Бидний хэрэглэх дуртай, шаарлагатай дэлхийн хамгийн том олон нийтийн сүлжээ сайт “Фэйсбүүк”-ийн талаар сонирхолтой 24 баримтыг 24 цаг хүргэж байна.

1. Гүүглийн дараа хоёрдугаарт ордог хамгийн том сайт бол Фэйсбүүк.

2. Их гүрэн- Фэйсбүүк хэрэглэгчдийн тоо хоёр долоо хоногийн өмнө тэрбум давсан билээ. Хэрвээ тус компани улс байсан бол хүн амаараа Хятад (1.34 тэрбум), Энэтхэг (1.17 тэрбум)-ийн дараа гуравдугаарт бичигдэх хүчирхэг гүрэн байна.

3. Марк Зукерберг 2004 оны хоёрдугаар сард Фэйсбүүкийг үүсгэн байгуулжээ. Харвардын их сургуулийн оюутан Марк Зукербергийн бие даалтыг ажил нь ийм амжилтад хүрнэ гэдгийг тэр мэдсэн болов уу.

4. Фэйсбүүкийн анхны нэр нь Facemash байв.

5. Фэйсбүүкт хамгийн анх нэвтэрсэн хүмүүс бол мэдээж энэ төслийг хэрэгжүүлэгчид байлаа. Гэхдээ хамгийн анхных нь одоогийн гүйцэтгэх захирал Марк Зукерберг.

6. Socialbakers сайтын мэдээлснээр өнгөрсөн сард Фэйсбүүк хэрэглэгчдийн тоогоороо АНУ 167 саяар тэргүүлсэн байна. Харин Бразиль 60.6 сая, Энэтхэг 60.5 саяар удаалсан бол манай Монгол Улс 458680 хэрэглэгчээр 107 дугаар байрт бичигджээ.

7. Дэлхийн долоон хүн тутмын нэг нь фэйсбүүк хэрэглэдэг.

8. Фэйсбүүк дөрвөн тэрбумтанг төрүүлсэн. 27 настай Марк Зукерберг Форбес сэтгүүлийн 2011 оны Баян америкчуудын жагсаалтад 17.5 тэрбум долларын хөрөнгөтэй хэмээн бичигдэж байв. Дараагийн хамтран эзэмшигч Московитз 3.5 тэрбум долларын хөрөнгөтэй боловч Марк Зукербэргээс найм хоногоор дүү тул дэлхийн хамгийн залуу тэрбумтан жагсаалтыг тэргүүлсэн. Бразиль гаралтай Саверин Фэйсбүүкийг уналтын үед нь орхисон хэдий ч хоёр тэрбум долларын хөрөнгө халааслаад амжжээ. Харин хэсэгхэн хугацаанд Фэйсбүүкийн ерөнхийлөгчөөр ажилласан Паркер 2.1 тэрбум долларын хөрөнгөтэй.

9. Фэйсбүүкийг 70 гаруй хэлээр хэрэглэж болно.

10. ComScore-ийн мэдээлснээр тэрбум гаруй хэрэглэгчтэй болсон Фэйсбүүк сүлжээ нь 1.13 триллион лайктай, 140.3 тэрбум найзуудын холбоотой, 219 тэрбум зурагтай аж.

11. Уг сүлжээнээнд өдөрт 300 сая зураг ачаалагдаж, 62.6 сая дуу тавигддаг байна.

12. Alexa-ийн мэдээлснээр Фэйсбүүк Хятад, Япон, Орос, Өмнөд Солонгос, Вьетнам, Венесуэль, Пакистан, Аргентин, Турк, Колумби, Грек, Румын, Перу, Чили, Индонез, Тайланд, Бразиль, Мексик, Нигер, Алжир, Малайз,Флиппин, Египт, Монгол гэх улсад нэгдүгээрт бичигдэж байна.

13. Фэйсбүүкээс болж таван хос тутмын нэг нь салдаг гэсэн судалгааг тус компани хэрэгглэгчийн статусаараа тодорхойлжээ.

14. 350 мянга гаруй хүн фэйсбүүкт хүчтэй донтон эмчлүүлж байна. Та л битгий донтоорой.

15. Фэйсбүүкийн 20 минутад: Сая линк шэйрлэж, 1484000 үйл явдлын урилга нийтлэгддэг. Мөн 1323000 зураг тагглагдаж, 1851000 статус бичигдэж, 1.972 сая найзын урилга зөвшөөрөгддөг. Бас 2716000 зураг ачаалагдаж, мөн тооны мессэж илгээгдэж, 10.2 сая сэтгэгдэл бичигддэг байна.

16. 3500 гаруй тогтмол ажилтантай энэ компани сард хэдэн мянган хүнийг түр хөлсөлж ажиллуулдаг. 

17. Өнгөрсөн дөрөвдүгээр сард Фэйсбүүк ухаалаг гар утсаар зураг шэйрлэдэг Instagram программыг нэг тэр бум доллараар худалдаж авсан нь олны таашаалд ихэд нийцжээ.

18. Фэйсбүүкийн дундаж хэрэглэгч 130 найзтай байдаг байна. Харин таных хэд вэ?

19. Фэйсбүүкийн дундаж хэрэглэгч сард 80 хуудсанд холбогдож, 90 контент үүсгэдэг.

20. Texas Hold’em Poker 41 сая феньтэй хамгийн алдартай фэйсбүүк хуудас болжээ. Та үүнийг тоглодог л биз?

21. Фэйсбүүкийн хамгийн алдартай хүн бол дуучин Эминем. Тэр 61 сая гаруй фэньтэй бол, яг одоо түүний талаар 1.200.000 хүн ярьж байна.

22. Фэйсбүүк хүүхдийг хөхөөрөө хооллож буй эмэгтэйн зургийг нийтлэхийг хориглодог. Та хэдэн ч удаа оролдсон ийм зургаа нийтлэж чадахгүй. Тэгсэн хэрнээ цээж нүцгэн эмэгтэй, дотуур хувцастай эмэгтэйн зургийг тавихын зөвшөөрдөг байна. Бүр зар сурталчилгаагаар хүртэл шүү. Харин групп дотор дээрх зургийг нийтлэхийг зөвшөөрсний дараа 250 мянган эмэгтэй “Хүүхдээ хөхөөр хооллогсодын групп”-т нэгдэж зургаа нийтэлж байжээ.

23. Socialbakers-ын судалгаагаар манай улсын хамгийн олон фэньтэй хуудас Ноён IZ 42758 фэньтэй. Үүний дараа 1000 захиа, Жордан шоп, Be, d20 live different оржээ.

24. Харин хамгийн олон фэньтэй хэвлэл мэдээллийн хэрэгслийг 11364 лайкаар 24цаг сайт тэргүүлжээ. Дараа нь Хийморь, Call, Таны санал, Датаком орсон байна.