2022 он гарсаар хэд хэдэн удаагийн газар хөдлөлтийн чичирхийлэл мэдэгдсэн тухай Одон орон, геофизикийн  хүрээлэнгээс мэдээллэсэн. Тэгвэл энэ оны эхний таван сарын байдлаар Монгол улсын нутаг дэвсгэрт нийт 29 удаагийн газар хөдлөлт бүртгэгдсэн нь өмнөх оны мөн үетэй харьцуулахад даруй бага үзүүлэлттэй байна. Өнгөрсөн 2021 оны эхний таван сард 237 удаагийн газар хөдлөлтийн чичирхийлэл бүртгэгдсэн нь сүүлийн дөрвөн жилийн дундаж үзүүлэлттэй харьцуулахад харьцангуй өндөр буюу 10-11 дахин өссөн үзүүлэлттэй байжээ.

Аюулт үзэгдэл гэдэг нь Хүчтэй цасан болон шороон шуурга, ган, зуд, үер, газар хөдлөлт, цөлжилт болох, гал түймэр, хүн, мал, амьтны болон ургамлын гоц халдварт өвчин гарах, хортон мэрэгчид тархах зэргийг хамааруулж үзнэ.

Байгалийн аюулт үзэгдэл, ослын бүртгэл эхний таван сард 1948 буюу өмнөх оны мөн үеэс 10.6 хувиар өссөн үзүүлэлттэй байгаа бөгөөд 58 хүн амь насаа алджээ. Улмаар 8.2 тэрбум төгрөгийн хохирол учирч, 2.1 тэрбум төгрөг зарцуулсан байна.

Харин хүний буруутай үйлдлээс шалтгаалсан объектын гал түймэр 1.538 бүртгэгдсэн бол 74 ой хээрийн түймэр хүний буруугаас болж дэгджээ.

Т.Мөнхжаргал