Улаанбаатар
Өнөөдөр / 2026.11.19
Өдөртөө
Шөнөдөө
ХАЙЛТ ХИЙХ
Эхлэл
Улс төр
Эдийн засаг
Нийгэм
Дэлхий
24 баримт
24 фото
COP17
Спорт
Видео
Сошиал мэдээ
  • Эхлэл
  • Улс төр
  • Эдийн засаг
  • Нийгэм
  • Дэлхий
  • 24 баримт
  • 24 фото
  • COP17
  • Спорт
  • Видео
  • Сошиал мэдээ

“Шүүр”-тэй эгчийн тэмцэл

2019-5-11
0
ЖИРГЭХ

“Улсын Нэгдүгээр Төв Эмнэлгийн Элэг шилжүүлэн суулгах баг анх 2011 оны есдүгээр сарын 24-ний өдөр “АСАН” анагаах ухааны төвтэй хамтран анхны элэг шилжүүлэн суулгах мэс засал хийж байсан бол өнөөдрийн байдлаар 68 дахь мэс заслаа бие даан амжилттай хийжээ. 2019 оны байдлаар нийт тав нь элэг шилжүүлэн суулгах мэс засал хийснээс дөрөв нь амьд донороос элэг шилжүүлэн суулгах мэс засал, нэг тархины үхэлтэй донороос элэг шилжүүлэн суулгах мэс засал хийсэн байна”. Энэ мэдээг уншсан даруйд нэгэн хүний тухай бичиж, дурдахаар болсон юм.


Цахим ертөнцийнхөн түүнийг “Шүүртэй эгч” гэж хочилдог. Харин үзэгчид “Цензургүй яриа”, “Цензургүй сурвалжлага”-ын хөтлөгч, уншигчид нийтлэлч Л.Мөнхбаясгалан нэрээр нь илүү мэднэ. Хийсэн нэвтрүүлэг бүрийнх нь араас сайшаал гэхээсээ шүүмжлэл, хардлага, түүн рүү дайрсан янз бүрийн сэтгэгдэл зэрэгцэн хөврөх нь энүүхэнд. Тэглээ гээд “Шүүртэй эгч”-ийн үзэг мохдоггүй. Эсрэгээрээ энэ бүх дайралтыг үл ажран ажлаа үргэлжлүүлдгээрээ бусдаас ялгардаг. Өөрөө ч энэ бүхэнд ямар нэгэн няцаалт, ач холбогдол өгөхгүйгээр ярилцлага, сурвалжлагаа бэлтгэсээр өнөөдрийг хүрч байна. Ирвэс хамгаалагч залуугийн учир битүүлэг үхэл, Монгол дахь Мүүний шашны эргэн тойронд зэрэг нийгмийн анхаарлын төвд орсон сэдвийг “Цензургүй сурвалжлага”-аараа нэхэн сурвалжилсныг хүн бүр өөр өөрийн өнцгөөс харж, тэр хэмжээгээрээ үзэл бодлоо илэрхийлсэн сэтгэгдэл, дүгнэлтүүд цахим ертөнцөөр минут тутамд хөвөрч байсан нь саяхан.

Харин тэрбээр ээлжит нэгэн сурвалжлагаа бэлтгэн олон нийтэд хүргэсэн нь дахин анхаарлын төвд орсон билээ. Гурав орчим жилийн өмнөхөн дөө. “Цензургүй сурвалжлага” нэвтрүүлгээр Монгол хүн бүрт хамгийн хамаатай атлаа хамгийн хайхрамжгүй хандах болсон хорт хавдрын тухай хөндсөн. Уг сэдвийг нь хүн бүр чихэндээ улиг болтлоо сонссон мэт боловч утга агуулгын хувьд энэ нэвтрүүлэг монгол хүн бүрийн сэтгэлд нэгэн гэрэл асаалаа. Өөрөөр хэлбэл, хорт хавдрыг жигших, түүнтэй тэмцэх, өнгөрснөөс өнөөдрийг хүртэлх хугацаанд яагаад ийм байдалд хүрснээ эргэж харах сэдлийг хүн бүрт өгсөн хэрэг. Сүх далайтал үхэр амар гэдэг шиг аливаа асуудалд хэтэрхий амгалан тайвнаар ханддаг сэтгэхүй монголчуудын ой тоонд бий. Өөрөө л бие, сэтгэлээрээ мэдрэхгүй бол өрөөлд юу ч тохиолдсон хараагүй, сонсоогүй юм шиг өнгөрөх нь бишгүй олон. Олон жилийн турш бидний сэтгэхүйд хадаатай явсан энэ ойлголтын уршгаар хорт хавдар, ялангуяа хүн амын дундах элэгний өвчлөл гамшгийн хэмжээнд хүрсэнтэй хэн ч маргахгүй. Ганцхан жишээ дурдахад Монгол Улс 100 мянган хүн тутам дахь элэгний хавдрын нас баралтаар дэлхийд нэгдүгээр байр эзэлж, бусад орныг тоосондоо дарсаар олон жилийг ардаа үдээд байна. Хамгийн эмзэглэмээр нэг зүйл нь дээрх үзүүлэлт нь дэлхийн дунджаас найм дахин их хэмжээнд байгаа нь өөрөө асуудал юм. Энх цагийн Монголд элэгний өвчлөлтэй холбогдуулж, онц байдал зарлах хэмжээний л үзүүлэлт гэсэн үг. ™ Санаж байгаа бол “Үлдэж байгаа хэдийгээ өр ширэнд оруулаад, орон байр ч үгүй болгоно гэж бодсон. Тиймээс надад хэр хугацаа үлдсэнийг шударга хэлчих гээд эмчээс асуутал “Та арван сарын дараа ингэж ярьж, явж чадахгүй” гэсэн. Өөртөө байгаа бүх зүйлээ зарахад бэлэн байна. Яагаад гэхээр, амьдрал анхнаасаа хоосон аяга шанагатай эхэлдэг. Гэвч миний эмчилгээнд хүрэхгүй учраас нэмэр болох боломжтой бүхий л зүйлийг хүлээж байна” гэж ярих аав, “Миний аав бол хамгийн сайн хүн. Аав гэдэг охиддоо өмөг түшиг болж, амьдралыг нь бий болгож өгдөг хүн шиг санагддаг. Ээж хүн хүүхэд төрүүлж өгдөг. Гэхдээ миний аав бол миний бие хүнийг бий болгоход хамгийн их тус болсон хүн” хэмээн нүдний аягандаа дүүрсэн нулимсаа мэлтэлзүүлэх охины яриаг “Цензургүй сурвалжлага”-ын үеэр гаргасан нь одоо ч үзэгчдийн ой тооноос гараагүй байх. Зарим нь сэтгэл эмтэрсэндээ телевизийнхээ өмнө нулимс унагасан ч байж мэдэх. Мэдээж хорт хавдар хэмээх гамшгийн хэмжээнд хүрсэн энэ өвчний уршгаар олон хүний элэг эмтэрч, олон зуун аав, ээж, ах, дүү, үр хүүхэд, хамаатан садан, найз нөхдийнх нь амьдрал хором бүрээр хэмжигдэх болсныг сурвалжлагын багийнхан нэвтрүүлгийн оролцогч Д.Дашдаваа, түүний охин Д.Билгүүнзаяа нараар төлөөлүүлсэн байх. Ханьдаа, охиндоо, хамаатан садан, найз нөхдөдөө хэрэгтэй учраас элэг шилжүүлэн суулгах хагалгааг хийлгэхээс өөр сонголтгүй үлдсэн Д.Дашдаваа шиг олон зуун айл өрх Монголд бий. Гэвч өөрсдөдөө байгаа хөрөнгө болох хашаа байшин, орон сууцаа банкны барьцаанд тавьчихаад үр хүүхэд, хань ижлээ орон гэргүй үлдээж, өөрөө гадаадыг зорих нь хэд билээ. Бодох гээд үзье. Бараг л байхгүй болов уу. Тэдний дунд эмчилгээний зардлынх нь 10 хувьд ч хүрэхгүй хэмжээнд үнэлэхээр хөрөнгөтэй нь ч байгаа. Амьдралын асар хатуу болзол гэмээр ийм нэгэн нугачаанд орсон олон зуун гэр бүл Д.Дашдаваагийн адил цаг минут, хором бүртэй бие сэтгэлээрээ тэмцэж байна. Хавдар олон янз. Элэг, ходоод, улаан хоолой, уушги, умайн хүзүү, хөхний, бас хортой, хоргүй гээд. Эдгээр өвчнөөс элэгний хорт хавдар өдөрт таваас зургаан хүнд шинээр оношлогдож, дэлхийд энэ өвчнөөр тэргүүлэх орон болсон нь нэн түрүүнд анхаарал хандуулах асуудал мөн үү гэвэл мөн. Тэдгээрээс боломжтой хэсэг нь хилийн дээс алхдаг бол боломжгүй зарим нь эмнэлэг, Хавдар судлалын үндэсний төвийг зорьж байна. Хилийн цаана энэ төрлийн эмчилгээг хамгийн хямд хийдэг Энэтхэг Улсад гэхэд доод тал нь 120 сая төгрөгөөр эмчилдэг ч энэ бол зөвхөн хагалгааны төлбөр гэдгийг тодотгоё. Үүнээс цааш үргэлжлүүлэн эмчлүүлбэл 120 саяас хол давах нь мэдээж. Харин боломжгүй хэсэгт нь эмнэлэг бараадахаас өөр сонголт үгүй.
Хатуухан хэлэхэд хоногоо хүлээн хэвтэж буйгаас өөрцгүй. Энэ бүх шалтгаанаас нэн түрүүнд эх орондоо элэг шилжүүлэн суулгах мэс засал хийдэг болох нь бидэнд чухал юм.

Уг нь ХСҮТ-ийнхөн 2016 ондоо багтаан уг ажилбарыг хийх томоохон зорилт тавин ажиллаж байгаа юм билээ. Хилийн дээс алхахгүйгээр эх орондоо эмчилгээ хийх сайн мэдээний өртөг нь хоёр тэрбум төгрөг. Гэвч энэ хөрөнгөөс нэг тэрбум нь сох дутаж байгаа нь олон хүний хүсэл мөрөөдөлд хаалт хийх шалтгаан болоод байна. Хэрвээ нэг тэрбум төгрөгийн санхүүжилтийг шийдвэрлэчихвэл элэг шилжүүлэн суулгахад шаардлагатай тоног төхөөрөмжийг авчирч монголчууд өөрсдөө хагалгаа хийх бүрэн боломжтой болох юм. Олон хүүхдийг, аавыг, ээжийг, ахыг элэг бүтэн амьдралтай болгох шиг сайхан зүйл мэдээж байхгүй. Гэвч тэрбум төгрөгийг хаанаас олох вэ гэдэг асуудал ХСҮТ-д тулгарснаар наашаа ч үгүй, цаашаа ч үгүй гацаад байгаа нь энэ. Харин жил гаруйн хугацаанд хорт хавдрын эсрэг аян өрнүүлсэн, түүнтэй тэмцэхийг бусдадаа уриалсан, сүүлд “Цензургүй сурвалжлага” бэлтгэн олон нийтэд хүргэсэн “Шүүртэй эгч” “Элэг нэгт монголчууд” сангаар дамжуулж хандив өргөхийг нийт монголчууддаа уриалж эхэллээ. Тэрээр эхний ээлжид НИТХ-д хандсан. Учир нь, монголчуудын дундах элэгний өвчлөлийн дийлэнх нь буюу 1.5 сая иргэн Улаанбаатарт амьдардаг гэсэн судалгаа бий. Тиймээс ХСҮТ-д шаардлагатай тэрбум төгрөгийг нийслэлийн төсвөөс гаргаж өгөхийг ИТХ-ын төлөөлөгчдөд уриалсан нь энэ байв. Нийслэлийн өнгө үзэмжийг сайжруулах чиглэлээр хотын удирдлагууд нэлээд хөрөнгийг зарсаар байгаа. Тэдгээрээс нэг настай цэцгэнд зориулж жил бүр тэрбум, хогны ногоон уутанд тав орчим тэрбум төгрөг гээд тоочвол цөөнгүй.

Мэдээж хүн амынх нь талаас дээш хувь нь суурьших болсон хотоо цэвэр цэмцгэр, өнгө үзэмжтэй байлгах нь хотын удирдлагууд төдийгүй хүн бүрийн хүсэл байх. Гэхдээ бүтээн байгуулалт өрнөсөн гоё сайхан хоттой байлаа гээд хүн ам нь хорт хавдраар хорвоогийн мөнх бусыг үзүүлэх нь байж болохгүй зүйл. Эрүүл, аюулгүй орчинд амьдрах Үндсэн хуулийн заалт ч энд хөндөгдөнө.  Харин хотын иргэн бүр эрүүл, элэг бүтэн амьдралтай байх нь аз жаргалтай хот байхын үндэс суурь болох учиртай. Хамгийн сүүлд нийслэлийн ИТХ дахь МАН-ын бүлгийн ахлагч Д.Амарбаясгалан тэргүүтэй төлөөлөгчид “Элэг нэгт монголчууд” сангаас ирүүлсэн саналыг дэмжиж буйгаа илэрхийлж гарын үсгээ зуржээ. Мөн дээрх хөрөнгийг нийслэлийн Засаг даргын нөөц хөрөнгөөс ч гаргах боломжтойг дурджээ. Нийслэлийн Засаг дарга Э.Бат-Үүл ч шаардлагатай гэж үзвэл нийслэлийн ИТХ-аар оруулж хэлэлцүүлэхээ “Элэг нэгт монголчууд” сангийнханд хэлсэн байна лээ. Мэдээж энэ бол сайн мэдээ. Нэг тэрбум төгрөгийг хандиваар босгох нь амаргүй ажил. Үүнийг хэрэгжүүлэхээр зорьж байгаа “Шүүртэй” эгч тэргүүтэй хүмүүсийн хувьд амаргүй даваа байх нь дамжиггүй. Гэхдээ нэг хэсэг хүний бус нийтийн хүчээр хорт хавдартай тэмцэх эхлэлийг “Шүүртэй эгч” тэргүүтэй “Элэг нэгт монголчууд” сангийнхан хэдийнэ тавиад байна. Олны хүч оломгүй далай гэдэг. Үүн шиг нийтлэлч Л.Мөнхбаясгалан тэргүүтэй “Элэг нэгт монголчууд” сангийнхан хандивын аян, “Цензургүй сурвалжлага”-аараа дамжуулан хорт хавдрын эсрэг тэмцэл өрнүүлж, Монгол хүн бүрийн сэтгэлд гэрэл асааж эхэллээ. Гагцхүү тэр тэмцлийн гэрлийг унтраах уу, эсвэл улам тод гэрэлтүүлэх үү гэдэг нь дарга, цэрэг гэлтгүй та бид бүгдээс шалтгаалах учир нийтээрээ нэгдэх цаг хэдийнэ болжээ.

С.Гандөл /2016/

0
ЖИРГЭХ
Санал болгох
Үндэсний аврах бригад Имарттай хамтран 3,500 айл өрхөд угаарын хийн мэдрэгч суурилуулна
8660 хүүхэд гэртээ ойр суралцаж, анги дүүргэлтийн асуудал буурсан үзүүлэлттэй байна
ХЭҮК: Хаврын морин уралдааныг сэргээх хуулийн төслийг дэмжихгүй
Цахилгааны 1.05 сая тоолуурын 855.1 мянгыг ухаалаг болгожээ
АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (5)

  • Зочин (64.119.27.206)
    Нүгэл чинь нүдээрээ гарах цаг энэ амьдралд чинь их ирэх л болно
    2019 оны 05 сарын 12 | Хариулах
  • Мөнхбаясгаланд (112.72.11.122)
    Та хорт хавдрын асуудлаа битгий орхиоч дээ. Хичнээн их буян хэмжээлшгүй их ачлал хүмүүст хүргэдэг билээ дээ. Та ээжийнхээ тухай бичиж байснаа санаж явдаг биз дээ
    2019 оны 05 сарын 12 | Хариулах
  • Зочин (58.140.202.122)
    энэ бүсгүй бол жинхэнэ сэтгүүлч хүн юм билээ.сэтгүүлч хүний шудрага зоригтой бас эвтэйхэн овжин зан чанарууд бүгд энэ сэтгүүлч бүсгүйд байдаг .дэмждэг шүү баярлалаа
    2019 оны 05 сарын 12 | Хариулах
  • zochin (62.47.240.34)
    baba yaga shuuree bariad xol yavaxgui pop
    2019 оны 05 сарын 12 | Хариулах
  • зочин (202.9.43.0)
    энэ сэтгүүлч эмэгтэй ажилаа үнэн сэтгэлээсээ хийдэгт нь баярлаж хийсэн нэтрүүлгийг нь үргэлж үздэг багын хамт олон нь сайн мэрэгжтэнгүүд бүх сэтгүүлчид ийм байх нь яахав ядаж шудрага баймаар байдаг зарим сэтгүүлчид цалин авдаг хүний эрхшээлд байдаг байхаа овоо шудрага байх гэсэн сэтгүүлчийг байраар барьцаалаад хэцүү байлгадаг байх даа ойлгож байна хирэн дээ сайн шүү зөрчилийн хууль гэж ёстой гамшиг дундад зуунаар бол дөнгөлчихсөн хамжилгат тариачин юм даа дандаа ийм байхгүй байхаа гэж итгэж байна
    2019 оны 05 сарын 12 | Хариулах
  • Шинэ
  • Их уншсан
  • Их сэтгэгдэлтэй
  • У.Хүрэлсүхийн төрийн тэргүүний хувиар хэлсэн сүүлчийн үгнээс "онцлох" 24 эшлэл
    20 мин
  • Үндэсний аврах бригад Имарттай хамтран 3,500 айл өрхөд угаарын хийн мэдрэгч суурилуулна
    1 цаг 18 мин
  • Европын 23 орны 23 киног БНСУ-ын Сөүл хотод үнэ төлбөргүй толилуулна
    2 цаг 22 мин
  • Монгол улсын шигшээ багийн тамирчин Алтангэрэлийн Азбаяр Японы B.LEAGUE-ын "ASIA ALL-STARS" багийн бүрэлдэхүүнд шалгарчээ
    2 цаг 39 мин
  • Үнэт цаасны арилжаа түүхэн дээд үзүүлэлтэд хүрлээ
    2 цаг 46 мин
  • У.Хүрэлсүх: Эх орныхоо эрх ашгаас урвасан хэнтэй ч Монгол төр тохиролцох ёсгүй
    3 цаг 14 мин
  • Монгол улсын шигшээ багийн тамирчин Ч.Маргад эх орондоо ирлээ
    4 цаг 27 мин
  • "Доха" олон улсын кино наадам эхэллээ
    5 цаг 28 мин
  • Дэлхийн тайзанд шилдэг 20-т бичигдэж байгаа О.Намуунаа дараагийн шатанд үлдэхийн тулд олон нийтээс өндөр санал авах шаардлагатай байна
    6 цаг 0 мин
  • 8660 хүүхэд гэртээ ойр суралцаж, анги дүүргэлтийн асуудал буурсан үзүүлэлттэй байна
    6 цаг 19 мин
  • "Өмнөговийн Хүлэгүүд" баг Зүүн Азийн супер лигийн хоёр дахь тоглолтдоо 29 онооны хожигдлоос эргэн ирсэн ч хожигдол хүлээлээ
    6 цаг 56 мин
  • Д.Трамп Ши Жиньпин, В.Путин нартай түүхэн уулзалт хийхийнхээ өмнө Филиппин саатлаа
    8 цаг 34 мин
  • 13 жилийн хүлээлтийн эцэст “Grand Theft Auto 6” тоглоом дэлхий даяар нээлтээ хийлээ
    9 цаг 18 мин
  • Мьянмар улс Рохинжа үндэстний цөөнхийн эсрэг хийсэн үйлдлийнхээ төлөө геноцидын хэрэгт хариуцлага хүлээх анхны улс болно
    9 цаг 40 мин
  • Японы Кюүшюү аралд 5.3 магнитудын хүчтэй газар хөдөлжээ
    9 цаг 40 мин
  • Дэлхийн олон орны иргэд Монголчуудад цагаан “атаархав”
    9 цаг 43 мин
  • ХЭҮК: Хаврын морин уралдааныг сэргээх хуулийн төслийг дэмжихгүй
    9 цаг 49 мин
  • Жүдо бөхийн залуучуудын ДАШТ-д зодоглох Монголын 18 бөх
    9 цаг 57 мин
  • Дэлхийн хамгийн хүнд жинтэй эрэгтэй "Жон Брауэр Миннок" нь ойролцоогоор 635 кг жинтэй байжээ
    10 цаг 8 мин
  • Агаарын бохирдлыг бууруулах эрчим хүчний хэмнэлттэй, дулаан хуримтлуурын технологийг иргэдэд танилцуулна
    10 цаг 16 мин
  • Хайрын дууч С.Сэрчмаагийн тухай 24 баримт
  • Л.Батлут: Улс эх орны эрх ашгаас илүү албан тушаал гэж үгүй
  • Өнөөдөр төв болон зүүн аймгуудын нутгаар нойтон цас орж, шуурна
  • Б.Орхонбаярт амлуулсан О.Хангай аварга яагаад өөрөөсөө бага цолтой М.Лхагвагэрэл гарьдын ард гарав?
  • Ойрын 10 хоногийн цаг агаарын урьдчилсан ТӨЛӨВ
  • З.Мэндсайхан: 2027 оны төсөв иргэдийнхээ орлогыг хамгаална
  • Нийслэлийн 8 дүүрэгт томуу, томуу төст өвчний үзлэг, оношилгоо, эмчилгээний 21 цэг ажиллаж байна
  • Бөхчүүдийн улирлын чансааг Улсын аварга О.Хангай хол тасархай тэргүүлж, Улсын арслан Ц.Бямба-Отгон удаалж байна
  • МУГТ Т.Тулга, Л.Энхрийлэн нар дэлхийн чансааг ТЭРГҮҮЛЖ байна
  • “Онцгой хотхон”-ы 512 айлын орон сууцны барилга угсралтын ажлыг шуурхайлахыг үүрэг болголоо
  • Өнөөдөр нутгийн баруун өмнөд хэсгээр цас орно
  • УИХ-ын гишүүн Х.Болормаа “Нээлттэй парламент” танхимд хоёр дахь удаагаа ажиллав
  • Халтиргаа гулгаа үүсэж болзошгүй замууд дээр 41тонн давс, 2 тонн давс цацаад байна
  • Жүдо бөхийн залуучуудын ДАШТ энэ сарын 19-нд эхэлнэ
  • Б.Хурцын эхлүүлсэн шинэ зам буюу “Их эвсэл”
  • Боксын гурван удаагийн дэлхийн аварга Хорхе Линаресыг АНУ-ын цагаачлалын албаныхан саатуулжээ
  • СУРВАЛЖИЛГА: Махны үнэ өсөж, иргэд өвлийн идэшээ бага багаар базааж байна
  • Одоо л С.Бямбацогтыг дэмжихгүй бол оройтож мэдэх нь!
  • Хууль зүй, дотоод хэргийн дэд сайд Д.Мөнх-Эрдэнэ чөлөөлөгдөх хүсэлтээ өглөө
  • Согтуугаар тээврийн хэрэгсэл жолоодсон 73 зөрчил өчигдөр бүртгэгджээ
  • Өнөөдөр төв болон зүүн аймгуудын нутгаар нойтон цас орж, шуурна
  • Хайрын дууч С.Сэрчмаагийн тухай 24 баримт
  • Б.Хурцын эхлүүлсэн шинэ зам буюу “Их эвсэл”
  • Хууль зүй, дотоод хэргийн дэд сайд Д.Мөнх-Эрдэнэ чөлөөлөгдөх хүсэлтээ өглөө
  • Одоо л С.Бямбацогтыг дэмжихгүй бол оройтож мэдэх нь!
  • З.Мэндсайхан: 2027 оны төсөв иргэдийнхээ орлогыг хамгаална
  • Согтуугаар тээврийн хэрэгсэл жолоодсон 73 зөрчил өчигдөр бүртгэгджээ
  • СУРВАЛЖИЛГА: Махны үнэ өсөж, иргэд өвлийн идэшээ бага багаар базааж байна
  • ФАКТ: Г.Дамдинням сайдын барьсан "iPhone Duo" гар утас дунджаар 10 сая төгрөгний үнэтэй
  • П.Батчимэг: Ирэх оны төсвийг 41.5 их наядын алдагдалтай батласан нь татвар төлөгчдийг улам сөхрүүлэх арга гэхээс өөр үг алга
  • Ерөнхий сайдын мэдээллээс онцлох 10 ЭШЛЭЛ
  • ТББХ: Ерөнхийлөгчийн чөлөөлөгдөх хүсэлтийг дэмжсэн болон дэмжээгүй гишүүд
  • Б.Орхонбаярт амлуулсан О.Хангай аварга яагаад өөрөөсөө бага цолтой М.Лхагвагэрэл гарьдын ард гарав?
  • Л.Батлут: Улс эх орны эрх ашгаас илүү албан тушаал гэж үгүй
  • Э.Одмөнх: Төрийн ёслолын дэг журамд "бөхчүүдийн гарыг арчуулах" гэсэн зүйл байхгүй
  • Ойрын 10 хоногийн цаг агаарын урьдчилсан ТӨЛӨВ
  • Нийслэлийн 8 дүүрэгт томуу, томуу төст өвчний үзлэг, оношилгоо, эмчилгээний 21 цэг ажиллаж байна
  • Халтиргаа гулгаа үүсэж болзошгүй замууд дээр 41тонн давс, 2 тонн давс цацаад байна
  • Улаанбаатарт 168,000 орчим эзэнгүй нохой, муур байна
  • Я.Содбаатар: 2019, 2020 оны намын санхүүжилтэд хөндлөнгийн аудит оруулна
24 баримт
  • У.Хүрэлсүхийн төрийн тэргүүний хувиар хэлсэн сүүлчийн үгнээс "онцлох" 24 эшлэл
  • Дэлхийн хамгийн хүнд жинтэй эрэгтэй "Жон Брауэр Миннок" нь ойролцоогоор 635 кг жинтэй байжээ
  • Ерөнхий сайдын мэдээллээс онцлох 10 ЭШЛЭЛ
  • 24 БАРИМТ: Дэлхийн гүнжүүдийн тухай сонирхолтой түүхүүд
  • Хайрын дууч С.Сэрчмаагийн тухай 24 баримт
Эхлэл Улс төр Эдийн засаг Нийгэм Дэлхий 24 баримт 24 фото COP17 Спорт Видео Сошиал мэдээ
Холбоо барих Сурталчилгаа байршуулах Зар Вэб сайт хийх

Зохиогчийн эрх хуулиар хамгаалагдсан. Мэдээлэл хуулбарлах хориотой.

Вэб сайтыг хөгжүүлсэн: Sodonsolution ХХК