ЗГХЭГ-ын дарга Д.Амарбаясгалан “Эрдэнэс Монгол” ХХК-ийн үйл ажиллагаатай танилцах үеэрээ мэдээлэл өглөө.
Тэрбээр "Засгийн газрын зүгээс "Эрдэнэс Монгол" компанийн эдийн засагт үзүүлдэг үр өгөөжийг дээшлүүлэх, нэгдэл компаниудын ашигтай ажиллах нөхцөл боломжийг дээшлүүлэх чиглэлээр ажиллаж байна. Охин компани хэмээн нэрлэгдэж байгаа 21 компани үйл ажиллагаагаа явуулж байна. Нийт дүнгээр яривал "Эрдэнэс Монгол" нэгдлийн бүрэлдэхүүнд 39 төрийн өмчит компани, хувьцаат компаниуд үйл ажиллагаа явуулж ирсэн.
Байгуулагдаад 15 жил болсон хэр нь бие дааж хэрэгжүүлсэн төсөл хөтөлбөргүйгээр явж ирсэн учир хоцрогдолтой байна гэх дүгнэлтийг гаргаж байсан. 2022 оны арваннэгдүгээр сарын 30-нд хийсэн дүрмийн өөрчлөлтөөр эдгээр кампаниудын үйл ажиллагааг нэгтгэн зохион байгуулдаг байх стратеги төлөвлөгөөг гаргасан.
Мөн менежментийн төлбөрийн охин компаниудаасаа татан төвлөрүүлэх, бие даан хэрэгжүүлэх төсөл хөтөлбөрүүд нь тодорхой, хөрөнгийг төвлөрүүлсэн ажиллах нөхцөлийг бүрдүүлсэн. "Эрдэнэс Монгол" компани саяхныг хүртэл өөрийн охин компани болох "Гашуун сухайт автозам" компанийн түрээсийн орлогоор үйл ажиллагаагаа явуулж байсан. Дүрмийн өөрчлөлт хийгдсэнээр өөр менежментийг хэрэгжүүлэх боломжийг нээж авсан. Мөн "Эрдэнэс Монгол" компанийг хараат бусаар ажиллах нөхцөлийг бүрдүүлсэн. Тухайлбал, төрийн төлөөлөл 51 хувь, хараат бус гишүүд 49 хувь байна. Ингэснээр зөвхөн улс төрийн шийдвэрээр үйл ажиллагаа байдаг үгүй болно. Үүний нэг жишээ бол, 87 ажилтан, албан хаагчдыг нээлттэй сонгон шалгаруулсан авсан" гэв.
Д.Батчулуун
