АНУ руу зүрхний эмчилгээ хийлгэх гэж явсан УИХ-ын гишүүн асан С.Баяр өнөөдөр эх орондоо ирэх сураг гараад байна. Түүнийг Улсын баяр наадмаас өмнө Монголдоо ирж наадамлана гэж байсан ч ирээгүй. Харин МАН Засгийн газрын гадна үлдэхээр болж буй энэ үед түүнийг хүлээж буй цөөнгүй хүн байгаа юм. Биеийн байдлаас болж энэ жил гишүүний ажилдаа ч олигтой оролцоогүй, намын бодлогоос хол хөндий явсан түүнийг үгүйлж эхэлсэн бололтой. МАН-ын ерөнхий нарийн бичгийн дарга Ү.Хүрэлсүх суудлаасаа бууж, МАН-ын шинэ даргын яриа гарах болсон үед С.Баяр ямар нэг өөрчлөлт хийж магад гэсэн горьдлого зарим хүнд байгаа бололтой. Учир нь тэрбээр МАН-ын удирдан сонгуульд өрсөлдөх бүрдээ намдаа ялалт авчирч байсан юм.