Лондоны олимпийн наадмын жүдо бөхийн 73 кг-ийн жинд барилдаж, хүрэл медаль хүртсэн С.Ням-Очир эх орондоо ирсэн даруйдаа хуримын бэлтгэлдээ орсон байна. Тэрбээр ОУХМ П.Лхамдэгдтэй үерхдэг бөгөөд хосууд билгийн тооллын намрын дунд сарын шинийн 17-ны буюу Дашням, Балжинням давхацсан билэгт сайн өдөр хуримлахаар зэхэж байгаа аж. Энэхүү өдөр нь аргын тооллын 10 дугаар сарын 2-нд тохиож байгаа юм.