Хэтэрхий урт бичвэр болох байсан тул "Үзэл бодол" нийтлэлийнхээ хоёрдугаар бичвэрийг энд оруулав. Юунд түрүүнд та энд дарж эхний нийтлэлтэй танилцаарай. Үргэлжлүүлье.
"Путины генералууд Украинд байршсан цэргийн хүчнийхэндээ энэ дайныг эх орныхоо төлөө үхэх ёстой чухал шалтгаан гэж итгүүлсээр байгаа юу?"
Эх сурвалжийн мэдээллээр Украины "Би амьдармаар байна" нэртэй утасн сүлжээгээр есдүгээр сараас хойш сайн дураараа бууж өгөхийг хүссэн Орос цэрэг эрсийн 10 мянга гаруй дуудлага, хүсэлт ирсэн ажээ. Түүгээр барав Пригожин тэдэнд чадваргүй дайчдын эсрэг хурдан, өвдөлтгүй ялалт байгуулна гэсэн амлалтдаа хүрч чадаагүй гэдгийг сануулсан. Харин Путин том генералуудаа ойрын хугацаанд солих бодолгүй байгааг аналистууд хэлж байгаа. Үнэн хэрэгтээ Пригожины "Вагнер групп" Украинд энэ өдрүүдэд ялах итгэл найдвар өгч байгаа цорын ганц хүчин юм шиг санагдана. Түүний онцлон тэмдэглэснээр, хэдэн долоо хоног үр дүнгүй тулалдсаны эцэст стратегийн ач холбогдол бүхий Бахмут хотыг эзэлсэн нь түүний хүмүүс юм л байсан.
Өөр нэг зүйл бол зөвхөн дайн гэхээс илүүтэйгээр Путинд нэмэлт сорилтууд тулгарч байгаа. Жишээлбэл, тэр өөрийн эхлүүлсэн бантандаа хутгалдаад одоо нойр ч авч чадахгүй нөхцөлд амьдарч буй гэж олон улс таамагласан. Эдгээр асуудлууд хяналтаас гадуур байгаа бололтой. Одоо түүний итгэл найдвар бол Лукашенко л юм. Өөр хэн ч биш. Тойрон хүрээлэгчид нь тойрон хүрээлэхээс хэтрэхгүйг тэр ухаарсан байх. Одоо түүнд хэнд ч итгэх хүсэл төрөхгүй байгаа нь мэдээж.
Путины итгэмжлэгдсэн төлөөлөгч Дмитрий Песков сэтгүүлчдэд Пригожин хаана байгааг хэлж чадаагүй нь бүр ч их түгшүүр төрүүлж байна. Хамгийн гол нь хөрсөн дээр буй баримтууд Путины хэлсэн бараг бүх зүйлийг үгүйсгэж чадахаар их бас хүчтэй. Жил гаруйн өмнө хэдхэн долоо хоногийн дотор дуусах ёстой байсан энэ дайнд Орос ялаагүй хэвээр. Пригожины хэлсэнчлэн Украин улам хүчирхэгжиж, зэвсэгжиж байгаа нь үнэн. Мөн Путин хорин жилийн турш бүтээсэн дүр шигээ хүчирхэг хүн байхаа больчих вий гэсэн айдастайгаа нүүр тулж суугаа. Үнэхээр одоо бодоход хэн нь илүү хүчтэйгээ үзэхээр харц тулж байгаа гэж төсөөлбөл нүд цавчих хүн нь Путин гэдэгтэй санал нэгдэх цаг ирсэн мэт.
АНУ-ын Төрийн нарийн бичгийн дарга Антони Блинкен "Арван зургаан сарын өмнө Украины Киев хотын босгон дээр Оросын арми хэдхэн хоногийн дотор хотыг эзлэн авч, тус улсыг газрын зургаас арилгана гэж бодож байсан. Харин одоо Путин өөрийн гараар бүтээсэн хөлсний армиас өөрийн биеийг хамгаалах хэрэгтэй боллоо доо" гэж CNN-д өгсөн ярилцлагадаа дурджээ.
Эцэст нь хэлэхэд Украинд одоо Ерөнхийлөгч Валадимир Зеленский болон түүний генералууд Пригожины тэдэнд барьсан гэнэтийн бэлгийг хэрхэн хамгийн сайнаар эргүүлэн ашиглаж болох вэ гэдэгт анхаарлаа хандуулах хэрэгтэй цаг үе юм. Тэд одоо хэрхэн ашигтай довтолж, өөрсдийн байр сууриа бататгах тал дээр түлхүү бодож, төлөвлөж суугаа нь мэдээж.
Л.Сайнаа
Эх сурвалж: CNN