HBO сувгийн бүтээл болох “Game of Thrones” 2016 онд 38 шагнал хүртэж, Эммигийн түүхэнд дээд амжилт тогтоож байсан юм. Тэгвэл дахин түүхэн дээд амжилт үзүүлэх боломж тун ойрхон байна. Учир нь уг цуврал нь Эммигийн 32 төрөлд дахин нэр дэвшиж дээд амжилт тогтоожээ.
Энэ жилийн шагналд шилдэг драмын цуврал, гол дүрийн шилдэг эрэгтэй жүжигчин (Кит Хэрингтон), эмэгтэй жүжигчин (Эмили Кларк), шилдэг туслах дүр зэрэг төрөлд нэр дэвшсэн байна.
“The Marvelous Mrs. Maisel" цуврал 20 төрөлд нэр дэвшсэн бол "Чернобыль" 19 төрлөөр өрсөлдөх болжээ. Эммигийн шагнал гардуулах ёслол ирэх есдүгээр сарын 22-нд зохион байгуулагдана.
