Дэлхийн хүн амын өдөр энэ сарын 11-нд тохиосон. “ Бүх нийтээрээ нөхөн үржихүйн эрүүл мэндийн тусламж үйлчилгээнд хамрагдах нь ” уриатайгаар зохион байгуулсан. Энэ өдрөөр дэлхий нийтийн хүн амын нөхөн үржихүйн тулгамдсан асуудлыг авч үзсэн юм. Үүнд эмэгтэйчүүдийн үр хөндөлтийн асуудал хурцаар тавигдсан байна. Манай улсад жилд 80 мянга гаруй жирэмслэлт бүртгэгдэж байгаагаас 12 мянга нь хүсээгүй жирэмслэлт байдаг юм. Үүний 95 хувь нь үр хөндүүлдэг гэсэн судалгаа гарчээ. Дэлхийн нэгдсэн үзүүлэлтээр гурван хүн тутмын нэг нь үр хөндүүлж байгаа бол манай улсад үр хөндөлт зургаан жирэмслэлт тутамд нэг тохиож байна. Эдгээр үзүүлэлтээс үзвэл Нөхөн үржихүйн эрүүл мэнд дэлхий нийтийн анхаарлын төвд байгаа юм.
Ц.Болор
