Монголын Үндэсний Циркийн сурагчдын амралтанд зориулсан тоглолт эхэлжээ. 11 сарын 4-ний өдрөөс сурагчдын амралтанд зориулан олон гайхалтай үзүүлбэрүүд багтсан “Гайхамшигт циркийн тоглолт” тоглоход бэлэн болоод байгаа юм байна.

Энэхүү тоглолтонд Монголын жүжигчдийн олон улсад тоглогддог шилдэгийн шилдэг үзүүлбэрүүд багтсан бөгөөд цухас дурьдахад Монте Карло тэмцээний шагналт акробатын үзүүлбэр, дэлхийд цөөхөн тоглогдсон амь дүйсэн агаарын цагираг, аварга могойн үзүүлбэр болон олон жилийн дараа дахин тоглогдож буй хүнд жин, хүч тамирын гайхамшигт үзүүлбэр, хүүхэд багачуудын хайртай алиалагч, хачирхалтай илбийн үзүүлбэр гэх мэт нүд хужирлам олон сайхан үзүүлбэрүүд тоглогдох нь.

Тоглолт  11 сарын 4, 5 буюу энэ долоо хоногийн бямба, ням гарагт 15 цагаас Монголын Үндэсний Циркт болох ба тасалбарын үнэ 6000₮-өөс эхэлнэ. Тасалбарыг циркийн билетийн касс болон 1900-1950 лавлахаар үнэгүй хүргүүлэх боломжтой. Мөн UNITEL–ийн хэрэгчид циркийн билетийн касснаас  100GG –ээр нэг тасалбарыг 50 хувь хямдралтайгаар худалдаж авах боломжтой.  

Дэлгэрэнгүй мэдээллийг: 80996811 99906811 дугаараас

www.facebook.com/MongolianNationalCircus хуудаснаас тус тус лавлаарай.