Өнөө шөнө ЕВРО-2012 тэмцээний урьдчилсан хэсгийн шатны өрсөлдөөн өндөрлөж, Польш, Украиныг зорих 5 багийн нэр тодорно. Шийдвэрлэх тоглолтуудын тухай мэдээллийг хүргэе.
ЕАШ 14 дэх тэмцээнд оролцох 14 эрхийн төлөө УЕФА-гийн гишүүн 51 орны хөлбөмбөгчид 9 хэсэгт хуваагдан өрсөлдсөн. Хэсгийн шатны сүүлчийн тойргийн өмнө Герман, Голланд, Итали, Испани болон Английн багууд Польш, Украиныг зорих болзлоо хангаад байна. Үлдсэн хэсгүүдэд өнөө шөнө ширүүн өрсөлдөөн өрнөх төлөвтэй. А хэсэгт Германы шигшээ 9 тоглож, 9 ялалт байгуулснаар бүх асуудлаа шийдсэн. Йоахим Лёв-ын баг сүүлийн тоглолтоо Бельгийн эсрэг хийх бэлтгэлдээ гараад байна. Дюссельдорфд болох тулаанд зочдод зөвхөн ялалт шаардлагатай. Учир нь, энэ тохиолдолд улаан чөтгөрүүд плей-офф-т өрсөлдөх эрх авах юм. Тэд одоогоор 15 оноотой Туркээс нэг оноогоор илүү 2-р байранд бичигдэж байгаа. Гэхдээ нөгөө талд Бундестим хэдий энэ тоглолт ач холбогдолгүй ч өөрийнхөө талбай дээр ялагдаж, хөгжөөн дэмжигчдээ гомдоохг хэрхэвч хүсэхгүй. Үүнээс гадна Германчуудад ЕА-ын урьдчилсан шатанд ганц ч оноо алдаагүй нэгэн үнэмлэхүй амжилтыг тогтоох боломж нээлттэй байгаа тул Лёвын баг зөвхөн ялалтын төлөө тоглоно гэдэгт эргэлзэх зүйлгүй. Тэд үүгээрээ Туркийн талд том тус хүргэнэ. Гус Хиддинкээр удирдуулсан Туркүүд Стамбул-д Азербайджаныг хүлээн авах бэлтгэлээ хангаж байна. Голландын мэргэжилтэн Баку-д 1-0-оор хожигдсоноо тоглогчиддоо сануулж, хариугаа авах тухай суртал ухуулга хийж байгаа. Хэрэв гэнэтийн зүйл тохиолдохгүй бол энэ тулаанд туркүүд 3 оноо авч, хажуугаар нь Германы багийн ялалтын төлөө мөргөх болно.
Оросууд тэнцэхэд л хангалттай
В хэсгийг тэргүүлэгч Оросын шигшээ Андоррын багийг хүлээн авч сүүлийн тоглолтоо хийх гэж байна. Лужники цэнгэлдэхэд болох тулаанд манай хойд хөршүүд тэнцэхэд л Польш, Украиныг зорих болзлоо хангана. Голландын мэргэжилтэн Дик Адвокаатын баг өнгөрсөн Баасан гарагт хэсгийн гол өрсөлдөгчдийн нэг Словакийн шигшээг талбай дээр нь 1-0-ийн харьцаатай буулган авснаар 20 оноотой болоод байна. Хэсгийнхээ сүүлийг мушгиж байгаа хөлбөмбөг төдийлөн хөгжөөгүй Андоррын багийн эсрэг хагас хамгаалагч Зырянов, хамгаалагч Анюков хоёр шар хуудасны илүүдлийн улмаас тоглохгүй. Тэдэн дээр бэртэл авсан Юрий Жирков нэмэгдэнэ. Гэсэн хэдий ч Оросын шигшээ чансаагаараа Монголоос дор 203-т ордог Пиренейн орны багийг ямар ч тохиолдолд зөвхөн хожих үүрэгтэй.
Оросуудаас хоёр оноогоор Ирландын шигшээ өнөө шөнө Арменийн багтай хийх шийдвэрлэх тулаандаа бэлтгэж байна. Кавказчууд энэ удаагийн Европын аваргын урьдчилсан шатны гол нээлт болоод байгаа. Арменийн хөлбөмбөгчид сүүлийн 3 тоглолтонд дараалан ялалт байгуулснаар түүхэн амжилтаа тогтоож, тэр дундаа Өмнөд Африкт Европын төлөөлсөн Словакийн багийг нутагт нь 4-0-ээр бут ниргэсэн. Тиймээс Жованни Траппатони-г Дублинд туйлын амаргүй тулаан хүлээж байна. Италийн мэргэжилтэн энэ чухал тоглолтонд багийнхаа шилдэг мэргэн бууч Робби Кинийг орлох шаардлагатай болж болзошгүй. Лос-Анжелес Гэлакси-гийн довтлогч жижиг бэртэл авсан бөгөөд талбайд гарч чадах эсэхийг эмч нар шийдэх аж. Ереванд болсон хоёр багийн эхний тулаан ирландын ялалтаар өндөрлөсөн. Гэхдээ тэр тоглолт жилийн өмнө болсныг ногоон арлынхан мартаж болохгүй.
Шийдвэрлэх тоглолтуудын өмнө – 2
Өнөө шөнө болох бусад тоглолтоос онцолъё. С хэсгийг Италийн шигшээ тэргүүлэх нь тодорхой болсон. Харин 2-р байрын төлөөх өрсөлдөөнд Эстонийн баг оролцож байгаа нь жинхэн гэнэтийн бэлэг. Балтийн орны хөлбөмбөгчид Серб, Словенийн хүчтэй өрсөлдөгчдийг талбай дээр нь буулган авч, улмаар өнгөрсөн долоо хоногт хойд ирландад 2-1-ийн харьцаатай ялалт байгуулснаар урьдчилсан шатыг 16 оноотой дуусгаад байна. Тиймээс нэг оноогоор дутуу тэдний араас нэхэж байгаа Сербийн багт хөрш Словенийн нутагт зайлшгүй 3 оноо шаардлагатай. Тэнцсэн тохиолдолд Эстоничууд плей-офф-т тоглох болно. Учир нь, Сербүүд талбай дээр 3-1-ээр хожигдож, Таллинд ердөө 1-1-ээр тэнцсэн юм.
Д хэсгээс ЕВРО-д өрсөлдөх багийн нэр Франц, Боснийн багуудын хооронд өрнөх тулаанд шийдэгдэнэ. Стад дэ Франс-т болох хэсгийн сүүлийн тоглолтын өмнө Лоран Бланы баг 20 оноотой нэгт яваа бол Боснийн шигшээ нэг оноогоор дутуу байгаа. Европын аваргын анхны тэмцээндээ өрсөлдөж байгаа Балканчууд бүх таамгийг эвдэн, Румыний хүчтэй багийг ардаа орхин, хамгийн багаар плей-офф-т өрсөлдөх болзлоо хангасан. Тиймээс тэдэнд алдах зүйл байхгүй. Гэсэн хэдий ч Босничууд ялж чадна гэсэн итгэлтэй Парист хүрэлцэн ирээд байна. Зочдын гол хүч нь Бундеслигт нэг үе зэрэг тоглож байсан Эдин Джеко, Звездан Мисимович болон Ведад Ибишевич нарын довтолгооны бүрэлдэхүүнтэй шугам нь. Тэднийг зогсоох эсэхээс тоглолтын хувь заяа шууд шалтгаалах болно. Блан энэ чухал тоглолтонд Франк Рибери, Карим Бензема, Бакари Санья, Эрик Абидаль зэрэг түлхүүр тоглогчдоо орлох хүндхэн даалгавартай тулгараад байна.
Н хэсгийн хүрээнд хөлбөмбөгийн хорхойтнууд Дани, Португалийн тулааныг хүлээн авах болно. Тус тус 16 оноо цуглуулсан энэ хоёр баг Еворпын аваргын шигшээ шатанд өрсөлдөх эрхийн хувь заяаг хоорондоо шийднэ. Хэсгийн топ фаворит Португалийн шигшээ уламжлал ёсоор урьдчилсан шатыг туйлын муу эхлүүлж, сулхан Кипртэй талбай дээрээ 4-4-ээр тэнцэж, дараа нь Норвегид ялагдал хүлээсэн. Рональдо, Нани нар Данийг 3-1-ийн харьцаатай буулган авснаар 5 дараалсан ялалтын буухиагаа эхлүүлжээ. Тэдний энэ цуврал үргэлжлэх эсэхийг Копенгагений Паркен цэнгэлдэхэд өрнөх тулаан харуулна. Өнгөрсөн баасан гарагт болсон Исландын эсрэг 5-3-ын харьцаатай өндөрлөсөн тоглолт Португалийн багийн хамгаалалт сул байгааг харуулсан. Хэрэв талбайн эзэд стандард байдлаа ашиглаж чадвал ялах магадлал байгаа юм.
Өнөө шөнө ЕВРО-2012 тэмцээний урьдчилсан хэсгийн шатны өрсөлдөөн өндөрлөж, Польш, Украиныг зорих 5 багийн нэр тодорно. Шийдвэрлэх тоглолтуудын тухай мэдээллийг хүргэе.
ЕАШ 14 дэх тэмцээнд оролцох 14 эрхийн төлөө УЕФА-гийн гишүүн 51 орны хөлбөмбөгчид 9 хэсэгт хуваагдан өрсөлдсөн. Хэсгийн шатны сүүлчийн тойргийн өмнө Герман, Голланд, Итали, Испани болон Английн багууд Польш, Украиныг зорих болзлоо хангаад байна. Үлдсэн хэсгүүдэд өнөө шөнө ширүүн өрсөлдөөн өрнөх төлөвтэй. А хэсэгт Германы шигшээ 9 тоглож, 9 ялалт байгуулснаар бүх асуудлаа шийдсэн. Йоахим Лёв-ын баг сүүлийн тоглолтоо Бельгийн эсрэг хийх бэлтгэлдээ гараад байна. Дюссельдорфд болох тулаанд зочдод зөвхөн ялалт шаардлагатай. Учир нь, энэ тохиолдолд улаан чөтгөрүүд плей-офф-т өрсөлдөх эрх авах юм. Тэд одоогоор 15 оноотой Туркээс нэг оноогоор илүү 2-р байранд бичигдэж байгаа. Гэхдээ нөгөө талд Бундестим хэдий энэ тоглолт ач холбогдолгүй ч өөрийнхөө талбай дээр ялагдаж, хөгжөөн дэмжигчдээ гомдоохг хэрхэвч хүсэхгүй. Үүнээс гадна Германчуудад ЕА-ын урьдчилсан шатанд ганц ч оноо алдаагүй нэгэн үнэмлэхүй амжилтыг тогтоох боломж нээлттэй байгаа тул Лёвын баг зөвхөн ялалтын төлөө тоглоно гэдэгт эргэлзэх зүйлгүй. Тэд үүгээрээ Туркийн талд том тус хүргэнэ. Гус Хиддинкээр удирдуулсан Туркүүд Стамбул-д Азербайджаныг хүлээн авах бэлтгэлээ хангаж байна. Голландын мэргэжилтэн Баку-д 1-0-оор хожигдсоноо тоглогчиддоо сануулж, хариугаа авах тухай суртал ухуулга хийж байгаа. Хэрэв гэнэтийн зүйл тохиолдохгүй бол энэ тулаанд туркүүд 3 оноо авч, хажуугаар нь Германы багийн ялалтын төлөө мөргөх болно.
Оросууд тэнцэхэд л хангалттай
В хэсгийг тэргүүлэгч Оросын шигшээ Андоррын багийг хүлээн авч сүүлийн тоглолтоо хийх гэж байна. Лужники цэнгэлдэхэд болох тулаанд манай хойд хөршүүд тэнцэхэд л Польш, Украиныг зорих болзлоо хангана. Голландын мэргэжилтэн Дик Адвокаатын баг өнгөрсөн Баасан гарагт хэсгийн гол өрсөлдөгчдийн нэг Словакийн шигшээг талбай дээр нь 1-0-ийн харьцаатай буулган авснаар 20 оноотой болоод байна. Хэсгийнхээ сүүлийг мушгиж байгаа хөлбөмбөг төдийлөн хөгжөөгүй Андоррын багийн эсрэг хагас хамгаалагч Зырянов, хамгаалагч Анюков хоёр шар хуудасны илүүдлийн улмаас тоглохгүй. Тэдэн дээр бэртэл авсан Юрий Жирков нэмэгдэнэ. Гэсэн хэдий ч Оросын шигшээ чансаагаараа Монголоос дор 203-т ордог Пиренейн орны багийг ямар ч тохиолдолд зөвхөн хожих үүрэгтэй.
Оросуудаас хоёр оноогоор Ирландын шигшээ өнөө шөнө Арменийн багтай хийх шийдвэрлэх тулаандаа бэлтгэж байна. Кавказчууд энэ удаагийн Европын аваргын урьдчилсан шатны гол нээлт болоод байгаа. Арменийн хөлбөмбөгчид сүүлийн 3 тоглолтонд дараалан ялалт байгуулснаар түүхэн амжилтаа тогтоож, тэр дундаа Өмнөд Африкт Европын төлөөлсөн Словакийн багийг нутагт нь 4-0-ээр бут ниргэсэн. Тиймээс Жованни Траппатони-г Дублинд туйлын амаргүй тулаан хүлээж байна. Италийн мэргэжилтэн энэ чухал тоглолтонд багийнхаа шилдэг мэргэн бууч Робби Кинийг орлох шаардлагатай болж болзошгүй. Лос-Анжелес Гэлакси-гийн довтлогч жижиг бэртэл авсан бөгөөд талбайд гарч чадах эсэхийг эмч нар шийдэх аж. Ереванд болсон хоёр багийн эхний тулаан ирландын ялалтаар өндөрлөсөн. Гэхдээ тэр тоглолт жилийн өмнө болсныг ногоон арлынхан мартаж болохгүй.
Шийдвэрлэх тоглолтуудын өмнө – 2
Өнөө шөнө болох бусад тоглолтоос онцолъё. С хэсгийг Италийн шигшээ тэргүүлэх нь тодорхой болсон. Харин 2-р байрын төлөөх өрсөлдөөнд Эстонийн баг оролцож байгаа нь жинхэн гэнэтийн бэлэг. Балтийн орны хөлбөмбөгчид Серб, Словенийн хүчтэй өрсөлдөгчдийг талбай дээр нь буулган авч, улмаар өнгөрсөн долоо хоногт хойд ирландад 2-1-ийн харьцаатай ялалт байгуулснаар урьдчилсан шатыг 16 оноотой дуусгаад байна. Тиймээс нэг оноогоор дутуу тэдний араас нэхэж байгаа Сербийн багт хөрш Словенийн нутагт зайлшгүй 3 оноо шаардлагатай. Тэнцсэн тохиолдолд Эстоничууд плей-офф-т тоглох болно. Учир нь, Сербүүд талбай дээр 3-1-ээр хожигдож, Таллинд ердөө 1-1-ээр тэнцсэн юм.
Д хэсгээс ЕВРО-д өрсөлдөх багийн нэр Франц, Боснийн багуудын хооронд өрнөх тулаанд шийдэгдэнэ. Стад дэ Франс-т болох хэсгийн сүүлийн тоглолтын өмнө Лоран Бланы баг 20 оноотой нэгт яваа бол Боснийн шигшээ нэг оноогоор дутуу байгаа. Европын аваргын анхны тэмцээндээ өрсөлдөж байгаа Балканчууд бүх таамгийг эвдэн, Румыний хүчтэй багийг ардаа орхин, хамгийн багаар плей-офф-т өрсөлдөх болзлоо хангасан. Тиймээс тэдэнд алдах зүйл байхгүй. Гэсэн хэдий ч Босничууд ялж чадна гэсэн итгэлтэй Парист хүрэлцэн ирээд байна. Зочдын гол хүч нь Бундеслигт нэг үе зэрэг тоглож байсан Эдин Джеко, Звездан Мисимович болон Ведад Ибишевич нарын довтолгооны бүрэлдэхүүнтэй шугам нь. Тэднийг зогсоох эсэхээс тоглолтын хувь заяа шууд шалтгаалах болно. Блан энэ чухал тоглолтонд Франк Рибери, Карим Бензема, Бакари Санья, Эрик Абидаль зэрэг түлхүүр тоглогчдоо орлох хүндхэн даалгавартай тулгараад байна.
Н хэсгийн хүрээнд хөлбөмбөгийн хорхойтнууд Дани, Португалийн тулааныг хүлээн авах болно. Тус тус 16 оноо цуглуулсан энэ хоёр баг Еворпын аваргын шигшээ шатанд өрсөлдөх эрхийн хувь заяаг хоорондоо шийднэ. Хэсгийн топ фаворит Португалийн шигшээ уламжлал ёсоор урьдчилсан шатыг туйлын муу эхлүүлж, сулхан Кипртэй талбай дээрээ 4-4-ээр тэнцэж, дараа нь Норвегид ялагдал хүлээсэн. Рональдо, Нани нар Данийг 3-1-ийн харьцаатай буулган авснаар 5 дараалсан ялалтын буухиагаа эхлүүлжээ. Тэдний энэ цуврал үргэлжлэх эсэхийг Копенгагений Паркен цэнгэлдэхэд өрнөх тулаан харуулна. Өнгөрсөн баасан гарагт болсон Исландын эсрэг 5-3-ын харьцаатай өндөрлөсөн тоглолт Португалийн багийн хамгаалалт сул байгааг харуулсан. Хэрэв талбайн эзэд стандард байдлаа ашиглаж чадвал ялах магадлал байгаа юм.
