тэрбум төг буюу 19.2 хувиар өслөө.
                                                                                                                                                                                    Ц.Болор