Австрали Улсын Күинсланд мужийн Саншайн Көүст хотод зохион байгуулагдсан Олон Улсын Математикийн 66 дугаар Олимпиадаас Монгол Улсын сурагчид 1 алт, 3 мөнгө, 2 хүрэл медаль хүртжээ. 

Монгол Улсын баг энэхүү олимпиадад амжилттай оролцож нийт 174 оноогоор бүх цаг үеийн Монголын оролцогчдын багийн онооны дээд ажилтыг эвджээ.

1. Арвисын Ивээл (11-р сургууль) АЛТАН МЕДАЛЬ

2. Сонорын Манлай (Сант сургууль) МӨНГӨН МЕДАЛЬ

3. Батлхагвын Тэнүүнсайхан (Шинэ Үе) МӨНГӨН МЕДАЛЬ

4. Баярын Бэлгүтэй (11-р сургууль) МӨНГӨН МЕДАЛЬ, 

5. Даваадоржийн Хүслэн (Сант сургууль) ХҮРЭЛ МЕДАЛЬ

6. Болдбаатарын Төвшиндалай (11-р сургууль) ХҮРЭЛ МЕДАЛЬ

Ийнхүү сүүлийн жилүүдэд Монгол Улсын багийн бүх сурагчид бүгд медалийн болзол хангаж буй амжилтын буухиа энэ жил ч үргэлжиллээ.

Багийн ахлагчаар Ү.Отгонбаяр, дэд ахлагчаар Т.Базар нар ажилласан ба тэдэнд болон амжилттай оролцсон багийн гишүүд, багш, дасгалжуулагч нарт баяр хүргэе. 

Олон улсын математикийн 67 дугаар олимпиад 2026 оны 7 дугаар сарын 10-20-ны өдрүүдэд БНХАУ-ын Шанхай хотод зохион байгуулагдах юм.