Өнгөрсөн есдүгээр сарын 26-наас энэ сарын долооны өдрүүдэд Нийслэлийн цагдаагийн газраас есөн дүүрэгт үйл ажиллагаа явуулдаг РС тоглоомын газруудад шалгалт хийжээ. Шалгалтын талаар Нийслэлийн цагдаагийн газрын хэв журмын хэлтсийн ахлах байцаагч Б.Баатархүүгээс тодрууллаа.

-Нийт хэчнээн газарт шалгалт хийсэн бэ. Ямар зөрчил илэрч байна?

-2010 онд РС тоглоомын үйл ажиллагаа явуулдаг 372 газар байсан. Гэхдээ  нэмэгдэж, хасагдсаар энэ удаагийн шалгалтад 311 газар хамрагдлаа. Үүнээс 176 нь “Соёл урлагийн төлбөрт үйлчилгээ явуулах” журмын 3.6-д заасан стандартыг зөрчиж байсныг илрүүлсэн. Тиймээс 103 газрын үйл ажиллагааг түр зогсоож, 57 газарт албан мэдэгдэл шаардлага хүргүүлээд байна. Мөн 40 аж ахуйн нэгж, иргэнийг 1.190.000 төгрөгөөр торгох арга хэмжээ авсан. Ер нь ихэвчлэн үйлчилгээний байр зориулалтын ширээ сандалгүй, стандартын шаардлага хангасан ариун цэврийн өрөөгүй, чийгтэй, агааржуулалтын системгүй, цагийн хуваарийн зөрчил гаргасан, насанд хүрээгүй хүүхдэд аллага, хүчирхийлэл, садар самууны сэдэв агуулгатай тоглоом тоглуулсан, байрны подвал, зоорийн давхарт үйл ажиллагаа явуулсан гэх зөрчлүүд илэрсэн.

-Аль дүүрэгт хамгийн их зөрчил илрэв?

-Дүүрэг бүрт үйл ажиллагаа явуулдаг РС тоглоомын газруудын тоо ондоо. Жишээ нь Баянгол дүүрэгт 75 газар хамрагдсанаас 43 нь зөрчилтэй байж, 14 газрын үйл ажиллагааг зогсоосон. Хан-Уул дүүргийн 27 газар бүгдээрээ зөрчилтэй байж, 15 газрыг хаалгаад байна. Мөн Баянзүрх дүүргийн 60 газраас 14, Сүхбаатар дүүргийн 41 газраас 11, Сонгинохайрхан дүүргийн 69 газраас найм, Багахангай дүүргийн гурван газар гурвуулаа үйл ажиллагаагаа хаалгаад байгаа юм.

-Ер нь хараа хяналтгүй, орон гэргүй хүүхдүүд ихэвчлэн РС тоглоомын газарт хонож шөнийг өнгөрүүлдэг. Шалгалтаар ийм зөрчил илрэв үү?

-Хүүхдүүдийг 1500-2000 төгрөгөөр тоглуулж, хонуулдаг зөрчил илэрсэн. Монгол улсын хэмжээнд 24 цагийн РС тоглоомын газар гэж хаана ч байхгүй. Бүх интернет кафе 23 цагт хааж, 19 цагаас хойш насанд хүрээгүй хүүхдүүдийг оруулах ёсгүй. Хэрвээ оруулсан тохиолдолд тус газрын үйл ажиллагааг хаах болно. Мөн гэр оронгүй хүүхэд гэлтгүй оюутан, залуус хүртэл нэгнийхээ юмыг ломбарданд тавьж , хэд хэдээрээ хуваагдан бооцоотой тоглодгийг илрүүлээд байна. Эдгээр газрын үйл ажиллагааг зогсоосон.

-Шалгалт явуулаад үйл ажиллагааг нь зогсоодог ч дараа нь ажиллаж л байдаг?

-Байнгын хяналт шалгалт явуулах болно. Мөн Нийслэлийн засаг даргын тамгын газрын хуулийн хэлтэст РС тоглоомын газар тавих хяналт шалгалтын эрх мэдлийг дүүрэгт нь шилжүүлье гэсэн саналыг тавиад байгаа. Ингэснээр хараа хяналт нь улам сайжирна. Мөн квот тогтооё гэсэн хүсэлт тавьсан. Нэг дүүрэгт 20 РС тоглоомын газар байна гэдэг ч юм уу.

-Хаагдсан газрууд зөрчлөө засвал?

-Үйл ажиллагаагаа хаалгасан 103 газар зөрчлөө засаад ирвэл нээхээс өөр аргагүй. Харин зоорь, байрны хонгилд байрладаг РС тоглоомын газруудыг нээх боломжгүй.

-РС тоглоомонд донтоод эмчилгээ хийлгэж байгаа хэчнээн хүүхэд байдаг вэ?

-Шархадны сэтгэцийн эмнэлэгт РС тоглоомонд донтсон хүүхдүүдийн тасаг гэж нээгдсэн. Жилдээ 14-15 хүүхэд эмчлүүлдэг. Хэдийгээр тоо нь бага сонсогдож байгаа ч өвчин нь хүндрээд зайлшгүй эмчилгээ хийлгэх ёстой хүүхдүүд ирж байгаа юм. Үүний цаана хэвтэж эмчлүүлэхгүйгээр гэрээрээ эмчлүүлж байгаа хэчнээн хүүхэд байгааг бид мэдэхгүй.

Б.Чимэг

   Өнгөрсөн есдүгээр сарын 26-наас энэ сарын долооны өдрүүдэд Нийслэлийн цагдаагийн газраас есөн дүүрэгт үйл ажиллагаа явуулдаг РС тоглоомын газруудад шалгалт хийжээ. Шалгалтын талаар Нийслэлийн цагдаагийн газрын хэв журмын хэлтсийн ахлах байцаагч Б.Баатархүүгээс тодрууллаа.

-Нийт хэчнээн газарт шалгалт хийсэн бэ. Ямар зөрчил илэрч байна?

-2010 онд РС тоглоомын үйл ажиллагаа явуулдаг 372 газар байсан. Гэхдээ  нэмэгдэж, хасагдсаар энэ удаагийн шалгалтад 311 газар хамрагдлаа. Үүнээс 176 нь “Соёл урлагийн төлбөрт үйлчилгээ явуулах” журмын 3.6-д заасан стандартыг зөрчиж байсныг илрүүлсэн. Тиймээс 103 газрын үйл ажиллагааг түр зогсоож, 57 газарт албан мэдэгдэл шаардлага хүргүүлээд байна. Мөн 40 аж ахуйн нэгж, иргэнийг 1.190.000 төгрөгөөр торгох арга хэмжээ авсан. Ер нь ихэвчлэн үйлчилгээний байр зориулалтын ширээ сандалгүй, стандартын шаардлага хангасан ариун цэврийн өрөөгүй, чийгтэй, агааржуулалтын системгүй, цагийн хуваарийн зөрчил гаргасан, насанд хүрээгүй хүүхдэд аллага, хүчирхийлэл, садар самууны сэдэв агуулгатай тоглоом тоглуулсан, байрны подвал, зоорийн давхарт үйл ажиллагаа явуулсан гэх зөрчлүүд илэрсэн.

-Аль дүүрэгт хамгийн их зөрчил илрэв?

-Дүүрэг бүрт үйл ажиллагаа явуулдаг РС тоглоомын газруудын тоо ондоо. Жишээ нь Баянгол дүүрэгт 75 газар хамрагдсанаас 43 нь зөрчилтэй байж, 14 газрын үйл ажиллагааг зогсоосон. Хан-Уул дүүргийн 27 газар бүгдээрээ зөрчилтэй байж, 15 газрыг хаалгаад байна. Мөн Баянзүрх дүүргийн 60 газраас 14, Сүхбаатар дүүргийн 41 газраас 11, Сонгинохайрхан дүүргийн 69 газраас найм, Багахангай дүүргийн гурван газар гурвуулаа үйл ажиллагаагаа хаалгаад байгаа юм.

-Ер нь хараа хяналтгүй, орон гэргүй хүүхдүүд ихэвчлэн РС тоглоомын газарт хонож шөнийг өнгөрүүлдэг. Шалгалтаар ийм зөрчил илрэв үү?

-Хүүхдүүдийг 1500-2000 төгрөгөөр тоглуулж, хонуулдаг зөрчил илэрсэн. Монгол улсын хэмжээнд 24 цагийн РС тоглоомын газар гэж хаана ч байхгүй. Бүх интернет кафе 23 цагт хааж, 19 цагаас хойш насанд хүрээгүй хүүхдүүдийг оруулах ёсгүй. Хэрвээ оруулсан тохиолдолд тус газрын үйл ажиллагааг хаах болно. Мөн гэр оронгүй хүүхэд гэлтгүй оюутан, залуус хүртэл нэгнийхээ юмыг ломбарданд тавьж , хэд хэдээрээ хуваагдан бооцоотой тоглодгийг илрүүлээд байна. Эдгээр газрын үйл ажиллагааг зогсоосон.

-Шалгалт явуулаад үйл ажиллагааг нь зогсоодог ч дараа нь ажиллаж л байдаг?

-Байнгын хяналт шалгалт явуулах болно. Мөн Нийслэлийн засаг даргын тамгын газрын хуулийн хэлтэст РС тоглоомын газар тавих хяналт шалгалтын эрх мэдлийг дүүрэгт нь шилжүүлье гэсэн саналыг тавиад байгаа. Ингэснээр хараа хяналт нь улам сайжирна. Мөн квот тогтооё гэсэн хүсэлт тавьсан. Нэг дүүрэгт 20 РС тоглоомын газар байна гэдэг ч юм уу.

-Хаагдсан газрууд зөрчлөө засвал?

-Үйл ажиллагаагаа хаалгасан 103 газар зөрчлөө засаад ирвэл нээхээс өөр аргагүй. Харин зоорь, байрны хонгилд байрладаг РС тоглоомын газруудыг нээх боломжгүй.

-РС тоглоомонд донтоод эмчилгээ хийлгэж байгаа хэчнээн хүүхэд байдаг вэ?

-Шархадны сэтгэцийн эмнэлэгт РС тоглоомонд донтсон хүүхдүүдийн тасаг гэж нээгдсэн. Жилдээ 14-15 хүүхэд эмчлүүлдэг. Хэдийгээр тоо нь бага сонсогдож байгаа ч өвчин нь хүндрээд зайлшгүй эмчилгээ хийлгэх ёстой хүүхдүүд ирж байгаа юм. Үүний цаана хэвтэж эмчлүүлэхгүйгээр гэрээрээ эмчлүүлж байгаа хэчнээн хүүхэд байгааг бид мэдэхгүй.

Б.Чимэг